គ្រូពេទ្យតែងណែនាំស្រីៗមានផ្ទៃពោះកុំឲ្យញ៉ាំប្រៃពេលពពោះ ចំណែកឯការញ៉ាំចំណីអាហារ ឬភេសជ្ជៈផ្អែមៗច្រើនពេកក៏មិនល្អនោះដែរ។ បើតាមលោកស្រីវេជ្ជបណ្ឌិត ទី សុវណ្ណរដ្ឋ ឯកទេសរោគស្ត្រី និងសម្ភព បម្រើការងារនៅមន្ទីរសម្រាកព្យាបាល និងសម្ភពមាតា ការញ៉ាំផ្អែមពេលពពោះអាចបង្កនូវហានិភ័យមួយចំនួនខាងក្រោម។
ហេតុផលពេទ្យហាមស្រីៗមានផ្ទៃពោះ មិនឲ្យញ៉ាំរបស់ផ្អែមៗច្រើនពេក
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ទឹកភ្លោះច្រើន សម្រាលកូនមុនខែ
ស្រីៗពពោះត្រូវញ៉ាំអាហារឲ្យមានលំនឹង កុំញ៉ាំអាហារ ឬភេសជ្ជៈផ្អែមលើសកម្រិត នាំឲ្យបរិមាណទឹកភ្លោះកើនឡើងច្រើន ប្រឈមនឹងការសម្រាលកូនមុនខែ។
អត្ថបទពាក់ព័ន្ធ៖ ទឹកភ្លោះមានចាប់តាំងពីពេលណា សំខាន់ម៉េចខ្លះ?
២- មានជំងឺទឹកនោមផ្អែម ឈានទៅបម្រុងក្រឡាភ្លើង
ការញ៉ាំផ្អែមៗងាយធ្វើឲ្យយើងធាត់ ទៅជាមានជំងឺនោមផ្អែម ដែលករណីខ្លះការគ្រប់គ្រងទម្ងន់ខ្លួនឯងមិនបានពេលពពោះ វិវត្តទៅជាជំងឺបម្រុងក្រឡាភ្លើង-ក្រឡាភ្លើង គ្រោះថ្នាក់ទាំងម្តាយទាំងកូនក្នុងផ្ទៃ។
៣- ឡើងគីឡូ កូនថ្លោស ពិបាកសម្រាលកូន
ត្បិតគ្រូពេទ្យណែនាំឲ្យស្រីៗមានផ្ទៃពោះញ៉ាំអាហារសម្បូរជីវជាតិឲ្យច្រើន និងចម្រុះមុខក្តី តែយើងមិនត្រូវបំប៉នឲ្យឡើងគីឡូខ្លាំងហួសហេតុពេកទេ នាំឲ្យកូនថ្លោស ពិបាកសម្រាល។ ចាប់ពីពពោះ រហូតដល់ថ្ងៃសម្រាលគ្រូពេទ្យណែនាំឲ្យឡើងគីឡូពី១០-១២ គីឡូក្រាមប៉ុណ្ណោះ។
អត្ថបទពាក់ព័ន្ធ៖ ពីថ្ងៃពពោះដល់សម្រាល ម៉ាក់ៗឡើងគីឡូប៉ុន្មានទើបល្អ?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម