កូនដែលគ្រប់អាយុកើត គឺ ៩ ខែ ១០ ថ្ងៃ តែទោះជាយ៉ាងណាមានករណីជាច្រើនបណ្ដាលឲ្យស្រ្តីសម្រាលកូនទាំងមិនគ្រប់ខែ នៅខែទី ៧។ ទោះជាបែបនោះក្ដី ក៏នៅមានករណីខ្លះកូនកើតខែទី ៨ ដែរ ហើយភាគច្រើនគេថា កូនកើតខែនេះ មានបញ្ហាច្រើនណាស់។

ទាក់ទិនទៅនឹងការលើកឡើងខាងលើលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា រឿងនោះអាចពិត ពីព្រោះសួតនៅខែទី ៨ មិនទាន់បើក និងផលិតសារធាតុ Surfactant បានល្អ តែនៅខែទី ៧ Surfactant វិញមានការផលិតអាចបានល្អ។

កូនកើតមិនគ្រប់ខែHello_គ្រូពេទ្យ

តើ Surfactant នោះគឺជាអ្វី? លោកវេជ្ជបណ្ឌិតបានឲ្យដឹងថា Surfactant គឺជាសារធាតុរាវដែលផលិតចេញពីកោសិកាទងសួត ហើយវាមានមុខងារជួយបន្ថយសម្ពាធក្នុងទងសួត។ សារធាតុ Surfactant នេះមិនថានៅក្នុងខែទី ៧ ឬ ៨ ទេវាមានប្រហាក់ប្រហែលគ្នា តែភាគរយខ្ពស់មាននៅក្នុងខែ ៧។

ចំណែកមូលហេតុធ្វើឲ្យធ្វើឲ្យកូនកើតមិនគ្រប់ខែមានច្រើនយ៉ាងណាស់ដូចជា រលាកមាត់ស្បូន ឬម្ដាយមានវ័យក្មេងពេក ចាស់ពេក កូនលូតលាស់មិនបានល្អ មានបង្ករោគនៅទ្វារមាស សម្ពាធឈាមខ្ពស់ មានជំងឺស្អូច ជំងឺបេះដូង ម្ដាយមានជក់បារី ឬផឹកស្រា ទម្ងន់ឡើង ឬស្រកគីឡូពេកមានផ្ទៃពោះ មានកូនញឹកពេក មានប្រវត្តិកូនកើតមិនគ្រប់ខែ និងស្ត្រេស ធ្វើការធ្ងន់ ឬធ្វើដំណើរផ្លូវឆ្ងាយច្រើនពេក។ ក្នុងករណីទាំងនេះ អាចកើតមិនគ្រប់ខែទាំងក្នុងខែ ៧ និងខែ ៨។

ជាធម្មតាករណីកូនកើតមិនគ្រប់ខែ សម្បូរច្រើនពេលពពោះកូនខែទី ៧ ខណៈដែលខែទី ៨ មានតិចតួចប៉ុណ្ណោះ។

អត្ថបទពាក់ព័ន្ធ៖ អស់បារម្ភរឿងកូនមិនគ្រប់ខែ ទាំងនេះជារបៀបបង្ការ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គេថាកូនកើត ៧ ខែអត់មានបញ្ហាអ្វីទេ តែ​បើ ៨ ខែវិញអាចមានបញ្ហា?

គេថាកូនកើត ៧ ខែអត់មានបញ្ហាអ្វីទេ តែបើ ៨ ខែវិញអាចមានបញ្ហា?