home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រឿងគ្រោះថ្នាក់សម្រាលកូនមិនគ្រប់ខែ ទាំងម្តាយទាំងកូនជួបផលវិបាកទាំងនេះ

រឿងគ្រោះថ្នាក់សម្រាលកូនមិនគ្រប់ខែ ទាំងម្តាយទាំងកូនជួបផលវិបាកទាំងនេះ

ការ​សម្រាល​នៅ​មុន ៣៧ សប្ដាហ៍​នៃ​ការ​ពពោះ ជា​ការ​សម្រាល​កូន​មុន​ខែ ដែល​ករណី​នេះ​ជួប​ផល​វិបាក​ច្រើន ទាំង​ម្ដាយ​ទាំង​កូន ហើយ​អ្នក​ដែល​ប្រឈម​​គ្រោះ​ថ្នាក់​ខ្លាំង​ជាង​គេ​គឺ​ទារក​ទើប​នឹង​កើត​នេះ​ឯង។

ក្នុង​បទ​សម្ភាស​ជាមួយ “Hello គ្រូពេទ្យ” លោកស្រី​វេជ្ជបណ្ឌិត ទី សុវណ្ណរដ្ឋ ឯកទេស​សម្ភព និង​រោគ​ស្ត្រី នៃ​មន្ទីរ​សម្រាក​ព្យាបាល និង​សម្ភព​មាតា បាន​ពន្យល់​លម្អិត​អំពី​ផល​វិបាក​ផ្សេងៗ​នៃ​ការ​សម្រាល​កូន​មុន​ខែ។

១- ផល​ប៉ះពាល់​ចំពោះ​ទារក​កើត​មិន​គ្រប់ខែ

– មាន​បញ្ហា​ដង្ហើម៖ ទារក​កើត​មុន ៣៤ សប្ដាហ៍ មាន​វិបត្តិ​ផ្លូវ​ដង្ហើម​ធ្ងន់​ធ្ងរ ព្រោះ​សរីរាង្គ​ប្រព័ន្ធ​ដក​ដង្ហើម (សួត) មិន​ទាន់​លូតលាស់​ពេញលេញ មិន​អាច​ធ្វើ​សកម្មភាព​ខ្លួន​ឯង​បាន ដែល​គ្រូពេទ្យ​នឹង​ជួយ​តាម​វិធី​ដាក់​សប់​បំពង់​ខ្យល់​ដើម្បី​ជួយ​សួត​ទារក។

– វិបត្តិ​ប្រព័ន្ធ​រំលាយ​អាហារ៖ ទារក​កើត​មិន​គ្រប់​ខែ មិន​ទាន់​ចេះ​បឺត​ជញ្ជក់​យក​សារធាតុ​ចិញ្ចឹម​ដោយ​ខ្លួន​ឯង​នោះ​ទេ ឯ​ក្រពះ​ពោះវៀន​មិន​ទាន់​លូតលាស់​ល្អ មិន​អាច​ដំណើរ​ការ​មុខងារ​ស្រូប​យក​សារជាតិ​ផ្សេងៗ​បាន។

– មិន​គ្រប់​គីឡូ កង្វះ​អាហារូបត្ថម្ភ៖ ស្ទើរ​តែ ១០០ នាក់ ទាំង ១០០ នាក់​ទៅ​ហើយ ទារក​កើត​មិន​គ្រប់​ខែ គីឡូ​ក៏​មិន​គ្រប់​ដូច​គ្នា។ ម្យ៉ាង​វិញ​ទៀត ខណៈ​ក្រពះ​ពោះវៀន​ទារក​កើត​មិន​គ្រប់​ខែ​មិន​ទាន់​អាច​ដំណើរ​ដោយ​ខ្លួន​ឯង​បាន ពិត​ណាស់​ទារក​នឹង​ខ្វះ​អាហារូបត្ថម្ភ ដែល​ករណី​នេះ​គ្រូពេទ្យ​អាច​ផ្ដល់​សារធាតុ​ចិញ្ចឹម​ទារក​តាម​សរសៃ ឬ​​ដាក់​ទុយយោ​តាម​ច្រមុះ​ទៅ​បំពង់​អាហារ ហើយ​ត្រូវ​បំប៉ន​សារធាតុ​ចិញ្ចឹម​ចាំបាច់​បន្ត​រាប់​ខែ ទម្រាំ​គេ​អាច​លូតលាស់​បាន​ដូច​ក្មេង​ធម្មតា។ ពេល​ទារក​ចេះ​បឺតជញ្ជក់​ដោយ​ខ្លួន​ឯង ទឹកដោះ​ម្ដាយ​ជា​ជម្រើស​ល្អ​បំផុត។ ករណី​ម្ដាយ​មាន​បញ្ហា​សុខភាព ឬ​មិន​មាន​ទឹក​ដោះ ម្ដាយ​អាច​ជ្រើស​រើស​ម្សៅ​ទឹកដោះ​គោ​រូបមន្ត​ពិសេស​សម្រាប់​ទារក​កើត​មិន​គ្រប់​ខែ។

– ខ្សោយ ខ្វះ​កម្ដៅ៖ រាង​កាយ​ទារក​កើត​មិន​គ្រប់​ខែ មិន​ទាន់​​លូត​លាស់​អស់ ឯ​សរីរាង្គ​ខាង​ក្នុង​ក៏​មិន​ទាន់​ពេញ​លេញ​នៅ​ឡើយ ជា​ហេតុ​ធ្វើ​ឲ្យ​មាន​សុខភាព​ខ្សោយ មិន​អាច​ធន់​ទ្រាំ​នឹង​អាកាស​ធាតុ ឬ​បរិយាកាស​ខាង​ក្រៅ​បាន​ទេ ចាំបាច់​គ្រូពេទ្យ​ត្រូវ​ដាក់​នៅ​ទូ​កម្ដៅ។

– ប្រឈម​ការ​ឆ្លង​រោគ៖ សរីរាង្គ​ទារក​កើត​មិន​គ្រប់​ខែ​នៅ​ខ្ចី​ខ្លាំង​ណាស់ ឯ​ប្រព័ន្ធ​ការពារ​អភិវឌ្ឍ​មិន​បាន​ពេញ​លេញ​ល្អ មិន​អាច​ការពារ​បាក់​តេរី ឬ​មេរោគ​ដទៃ​ទៀត​នោះ​ឡើយ អាច​ប្រឈម​នឹង​ឆ្លង​រោគ​ផ្សេងៗ។

– ខាន់លឿង មាន​បញ្ហា​ភ្នែក៖ ខាន់​លឿង ក៏​ជា​រោគ​សញ្ញា​កើត​មាន​លើ​ទារក​កើត​មិន​គ្រប់​ខែ ដោយសារ​តែ​ថ្លើម​ទារក​នៅ​ក្មេងខ្ចី មិនទាន់​វិវត្ត​​ពេញ​រូបរាង ដូច្នេះ​មិន​អាច​បោស​សម្អាត​ជាតិ​ប៊ីលីរូប៊ីន (ផលិត​ផល​កាក​សំណល់) ចេញ​ពី​ឈាម​បាន។ ទារក​កើត​មិន​គ្រប់​ខែ​ខ្លះ​មាន​​បញ្ហា​ភ្នែក​ធ្ងន់ធ្ងរ​ដោយសារ​តែ​ភ្នែក​មិន​ទាន់​អាច​ដំណើរ​ការ​បាន សរសៃ​ឈាម​ទៅ​ចិញ្ចឹម​ភ្នែក​មិន​បាន​ល្អ អាច​ពិការ​ភ្នែក។

– ហូរ​ឈាម៖ សរសៃ​ឈាម​ទារក​កើត​មិន​គ្រប់​ខែ​នៅ​ខ្ចី​ពេក កាល​ណា​ចរន្ត​ឈាម​បុក​ចុះ​បុក​ឡើង មិន​ទ្រាំ​ទ្រ​បាន ងាយ​នឹង​បែក​សរសៃ​ឈាម ទៅ​ជា​ហូរ​ឈាម​ក្នុង​ក្រពះ​ពោះវៀន ហើយ​អ្វី​ដែល​គួរ​ឲ្យ​បារម្ភ​នោះ គឺ​ការ​ហូរ​ឈាម​ក្នុង​ខួរ​ក្បាល បើ​ជួយ​មិន​ទាន់​ពេល​ទេ ទារក​អាច​នឹង​មាន​បញ្ហា​ផ្នែក​សតិ​បញ្ញា។

– មាន​ជំងឺ​ស្លេក​ស្លាំង៖ ទារក​កើត​មិន​គ្រប់​ខែ អាច​នឹង​ខ្វះ​ជាតិ​ដែក នាំឲ្យ​មាន​ជំងឺ​ស្លេកស្លាំង មាន​ការ​លំបាក​ក្នុង​ការ​ញ៉ាំ​អាហារ និង​លូតលាស់។ កាន់​តែ​ធ្ងន់ធ្ងរ​ខ្លាំង​ឡើង អាច​មាន​បញ្ហា​បេះដូង ឬ​ការ​ដក​ដង្ហើម។ ទារក​ស្លេក​ស្លាំង​ត្រូវ​ព្យាបាល​ដោយ​អាហារ​បំប៉ន​មាន​ជាតិ​ដែក ថ្នាំ​ប្រើ​ដើម្បី​បង្កើន​ការ​ផលិត​កោសិកា​ឈាម​ក្រហម ឬ​ករណី​ធ្ងន់ធ្ងរ ត្រូវ​បញ្ចូល​ឈាម។

អត្ថបទពាក់ព័ន្ធ៖

២- ផល​ប៉ះពាល់​ចំពោះ​ស្ដ្រី​សម្រាល​កូន​មិន​គ្រប់​ខែ

– អាច​សម្រាល​កូន​មិន​គ្រប់​ខែ​ពេល​ពពោះ​ក្រោយៗ៖ ចំពោះ​ស្រីៗ​ដែល​មាន​ស្បូន​មិន​ប្រក្រតី ឬ​មាត់​ស្បូន​ខ្សោយ នោះ​អាច​នឹង​ជួប​ករណី​សម្រាល​កូន​មិន​គ្រប់​ខែ នៅ​ពេល​ពពោះ​លើក​ក្រោយ​ទៀត។

– មាន​បញ្ហា​ផ្លូវចិត្ត៖ ពេល​ពពោះ ស្រីៗ​ស៊ូទ្រាំ​នឹង​ការ​លំបាក​សព្វ​បែប​យ៉ាង ប្រាថ្នា​ចង់​ឃើញ និង​បាន​ថ្នាក់​ថ្នម​កូន​ឆាប់ៗ តែ​បែរ​ជា​មក​ជួប​រឿង​អកុសល​កូន​កើត​មិន​គ្រប់ខែ ពេល​កើត​ភ្លាម​គ្មាន​ឱកាស​នៅ​ក្បែរ​កូន កូន​ត្រូវ​ដាក់​ចិញ្ចឹម​នៅ​ក្នុង​កែវ​ដាច់​ដោយ​ឡែក​ពី​ម្ដាយ បែប​នេះ​ងាយ​នឹង​មាន​បញ្ហា​ផ្លូវ​ចិត្ត។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ដេត ធន្នី
កែ 22/09/2019
x