ជាទូទៅពេលគភ៌កាន់តែធំ ម៉ាក់ៗតែងជួបអាការៈហើមជើង នេះក៏ដោយសារតែមានការចាល់ជាតិទឹកក្នុងខ្លួនច្រើន បម្រែបម្រួលអ័រម៉ូនពេលមានផ្ទៃពោះ ទម្ងន់គភ៌ក្នុងស្បូន បានសង្កត់លើសរសៃឈាមវ៉ែន នៅជើងដែលបណ្តាលឈាមមិនអាចចូលដល់បេះដូង សរសៃ ឬម៉ាក់ៗមានទឹកភ្លោះច្រើន អង្គុយ និងដើរច្រើនពេក។ នេះបើតាមការឲ្យដឹងពីលោកវេជ្ជបណ្ឌិតឯកទេសរោគស្ត្រី នៃមន្ទីរពេទ្យ កាល់ម៉ែត គាន់ អូន។
ពពោះ បើហើមជើងខ្លាំង ហើយមានសញ្ញាទាំងនេះ មិនស្រួលទេ ប្រញាប់ទៅពេទ្យ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប៉ុន្តែបើស្រីៗពពោះជួបអាការៈហើមជើង ថែមទាំងមានសញ្ញាមួយចំនួនខាងក្រោមនេះ ត្រូវប្រញាប់ទៅពិគ្រោះជាមួយគ្រូពេទ្យ ព្រោះជាសញ្ញាអាសន្ន នៃលើសឈាមពេលពពោះ និងពេលខ្លះវិវត្តទៅជាជំងឺក្រឡាភ្លើង ដែលអាចឲ្យស្រី្តប្រឈមនឹងគ្រោះថ្នាក់កាន់តែខ្លាំង ឈានដល់ស្លាប់ទាំងម្តាយទាំងកូន។
– លើសសម្ពាធឈាម
– ហត់ដង្ហក់
– នោមតិច
– ជើងឡើងក្រហម ហើយឈឺ។
អត្ថបទពាក់ព័ន្ធ៖
- អ្វីជាមូលហេតុនាំឲ្យហើមជើងពេលពពោះ ត្រូវដោះស្រាយម៉េច?
- ស្រីៗពពោះតែងជួបអាការៈទាំងនេះញឹកញាប់ រឿងខ្លះមិនត្រូវប្រហែសទេ
ប៉ុន្តែបើស្រីៗពពោះជួបអាការៈហើមជើងតែមួយមុខ មិនមានសញ្ញាទាំងប៉ុន្មានខាងលើ គួរធ្វើតាមការណែនាំខាងក្រោមនេះ ដើម្បីកាត់បន្ថយអាការៈហើមជើងពេលពពោះ។
– សម្រាកឲ្យបានច្រើន កុំធ្វើការធ្ងន់ៗពេក
– គេងផ្អៀងមកខាងឆ្វេងដៃ
– ដាក់ជើងឲ្យបានខ្ពស់ គ្រប់ពេល ពិសេសពេលធ្វើការ និងពេលគេង
– តម្រង់ជើងឲ្យបានញឹកញាប់ពេលអង្គុយលេង
– ដាក់ខ្នើយកល់ក្រោមជើងពេលគេង ឬដាក់កូនកៅអីទ្រជើងពេលអង្គុយធ្វើការ។
– កុំអង្គុយគងអន្ទាក់ខ្លា
– ឧស្សាហ៍ដើរចុះឡើងដើរឡើង កុំអង្គុយយូរពេក
– ដើរ ឬហាត់ប្រាណបែបសាមញ្ញាៗ
– ផឹកទឹកឲ្យបានច្រើន
– ពាក់ស្បែកជើងទន់ កុំពាក់ស្បែកជើងរឹតតឹងពេក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម