home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

កៀកថ្ងៃសម្រាលហើយ នេះជាសញ្ញាឈឺពោះ និងពេលវេលាត្រូវទៅពេទ្យ

កៀកថ្ងៃសម្រាលហើយ នេះជាសញ្ញាឈឺពោះ និងពេលវេលាត្រូវទៅពេទ្យ

កៀកថ្ងៃសម្រាល អារម្មណ៍ម៉ាក់ៗច្បាស់ជាភ័យផងអរផង ចិត្តចង់ឲ្យដល់ថ្ងៃសម្រាលបន្តិច អត់បន្តិច ពិសេសស្ត្រីដែលទើបមានកូនដំបូងៗ។ កុំបារម្ភអី បើយើងត្រៀមលក្ខណៈបានល្អ ដឹងពីសញ្ញាឈឺពោះ និងពេលវេលាត្រូវសម្រាលនោះ មិនមានអ្វីចោទជាបញ្ហាឡើយ។

១. ពពោះប៉ុន្មានសប្តាហ៍/ខែ ទើបហៅថាគ្រប់ខែ?

តាមក្បួនពេទ្យបានកំណត់យករយៈពេល ៩ ខែ ១០ ថ្ងៃ ឬ ៤០ សប្តាហ៍ ជារយៈពេលនៃការគ្រប់ខែ ដោយរាប់ចាប់ពីថ្ងៃមានរដូវចុងក្រោយ។ ក្នុងនោះអង្គការសុខភាពពិភពលោក (WHO) បានបញ្ជាក់ថាករណីស្ត្រីសម្រាលកូនចាប់ពី ៣៧ សប្តាហ៍ឡើងទៅក៏ចាត់ទុកថា គ្រប់ខែដែរ។ ដូច្នេះពេលដឹងថា គ្រប់ខែហើយ ម៉ាក់ៗត្រូវត្រៀមលក្ខណៈឲ្យបានល្អ ទាំងខ្លួនយើង និងសម្ភារៈផ្សេងៗ ហើយត្រូវចៀសវាងការធ្វើដំណើរផ្លូវឆ្ងាយ។

២. សញ្ញាឈឺពោះសម្រាលកូនមានអីខ្លះ?

ឈឺចង្កេះរួយខ្នង៖ អាការៈចុករួយចង្កេះខ្នង កើតមានញឹកញាប់ចំពោះស្ត្រីមានផ្ទៃពោះ តែដល់ពេលឈឺពោះសម្រាលវិញ ម៉ាក់ៗមានអាការៈឈឺចង្កេះផ្នែកខ្នងកាន់តែខ្លាំងឡើងៗ ។

សៀតពោះ ឈឺពោះ៖ ឈឺពោះសម្រាលកូន ខុសពីឈឺពោះរាករូស ដោយវាមានសណ្ឋានខ្មួលៗ។

ធ្លាក់ទឹករម្អិល៖ ពេលកំពុងតែឈឺពោះខ្មួលៗ ក៏មានការធ្លាក់ទឹករម្អិលដែលមានសភាពខាប់ៗតាមទ្វារមាស ពេលខ្លះមានលាយឈាមតិចៗមកជាមួយ ជាសញ្ញាបញ្ជាក់ថា ការឈឺពោះសម្រាលកូនកាន់តែកៀកមែនទែនហើយ។ ជួនកាលម៉ាក់ៗនោមមានលាយទឹករម្អិល និងឈាមមកជាមួយផង។

ស្បូនកន្ត្រាក់៖ នៅដំណាក់កាលដំបូង ស្បូនកន្ត្រាក់យូរៗម្តងប៉ុណ្ណោះ តែកៀកពេលសម្រាល ឬដល់ពេលឈឺពោះកើតកូនមែនទែនហើយ ស្បូនកន្ត្រាក់កាន់តែញឹក ឈឺពោះកាន់តែខ្លាំងទៅ ដែលពេលខ្លះម៉ាក់ៗសឹងតែទ្រាំមិនបាន។

ជ្រាប ឬបែកទឹកភ្លោះ៖ បែកទឹកភ្លោះជាការបែកស្រោមទឹកភ្លោះក្នុងពោះ ហើយចេញតាមទ្វារមាស ដែលទឹកភ្លោះស្ត្រីមួយចំនួនតូចអាចបែកទឹកភ្លោះមុនសម្រាល ឯភាគច្រើនទៀតបែកទឹកភ្លោះក្នុងពេលសម្រាល។

សម្រាលកូន

៣. ពេលណាទៅពេទ្យ?

ពេលវេលានៃការសម្រាលកូនរបស់ស្ត្រីម្នាក់ៗមិនដូចគ្នា ស្ត្រីខ្លះអាចសម្រាលកូនមុនកាលកំណត់ ឯខ្លះទៀតក្រោយការកំណត់របស់ពេទ្យ។ គ្រប់ខែហើយ ចុះពេលណាស្ត្រីពពោះត្រូវទៅពេទ្យ? ឲ្យតែមានសញ្ញាឈឺពោះទាំងប៉ុន្មានខាងលើត្រូវទៅជួបពេទ្យភ្លាម ឬយ៉ាងណា?

សំណួរនេះលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពចិន-កម្ពុជា សែនសុខ បកស្រាយថា ឲ្យតែគ្រប់ខែ ឬជិតដល់ថ្ងៃដែលពេទ្យបានព្យាករណ៍ទុក តាមរយៈការរាប់វដ្តរដូវរបស់ស្ត្រី ឬការកំណត់តាមរយៈការមើលអេកូនោះ ស្ត្រីត្រូវតែត្រៀមលក្ខណៈទៅពេទ្យ ពិសេសស្ត្រីជាម្តាយដែលមានផ្ទះនៅឆ្ងាយពីមន្ទីរពេទ្យ។

លោកវេជ្ជបណ្ឌិតថា មិនមានពេលវេលាកំណត់ច្បាស់លាស់ថា ស្ត្រីត្រៀមសម្រាលត្រូវទៅពេទ្យថ្ងៃណាឲ្យប្រាកដនោះទេ តែបើស្ត្រីជាម្តាយដល់ថ្ងៃកំណត់ត្រូវសម្រាល បូករួមទាំងសញ្ញាឈឺពោះសម្រាលកូន ដូចជាឈឺពោះញឹក មានធ្លាក់ទឹករម្អិល ស្បូនកន្ត្រាក់ ជ្រាប ឬបែកទឹកភ្លោះនោះ ជាពេលដែលស្ត្រីប្រញាប់រួសរាន់ទៅពេទ្យ។ ចំពោះស្ត្រីដែលធ្លាប់សម្រាលចាប់ពីទី២ ឡើងទៅ លោកវេជ្ជបណ្ឌិតណែនាំឲ្យទៅពេទ្យឲ្យលឿន ជាងស្ត្រីដែលសម្រាលកូនដំបូង ដោយហេតុថា ពេលវេលានៃការឈឺពោះមិនសូវជាអូសបន្លាយយូរដូចការសម្រាលកូនទី១ ឡើយ។

ចង់បានចំណេះដឹង វិធីសាស្ត្រ និងគន្លឹះផ្សេងៗអំពីអាហារូបត្ថម្ភ ការចិញ្ចឹមបីបាច់កូនឲ្យលូតលាស់ល្អ ចាប់ពីពេលពពោះ រហូតដល់កូនអាយុ ៥ឆ្នាំ។ កុំភ្លេចចុះឈ្មោះជាមួយកូនឆ្លាតក្លឹប!

health-tool-icon

គណនាថ្ងៃមេជីវិតញីទុំធ្លាក់

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 01/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x