ពេលពពោះ ម៉ាក់ៗអាចលាបថ្នាំសក់ ឬអ៊ុតសក់បានទេ? ចម្ងល់នេះប្រហែលជាស្រីៗគ្នាយើងភាគច្រើនចង់ដឹង ព្រោះបារម្ភខ្លាចជាតិគីមីដែលមាននៅក្នុងថ្នាំលាបសក់ ថ្នាំអ៊ុតសក់ប៉ះពាល់ដល់ការលូតលាស់កូនក្នុងផ្ទៃ។
ពេលពពោះ ម៉ាក់ៗគួរលាប ឬអ៊ុតសក់អត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ថ្នាំលាបសក់ និងថ្នាំអ៊ុតសក់គ្រប់ប្រភេទ មិនថា ថ្នាំអ៊ុតសក់ត្រង់ ឬសក់រួញនោះទេ សុទ្ធមានជាតិគីមី ជាតិគីមីទាំងនេះ ទោះតិច ឬច្រើន នឹងជ្រាបចូលតាមរយៈស្បែក ពិសេសផ្លូវដង្ហើមរបស់ម៉ាក់ៗ ដែលអាចប៉ះពាល់ដល់ការលូតលាស់កូនផ្ទៃ។ នេះបើតាមការបញ្ជាក់របស់លោកស្រី អ៊ួង លីដា នាយសាល ផ្នែកបន្ទប់សម្រាល នៃមជ្ឈមណ្ឌលជាតិគាំពារមាតា និងទារក។
អត្ថបទពាក់ព័ន្ធ៖ ចាស់ៗថា ម៉ាក់ៗគេងស្ពឹកពិបាកកើតកូន តែពេទ្យថាមិនមែនទេ មកពី…
លោកស្រីបានបន្តថា ស្រីៗមួយចំនួនបានទៅលាបពណ៌សក់ ឬអ៊ុតសក់អំឡុងពពោះ ដោយមិនបានដឹងពីផលប៉ះពាល់ដែលបង្កឡើងដោយកម្តៅ និងសារធាតុគីមីដែលមាននៅក្នុងថ្នាំលាបសក់ ឬថ្នាំអ៊ុតសក់ សាយភាយចូលទៅក្នុងខ្លួន។ ថ្នាំលាបសក់ ថ្នាំអ៊ុតសក់មានជាតិអាម៉ុយញ៉ាក់ ឯក្លិនវិញឆួលខ្លាំងស្ទើរតែទ្រាំមិនបាន កាលណាជ្រាបចូលក្នុងស្បែក ធ្វើឲ្យប៉ះពាល់ដល់ប្រព័ន្ធដង្ហើម មាត់ ច្រមុះ បំពង់ក ឯផលប៉ះពាល់ចំពោះកូនវិញ ធ្វើឲ្យកូនកើតមកមិនគ្រប់លក្ខណៈ ឬឈានដល់ពិការភាពផ្នែកខួរក្បាល។
“ការមានផ្ទៃពោះជារឿងធម្មជាតិ តម្រូវឲ្យស្រីៗយើងថែទាំខ្លួន រស់នៅតាមបែបធម្មជាតិដូចគ្នា ដូច្នេះហើយម៉ាក់ៗមិនត្រូវញ៉ាំចំណីអាហារដែលមានជាតិគីមី ឬយកជាតិគីមីអ្វីផ្សេងទៀតមកដាក់លើខ្លួនទេ នោះទើបមិនមានផលប៉ះពាល់ដល់សុខភាពខ្លួនឯង និងកូនក្នុងផ្ទៃ’។ លោកស្រី អ៊ួង លីដា រៀបរាប់។
អត្ថបទពាក់ព័ន្ធ៖ ងាកឈឺៗពេលពពោះ អាចធ្វើឲ្យកូនក្នុងផ្ទៃខ្សោយអត់?
ការរស់នៅ និងតុបតែងខ្លួនតាមបែបធម្មជាតិជាជម្រើសល្អបំផុតសម្រាប់ស្រីៗមានផ្ទៃ ដោយឡែករឿងចង់ស្អាតទុកមួយឡែកសិន ចាំសម្រាលកូនហើយចាំគិតគូរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម