តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ចាស់ៗថាងូតទឹកយប់ធ្វើឲ្យកូនថ្លោស តែពេទ្យថាមិនមែនទេ

ចាស់ៗថាងូតទឹកយប់ធ្វើឲ្យកូនថ្លោស តែពេទ្យថាមិនមែនទេ

ជា​ការ​ពិត​ណាស់​ពេល​យើង​មាន​ផ្ទៃពោះ ចាស់​ៗ​តែងតែ​ហាមប្រាម​មិន​ឲ្យ​ងូត​ទឹក​នៅ​ពេល​យប់​ឡើយ ព្រោះ​ពេល​យប់​ត្រជាក់​នឹង​ធ្វើ​ឲ្យ​កូន​ថ្លោស​បាន។ ចំពោះ​មតិ​លើក​ឡើង​បែប​នេះ ត្រូវ​បាន​សាស្ត្រាចារ្យ​វេជ្ជបណ្ឌិត គាន់ អូន ថា​មិនមែន​ជា​ការ​ពិត​ឡើយ។

សាស្ត្រាចារ្យ រូប​នោះ​បាន​បន្ថែម​ទៀត​ថា ទារក​ក្នុង​ពោះ​ថ្លោស​មិនមែន​ព្រោះតែ​ងូតទឹក​យប់​ឡើយ តែ​មក​ពី​របប​អាហារ​ប្រចាំ​ថ្ងៃ​យើង​ទទួល​ទាន​ជា​ប្រចាំ។ ប្រធាន​ផ្នែក​រោគ​ស្ត្រី នៃ​មន្ទីរពេទ្យ​កាល់​ម៉ែត បាន​បន្ថែម​ទៀត​ថា ក្នុង​នោះ​អាហារ​ធ្វើឲ្យ​គភ៌​ថ្លោស​មាន​ដូចជា​ញ៉ាំ​​ច្រើន ពិសេស​ពពួក​សាច់ គ្មាន​បន្លែ អាហារ​បំពង នំផ្អែមៗ និង​ផឹក​ភេសជ្ជៈ​កំប៉ុង ទើប​ជាហេតុ​ចម្បង។

ពពោះ

វេជ្ជបណ្ឌិត គាន់ អូន ក៏​បាន​ឲ្យ​ដឹង​ទៀត​ដែរ​ថា អ្នក​ខ្លះ​ងូត​ទឹក​ម៉ោង ៩ ឬ ១០ យប់ តែ​កូន​បែរជា​មិន​ថ្លោស នោះ​មកពី​របប​អាហារ​មិន​សម្បូរ​បែប​ពេក ហើយ​អ្នក​ខ្លះ​ងូត​ទឹក​តាំងពី​ម៉ោង ៥ ល្ងាច តែ​កូន​នៅតែ​ថ្លោស ព្រោះ​ញ៉ាំ​មិន​ឈប់ទាល់​ចូល​គេង មិន​ហាត់​ប្រាណ ឬ​មិន​ធ្វើ​អ្វី​សោះ ពោល​គឺ​ដេក​ស៊ីៗ​តែម្ដង។

លោក​បាន​បន្ត​ថា ទោះ​ជា​ការ​ងូត​ទឹក​យប់​មិន​បណ្ដាល​ឲ្យ​កូន​ថ្លោស​ក៏​ពិត​មែន តែ​ចាស់​ៗ​ពី​មុន​ខ្លាច​យើង​ដើរ​ដួល ឬ​រអិល​ព្រោះ​ងងឹត​មើល​មិន​ឃើញ ដែល​នាំ​ឲ្យ​ប៉ះពាល់​ទាំង​យើង និង​កូន​ក្នុង​ផ្ទៃ។ ដូចនេះ​បើ​យើង​ចង់​ងូត​យប់​ក៏​បាន​ដែរ ត្រូវ​ប្រាកដ​ចិត្ត​ថា​កន្លែង​នោះ​មាន​សុវត្ថិភាព​ល្អ មិន​បង្ក​គ្រោះថ្នាក់។

អត្ថបទពាក់ព័ន្ធ

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

ការឡើងទម្ងន់ស្ត្រីអំឡុងពពោះ

រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។

28

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Try Ravi កែសម្រួល​ចុងក្រោយ 17/01/2020
ត្រួតពិនិត្យដោយ វេជ្ជ. ចាន់ ស៊ីណេត