មកដឹងលម្អិតពីករណីទារកកើតមិនគ្រប់ខែ និងមូលហេតុនៅពីក្រោយ

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 09/10/2019 . 3 mins read
Share now

ក្បួន​ពេទ្យ​បាន​កំណត់​យក​រយៈពេល ៩ ខែ ១០ ថ្ងៃ ឬ ៤០ សប្តាហ៍ ជា​រយៈ​ពេលនៃ​ការ​ពពោះ ដោយ​រាប់​ចាប់​ពី​ថ្ងៃ​មាន​រដូវ​ចុង​ក្រោយ។ តែ​ស្រីៗ​មួយ​ចំនួន​មិន​ទាន់​គ្រប់​ខែ​ផង បែរ​ជា​ឈឺ​ពោះ ត្រូវ​សម្រាល​កូនមុន​កំណត់​ជា​ច្រើន​សប្តាហ៍ ដែល​ករណី​នេះ​ហៅ​ថា ការ​សម្រាល​កូន​មុន​ខែ។

លោកស្រី​វេជ្ជបណ្ឌិត ទី សុវណ្ណរដ្ឋ ឯកទេស​​ផ្នែក​សម្ភព និង​រោគ​ស្ត្រី នៃ​មន្ទីរ​សម្រាក​ព្យាបាល និង​សម្ភព មាតា នឹង​បកស្រាយ​លម្អិត​ពី​មូលហេតុ​ធ្វើ​ឲ្យ​ស្ត្រី​សម្រាល​កូន​មិន​គ្រប់​ខែ សញ្ញា​នៃ​ការ​សម្រាល​កូន​មិន​គ្រប់​ខែ និង​វិធី​បង្ការ​ការ​សម្រាល​កូន​មុន​ខែ។

១- និយមន័យ​ទារក​កើត​មិន​គ្រប់​ខែ

ទារក​កើត​មុន​ខែ ឬ​ការ​សម្រាល​កូន​មុន​កំណត់ សំដៅ​ទៅ​លើ​ការ​សម្រាល​កូន​នៅ​មុន​សប្ដាហ៍​ទី ៣៧​ នៃ​ការ​​ពពោះ។ អង្គការ​សុខភាព​ពិភព​លោក (WHO) បាន​បែង​ចែក​ករណី​ទារក​កើត​មិន​គ្រប់​ខែ​ជា ៣ ដំណាក់​កាល៖

– ទី១ ទារក​កើត​មិន​គ្រប់​ខែ​កម្រិត​ធ្ងន់ធ្ងរ​បំផុត (កើត​មុន ២៨ សប្ដាហ៍)
– ទី២ ទារក​កើត​មិន​គ្រប់​ខែ​កម្រិត​ធ្ងន់ (២៨-៣២ សប្ដាហ៍) និង
– ​ទី៣ ទារក​កើត​មិន​គ្រប់​ខែ​ធម្មតា (៣២-៣៧ សប្ដាហ៍)។

អត្ថបទពាក់ព័ន្ធ៖ 

វេជ្ជបណ្ឌិត ទី សុវណ្ណរដ្ឋ
វេជ្ជបណ្ឌិត ទី សុវណ្ណរដ្ឋ ឯកទេសផ្នែកសម្ភព និងរោគស្ត្រី

២- មូលហេតុទារក​កើត​មិន​គ្រប់​ខែ

មួយ​ផ្នែក​ធំ​នៃ​ការ​សម្រាល​កូន​មុខ​ខែ​ មិន​​មាន​មូល​ហេតុ​ច្បាស់​លាស់​នៅ​ឡើយ​ទេ ចំណែក​មូលហេតុ​ ​ដែល​ជួប​ញឹក​ញាប់​នោះ​ គឺ​ពាក់​ព័ន្ធ​នឹង​សកម្មភាព និង​ប្រវត្តិ​ជំងឺ​របស់​ស្ត្រី​មាន​ផ្ទៃពោះ​តែម្ដង។ មូលហេតុ និង​កត្តា​ប្រឈម​ទាំង​នោះ​រួម​មាន៖

– ការ​ឆ្លង​រោគ​តាម​ទ្វារមាស ទឹកនោម ឬ​ឈាម
– ស្បូន​ខុស​ប្រក្រតី ឬ​មាត់​ស្បូន​ខ្សោយ
– ធ្វើការ​លើស​កម្លាំង
– ញ៉ាំ​មិន​គ្រប់​គ្រាន់ ឬ​ខ្វះ​អាហារូបត្ថម្ភ ជា​ពិសេស​ខ្វះជាតិ​ដែក និងអាស៊ីដ​ហ្វូលិក
– គេង​មិន​គ្រប់​គ្រាន់
– ស្ត្រេស
– មាន​កូន​ញឹក​ពេក
– មាន​កូន​នៅ​អាយុ​ក្មេង​ពេក ឬ​ចាស់​ពេក
– មាន​ជំងឺ​លើស​ឈាម
– មាន​ជំងឺ​ទឹកនោម​ផ្អែម
– មាន​កូន​ភ្លោះ
– មាន​ប្រវត្តិ​កើត​កូន​មិន​គ្រប់​ខែ
– ទឹក​ភ្លោះ​ច្រើន
– ប្រើ​ថ្នាំ​ផ្ដេសផ្ដាស ដោយ​គ្មាន​វេជ្ជបញ្ជា។

៣- សញ្ញា​សម្រាល​កូន​មិន​គ្រប់​ខែ

សញ្ញា​នៃ​ការ​សម្រាល​កូន​មិន​គ្រប់​ខែ ដូច​គ្នា​នឹង​ការ​ឈឺ​ពោះ​សម្រាល​កូន​គ្រប់​ខែ​ដែរ ដោយ​ស្តែង​ចេញ​នូវ​សញ្ញា​មួយ​ចំនួន​ខាង​ក្រោម​នេះ ដែល​តម្រូវ​ឲ្យ​ស្ត្រី​មាន​ផ្ទៃ​ពោះ​ត្រូវ​មក​មន្ទីរពេទ្យ​ជា​បន្ទាន់​ដើម្បី​រក​វិធី​ទប់​មិន​ឲ្យ​ទារក​សម្រាល​មុន​ខែ។

– ចុក​រួយ​ចង្កេះ
– អួលៗ ឬ​ណែន​ធ្ងន់​នៅ​ក្រោម​ពោះ
– កន្ត្រាក់​ស្បូន​ញឹក​ទៅៗ
– ធ្លាក់​ទឹក​រម្អិល​រាវៗ ជួនកាល​មាន​លាយ​ឈាម​តិចៗ​តាម​​ទ្វារ​មាស។

៤- វិធី​បង្ការ​ការ​សម្រាល​កូន​មុន​ខែ និង​ការ​ថែទាំ​​ផ្ទៃពោះ​ឲ្យ​មាន​សុខភាព​ល្អ

ទារក​​កើត​មុន​ខែ ​ប្រឈម​បញ្ហា​សុខភាព​ច្រើន​យ៉ាង​ណាស់ អ៊ីចឹង​ដើម្បី​បញ្ចៀស​ពី​​បញ្ហា​​នេះ និង​ឲ្យ​ស្ត្រី​ពពោះ​ មាន​សុខភាព​ល្អ​ទាំង​ម្ដាយ​ទាំង​កូន ស្ដ្រី​ចាំបាច់​ត្រូវ​អនុវត្ត​ការ​ណែនាំ​ខាង​ក្រោម​នេះ៖

– ញ៉ាំ​អាហារ​ឲ្យ​មាន​លំនឹង កុំ​ញ៉ាំ​ប្រៃ​ពេក ផ្អែម​ពេក ឬកុំ​ញ៉ាំ​តិច និង​ច្រើន​ជ្រុល។ មាន​ន័យ​ថា ស្ត្រី​ពពោះ​ត្រូវ​ញ៉ាំ​អាហារ​ដែល​មាន​ថាមពល ប្រូតេអ៊ីន វីតាមីន និង​រ៉ែ​គ្រប់​គ្រាន់ ដែល​សារធាតុ​ចាំបាច់​ទាំង​អស់​នេះ មាន​នៅ​ក្នុង​សាច់​សុទ្ធ (សាច់​អត់​ខ្លាញ់) ត្រី សណ្ដែក បន្លែ​ស្លឹក​បៃតង និង​បន្លែ​ពណ៌​ទឹក​ក្រូច គ្រាប់​រុក្ខជាតិ ធញ្ញជាតិ​ទាំង​មូល និង​ផ្លែ​ឈើ។
– ពិនិត្យ​តាម​ដាន​ផ្ទៃពោះ​ឲ្យ​បាន​ទៀង​ទាត់​ជា​រៀង​រាល់​ខែ
– កុំ​ធ្វើ​ការងារ​ធ្ងន់ និង​ហួស​កម្លាំង
– សម្រាក​ឲ្យ​បាន​ច្រើន កុំ​ធ្វើ​ដំណើរ​ផ្លូវ​ឆ្ងាយ​ពេល​មាន​ផ្ទៃពោះ
– អនាម័យ​ខ្លួន​ប្រាណ ទ្វារមាស កុំ​ឲ្យ​ធ្លាក់​ស​ ​មាន​ក្លិន ឬប្រែ​ពណ៌
– ពុំ​គួរ​មាន​កូន​ច្រើន និង​ញឹក​ញាប់​ពេក
– ធ្វើ​ចិត្ត​ឲ្យ​រីករាយ និង​មិន​ត្រូវ​មាន​កូន​នៅ​អាយុ​ក្មេង​ពេក ឬ​ចាស់​ពេក
– មិន​ត្រូវ​ប្រើ​ថ្នាំ​ដោយ​គ្មាន​វេជ្ជបញ្ជា។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"

    អ្នកអាចចូលចិត្ត

    មិនមែនតែផឹកស្រា ជក់បារីទើបខូចថ្លើមទេ ទម្លាប់ទាំងនេះក៏ជាមូលហេតុដែរ!

    ថ្លើម - សរីរាង្គ​ក្នុង​រាងកាយ​យើង ថ្លើម​មាន​មុខងារ​សំខាន់​បំផុត ហើយ​អ្វី​គ្រប់​យ៉ាង​ដែល​យើង​បរិភោគ​ត្រូវ​បាន​ដំណើរ​ការ​ដោយ​ថ្លើម មុន​ពេល​ត្រូវ...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    មកដឹងរោគសញ្ញាជំងឺមហារីកក្រពះនៅដំណាក់កាលដំបូងៗ

    មហារីកក្រពះ - មហារីកក្រពះជាជំងឺសាហាវ បើ​ព្យាបាល​មិន​ទាន់​ពេល​ទេ អាច​គំរាម​កំហែង​ដល់​អាយុ​ជីវិត​របស់​អ្នក​ជំងឺ ដូចនេះយើងគួរដឹងរោគសញ្ញាដូចជា....

    ត្រួតពិនិត្យដោយ ចាន់ ស៊ីណេត
    ដោយ នាង សុខុមដាលីញ៉ា

    ឈឺពោះសម្រាលកូន ស្ត្រីត្រូវឆ្លងកាត់ ៣ ដំណាក់កាលសំខាន់ៗនេះ

    សម្រាលកូន - ដល់​ពេល​ឈឺ​ពោះ​សម្រាល​កូន អារម្មណ៍​ម៉ាក់ៗ​ព្រឺព្រួច ភ័យ​ព្រួយ ខ្លាចក្រែង មិនអាចទ្រាំនឹងការ​ឈឺចាប់​រយៈពេល​យូរ​បាន។ បើ​តាម​លោកស្រី​វេជ្ជបណ្ឌិត...

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    សម្រាលកូន, ពពោះ 10/07/2020 . 2 mins read

    ម៉ាក់ៗណាមានបញ្ហាគភ៌គំរាមរលូត ត្រូវប្រយ័ត្ន និងថែទាំខ្លួនបែបនេះ

    រលូតកូន - បញ្ហា​គំរាម​រលូត​គភ៌ បាន​ចោទ​ធ្ងន់ធ្ងរ​ដល់​ចំពោះ​ស្ត្រី ហើយ​បើ​សិន​តាមដាន​មិន​បាន​ដិតដល់​ទេ​នោះ អាច​គ្រោះថ្នាក់​ដល់​ជីវិត។ បញ្ហា​នេះ​មិន​សូវ​...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    អត្ថបទគួរអាន

    អ្នកជំងឺវីរុសCOVID-19

    ថ្ងៃនេះមានអ្នកជាសះស្បើយ COVID-19 ២ នាក់ និងគ្មានករណីឆ្លងថ្មី

    ត្រួតពិនិត្យដោយ ដេត ធន្នី
    ដោយ ទ្រី រ៉ាវី
    ចេញផ្សាយថ្ងៃទី 11/07/2020 . 1 min read
    វ៉ាក់សាំង

    នេះជាកាលវិភាគចាក់វ៉ាក់សាំងតេតាណូសប្រភេទថ្មីសម្រាប់ស្ត្រីពពោះ និងស្ត្រីក្នុងវ័យបន្តពូជ

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    ចេញផ្សាយថ្ងៃទី 10/07/2020 . 1 min read
    សម្រាលកូន

    ឈឺពោះសម្រាល ស្រ្តីខ្លះមានចោះស្រោមទឹកភ្លោះ? តើចោះដើម្បីអ្វី?

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 10/07/2020 . 1 min read
    បំបៅដោះ

    កូនទើបកើតបំបៅប៉ុន្មានដង ទើបសមល្មម? ចុះទឹក ត្រូវងូតរាល់ថ្ងៃឬ?

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី
    ចេញផ្សាយថ្ងៃទី 10/07/2020 . 2 mins read