ដើម្បីឲ្យម្ហូបអាហារកាន់តែមានរសជាតិ គេបានបន្ថែមគ្រឿងទេសជាច្រើនក្នុងនោះមានប្រេងខ្យង ម្សៅស៊ុប ឬដុំស៊ុបជាដើម។ តែយើងភាគច្រើនមិនបានដឹងពីផលប៉ះពាល់ ឬវិធីធ្វើរបស់គ្រឿងផ្សំទាំងនោះឡើយ។
ដើម្បីសុខភាពល្អ កុំប្រើគ្រឿងផ្សំទាំងនេះច្រើនពេកក្នុងម្ហូបអាហារ
លោកវេជ្ជបណ្ឌិត ផ្នែកទូទៅ លី ឬទ្ធីគុណ និងជាម្ចាស់សេវាកម្មថែទាំមនុស្សចាស់តាមគេហដ្ឋាន បានឲ្យដឹងថា គ្រឿងផ្សំសម្រាប់អាហារមានស្ករ អំបិល ទឹកត្រី ខ្លាញ់ សុទ្ធតែប៉ះពាល់ទាំងអស់ ប្រសិនបើប្រើច្រើនហួសកម្រិត។ ប៉ុន្តែនៅពេលយើងប្រើត្រឹមត្រូវ តាមកម្រិត វាមិនប៉ះពាល់ ឬប៉ះពាល់ក្នុងកម្រិតទាប។ ចំណែកគ្រឿងផ្សំបន្ថែមពីនោះមានប្រេងខ្យង ម្សៅស៊ុប ឬដុំស៊ុប គឺវាផលិតឡើងមានសារធាតុគីមីច្រើន និងជាគ្រឿងរសជាតិសិប្បនិម្មិត។
វេជ្ជបណ្ឌិតដដែលបានបន្ថែមថា ថ្មីៗនេះអ្នកស្រាវជ្រាវនៅបរទេសបានរកឃើញថា ប្រេងខ្យងដែលយើងនិយមប្រើច្រើនរាល់ថ្ងៃនេះក្នុងម្ហូបឆា ឬប្រឡាក់សាច់ បានបង្កឲ្យទៅជាមហារីកខ្លាំងជាងគ្រឿងផ្សំដទៃទៀតផង។
“ញ៉ាំស្ករច្រើនក៏មានផលប៉ះពាល់ ប្រៃពេកក៏មិនបាន ហើយគេទើបរកឃើញថា ប្រេងខ្យងបានបង្កទៅជាមហារីក ហើយប្រទេសខ្លះមានការហាមឃាត់ ដើម្បីកុំឲ្យប្រជាជនមានជំងឺ។ ចំណែកដុំស៊ុបវិញ ក៏មិនប្រាកដថា គេពិតជាយកសាច់មាន់ ជ្រូក ទៅរំងាស់ចេញជាដុំមកតូចៗ ហើយលក់ក្នុងតម្លៃថោកឲ្យយើងដែរ“។
បច្ចុប្បន្នអ្វីដែលគួរឲ្យបារម្ភបំផុត គឺស្ករ ព្រោះថាស្ករខ្លះមិនមែនសុទ្ធ ១០០% ឡើយ ដោយមួយចំនួនមានលាយជាមួយមេស្ករ។
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ Try Ravi · កែ 24/11/2022