ចំពោះរបបអាហារទាំងនេះអ្នកគ្រូពេទ្យ មួន រ៉ានី បម្រើការនៅមណ្ឌលសុខភាពព្រែកពោធិ៍ ស្រុកស្រីសន្ធរ ខេត្តកំពង់ចាម បានឲ្យដឹងថា ការបរិភោគអាហារបែបក្រៀមក្រោះតែមួយមុខមិនអាចជួយឲ្យម៉ាក់ៗសម្បូរទឹកដោះច្រើនបានឡើយ ហើយអាចបង្កទៅជាបញ្ហាច្រើនយ៉ាង និងមានជំងឺលើសឈាមទៀតផង។ អ្នកគ្រូបានបន្តថា ការទទួលទានសាច់សុទ្ធគ្មានបន្លែ និងជាតិទឹក ធ្វើឲ្យម៉ាក់ៗទល់លាមក ស្បែកមិនស្អាត ហើយរាងកាយខ្វះថាមពល។

“អាហារសាច់ច្រើន ក្រពះពោះវៀនមិនអាចរំលាយបានល្អទេ ហើយវាងាយនឹងធ្វើឲ្យម៉ាក់ៗទល់លាមក ព្រោះសាច់គ្មានជាតិទឹក និងរឹង។ តែបើចង់ឲ្យការបន្ទោបង់បានស្រួលគួរតែញ៉ាំអាហារមានជាតិទឹកគ្រប់គ្រាន់ជាប្រភេទសម្លទឹក មិនថាជាស្ងោរ ជ្រក់ ឬស៊ុប ហើយមានបន្លែគ្រប់ប្រភេទ”។