ប្រាកដហើយថា អ្នកចង់ចាកចេញ?
ខ្ញីអាចប្រើប្រាស់ជាប្រភេទគ្រឿងទេសសម្រាប់ចម្អិនម្ហូបអាហារ ក៏ដូចជាឆុងតែដ៏មានឱជារសឈ្ងុយឆ្ងាញ់ ព្រមទាំងអាចជួយព្យាបាលបញ្ហាសុខភាពមួយចំនួនថែមទៀតផង។ យ៉ាងណាមិញ ការញ៉ាំតែខ្ញីនៅអំឡុងពេលពពោះ មិនបណ្ដាលឲ្យរលូតកូនឡើយ ប្រសិនបើម៉ាក់ៗធ្វើតាមការណែនាំរបស់គ្រូពេទ្យ ហើយមិនញ៉ាំវាលើសចំនួនកំណត់។
យោងតាមសាកលវិទ្យាល័យវេជ្ជសាស្ត្រMaryland តែខ្ញីត្រូវបានប្រើប្រាស់ដើម្បីជួយដល់ការរំលាយអាហារ និងបំបាត់អាការៈឈឺក្បាល ព្រមទាំងផ្ដាសាយបានយ៉ាងស័ក្ដិសិទ្ធិ។ លើសពីនេះ វាក៏ត្រូវបានប្រើសម្រាប់ព្យាបាលជំងឺក្រពះ ដូចជារាករូស និងក្អួតចង្អោរ ដែលជារោគសញ្ញាទូទៅរបស់ស្ត្រីមានផ្ទៃពោះផងដែរ។
ជាទូទៅ តែខ្ញីស្រស់មានសុវត្ថិភាពចំពោះស្ត្រីមានផ្ទៃពោះ ប៉ុន្តែយើងគប្បីពិភាក្សាជាមួយនឹងគ្រូពេទ្យបន្ថែមទៀត មុនពេលផឹកវា។ ជាមួយគ្នានេះដែរ តែខ្ញីផ្សំពីប្រភេទឫសស្ងួត ដែលមិនត្រូវបានណែនាំឲ្យប្រើប្រាស់ នៅអំឡុងពេលពពោះឡើយ។ ដូច្នេះហើយ ប្រសិនបើម៉ាក់ៗទិញតែខ្ញីដែលមានលក់នៅលើទីផ្សារស្រាប់ សូមអានសេចក្ដីណែនាំឲ្យបានច្បាស់លាស់ជាមុនសិន។
នៅក្នុងករណីដែលគ្រូពេទ្យណែនាំឲ្យយើងផឹកតែខ្ញីនៅអំឡុងពេលពពោះ ចូរអនុវត្តតាមបរិមាណដែលណែនាំនោះឲ្យបានខ្ជាប់ខ្ជួន។ សាកលវិទ្យាល័យវេជ្ជសាស្ត្រMarylandបានបញ្ជាក់ថា បរិមាណធម្មតាដែលម៉ាក់ៗគួរញ៉ាំតែខ្ញី គឺចំនួន២៥០មិល្លីក្រាម ចំនួន៤ដងក្នុងមួយថ្ងៃ ហើយមិនត្រូវឲ្យលើស៤ក្រាមនៅក្នុងមួយថ្ងៃឡើយ រួមទាំងខ្ញីដែលមាននៅក្នុងចំណីអាហារផ្សេងទៀតផងដែរ។
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
វដ្ដរដូវ
(ថ្ងៃ)
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.livestrong.com/article/440140-can-ginger-tea-cause-a-miscarriage/
