តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

ផ្លែឈើខ្មែរយើងប៉ុន្មានមុខនេះ ងាយស្រួលរក ហើយល្អខ្លាំងចំពោះស្ត្រីពពោះ និងគភ៌

    ផ្លែឈើខ្មែរយើងប៉ុន្មានមុខនេះ ងាយស្រួលរក ហើយល្អខ្លាំងចំពោះស្ត្រីពពោះ និងគភ៌

    អំឡុង​ពពោះ ស្ត្រី​ជា​ម្តាយ​ត្រូវ​ញ៉ាំ​ចំណី​អាហារ​ល្អៗ សម្បូរ​ជីវជាតិ ដើម្បី​បំប៉ន​សុខភាព​ខ្លួន​ឯង ពិសេស​កូន​ក្នុង​ផ្ទៃ។ ក្រៅ​ពី​បន្លែ ត្រី សាច់ ស៊ុត ផ្លែឈើ​ក៏​ដើរ​តួនាទី​សំខាន់​ក្នុង​ការ​ទ្រទ្រង់​សុខភាព ថែម​ទាំង​សម្បូរ​វីតាមីន​ទៀត។

    ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​បង្អែក​មិត្តភាព​កម្ពុជា-ចិន សែនសុខ លោក​វេជ្ជបណ្ឌិត ចាន់ ស៊ីណេត បាន​ណែនាំ​ប្រភេទ​ផ្លែឈើ​ក្នុង​ស្រុក​យើង​ប៉ុន្មាន​មុខ​នេះ ដែល​ងាយ​ស្រួល​រក ហើយ​ល្អ​ចំពោះ​សុខភាព​ម្តាយ និង​គភ៌។

    ១. ក្រូច

    ផ្លែ​ក្រូច​ជួយ​រក្សា​សំណើម​ក្នុង​រាង​កាយ មិន​ឲ្យ​ខ្វះ​ជាតិ​ទឹក និង​ជា​ប្រភព​ហ្វូឡាត ឬ​អាស៊ីដ​ហ្វូលិក ដែល​ជួយ​មាន​តួនាទី​សំខាន់​ក្នុង​ការ​ជួយ​បង្ការ​ជំងឺ​ពក​ឆ្អឹង​កង​ខ្នង​ពី​កំណើត​របស់​ទារក។ ក្រៅ​ពី​នោះ​ក្រូច​ជា​ប្រភព​នៃ​វីតាមីន C ដែល​ជួយ​បង្ការ​ការ​ខូច​នៃ​កោសិកា។

    ២. ស្វាយ

    ស្វាយ​ជា​ប្រភព​សំខាន់​នៃ​វីតាមីន C និង A ដែល​ចាំបាច់​សម្រាប់​ស្ត្រី និង​កូន​ក្នុង​ផ្ទៃ។ កង្វះ​វីតាមីន A ពេល​កើត​ធ្វើ​ឲ្យ​ប្រព័ន្ធ​ការពារ​រាង​កាយ​ខ្សោយ ទារក​ប្រឈម​ខ្ពស់​នឹង​ជំងឺ​រាក និង​ផ្លូវ​ដង្ហើម។

    ៣. ប៊ើរ

    ផ្លែប៊ើរ​សម្បូរ​ជាតិ​ហ្វូឡាត​ជាង​ផ្លែ​ឈើ​ផ្សេងៗ​ទៀត។ ក្រៅ​ពី​នោះ​ផ្លែ​ប៊ើរ​ក៏​មាន​ផ្ទុក​នូវ​វីតាមីន C, B, K ជាតិ​កាក​សរសៃ Choline ម៉ាញ៉េស្យូម និង​ប៉ូតាស្យូម។ ប៉ូតាស្យូម​ក៏​អាច​ជួយ​បំបាត់​អាការៈ​រមួល​ក្រពើ​ដែល​កើត​មាន​ញឹក​ញាប់​ពេល​មាន​ផ្ទៃពោះ​ដែរ។ ចំណែក Choline វិញ​ជួយអភិវឌ្ឍ​ខួរក្បាល និង​សរសៃ​ប្រសាទ​របស់​ទារក ខណៈ​កង្វះ Choline អាច​បណ្តាល​ឱ្យ​​ពិការ​ភាព​បំពង់​សរសៃ​ប្រសាទ និង​ការ​ថយ​ចុះ​ការ​ចង​ចាំ​ពេញ​មួយ​ជីវិត។

    ពពោះ

    ៤. ចេក

    ផ្លែ​ចែក​សម្បូរ​ដោយ​ជាតិ​ប៉ូតាស្យូម វីតាមីន B6, C និង​ជាតិ​កាក​សរសៃ។ ជាតិ​កាក​សរសៃ​ក្នុង​ផ្លែ​ចេក អាច​ជួយ​សម្រួល​អាការៈ​ទល់​លាមក​ដែល​ជា​បញ្ហា​ប្រឈម​របស់​ស្ត្រី​ពពោះ ខណៈ​វីតាមីន B6 ជួយ​បំបាត់​អាការៈ​ចង្អោរ និង​ក្អួត​ពេល​ពពោះ។

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 08/01/2021
    ត្រួតពិនិត្យដោយ វេជ្ជ. ចាន់ ស៊ីណេត