ស្រីៗយើងឲ្យតែចាប់មានប៊េប៊ី រអ៊ូតែរឿងឈឺខ្នង ឈឺចង្កេះ។ ពិតណាស់បញ្ហានេះកើតឡើងចំពោះស្ត្រី ដែលមានកូនតាំងពីខែដំបូង រហូតក្រោយពេលសម្រាលកូនហើយក៏មិនងាយបាត់ដែរ។
កុំចេះតែរអ៊ូ! ស្រីៗមានផ្ទៃពោះគួរដឹង អាការៈឈឺខ្នង ឈឺចង្កេះពេលមានអាអូន
នេះមកពីទម្ងន់របស់ទារកដែលនៅក្នុងស្បូន ធ្វើឲ្យសាច់ដុំខ្នងរបស់ម្ដាយយឺត និងកោងខ្លាំង ដើម្បីទ្រទម្ងន់ពោះ ពេលដែលស្បូន និងពោះម្ដាយកាន់តែរីកធំ សម្ពាធលើខ្នងផ្នែកខាងក្រោមក៏កាន់តែកើនឡើងដូចគ្នា។
ចំពោះស្ត្រីមានផ្ទៃពោះ អាការៈឈឺខ្នង ចង្កេះនេះ បានក្លាយទៅជារឿងសាមញ្ញហើយ។ដើម្បីសម្រួលការឈឺចាប់ ម្តាយអាចសាកល្បងធ្វើតាមវិធីសាស្ត្រខាងក្រោម៖
១- សម្រាកឲ្យបានគ្រប់គ្រាន់
អ្នកជំនាញបានណែនាំថា ការសម្រាកឲ្យបានគ្រប់គ្រាន់ ទាំងផ្លូវកាយ និងផ្លូវចិត្ត ជារឿងដែលសំខាន់បំផុត សម្រាប់ស្រីៗមានផ្ទៃពោះ។ ជាពិសេស សុខភាពផ្លូវចិត្ត ព្យាយាមធ្វើចិត្តឲ្យសប្បាយ និងកុំតានតឹងពេក ព្រោះពេលមានអារម្មណ៍ព្រួយ ភ័យខ្លាច និងតានតឹងពេក ការឈឺចាប់ពេលពពោះ ក៏ដូចជាពេលសម្រាល នឹងកើនឡើងកាន់តែខ្លាំងដូចគ្នា។
២- លំហាត់ប្រាណ
ការធ្វើចលនា ឬលំហាត់ប្រាណស្រាលៗដូចជា ការដើរ ការពត់ខ្លួន ឧស្សាហ៍ប្ដូរឥរិយាបថក្នុងការអង្គុយ ឬគេង និងលំហាត់ប្រាណលើបាល់ មិនត្រឹមតែជួយបន្ថយការចុករួយចង្កេះ និងខ្នងទេ វានឹងជួយសម្រួលដល់ការសម្រាលកូនផងដែរ។
៣- ងូតឬស្អំទឹកក្តៅឧណ្ហៗ
អាចកាត់បន្ថយការឈឺចាប់ និងជួយឲ្យអ្នកមានអារម្មណ៍ធូរស្បើយ។ អ្នកខ្លះនិយាយថា ការស្អំទឹកត្រជាក់មានប្រសិទ្ធភាពជាង ប៉ុន្តែទាំងកម្ដៅ និងចំហាយត្រជាក់សុទ្ធតែមានប្រយោជន៍ដូចគ្នា។ អាចសាកល្បងដោយខ្លួនឯងបាន តែត្រូវប្រើកំណាត់ ឬកន្សែងទ្រាប់ការពារស្បែកយើង ចៀសវាងការដាក់ផ្ទាល់។
៤- ការប្រើថ្នាំបំបាត់ការឈឺចាប់
ស្រីៗគ្នាយើងមួយចំនួនជឿថាការចាក់ (Sterile Water) អាចបន្ធូរបន្ថយការឈឺខ្នងចង្កេះបាន។ វាជាវិធីសាស្ត្រមួយដែលចាក់ចូលទៅក្រោមស្បែក ៤ កន្លែង នៅបរិវេណខ្នងផ្នែកខាងក្រោម។ ការចាក់នេះជួយបន្ថយការឈឺចាប់បណ្ដោះអាសន្ន ហើយការឈឺចាប់ នឹងត្រឡប់មកវិញនៅប៉ុន្មានម៉ោងក្រោយចាក់ថ្នាំ។ គ្មាននរណាដឹងច្បាស់ពីប្រសិទ្ធភាពចាក់នេះទេ ហើយក៏មិនទាន់មានគ្រប់ទីកន្លែងដែរ។
បើយើងជ្រើសរើសយកការសម្រាលកូនដោយធម្មជាតិ តែនៅមិនទាន់ត្រៀមខ្លួន និងចិត្តក្នុងការឈឺចាប់ពេលសម្រាល អាចពិចារណាលើការចាក់ឆ្អឹងខ្នង។ មានស្រីៗជាច្រើនបានសម្រេចចិត្តប្រើវាកាត់បន្ថយការឈឺចាប់ស្ទើរតែទាំងអស់ រាប់បញ្ចូលទាំងការឈឺចាប់ខ្នងចង្កេះផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម