ជាធម្មតាមនុស្សយើងម្នាក់ៗទទួលទានអាហារ ៣ ពេលក្នុងមួយថ្ងៃ ដើម្បីឲ្យរាងកាយស្រូបយកសារធាតុចិញ្ចឹមទៅសរីរាង្គផ្សេងៗក្នុងខ្លួន និងដើម្បីសន្សំថាមពលទុកប្រើប្រាស់។ តែលោកវេជ្ជបណ្ឌិត លី ឬទ្ធីគុណ បានណែនាំថា បើញ៉ាំអាហារ ២ ពេល/ថ្ងៃក៏អាចធ្វើឲ្យយើងមានសុខភាពល្អ សម្រស់ភ្លឺថ្លា និងរាងស្អាតបានដែរ។
មូលហេតុ យើងគួរញ៉ាំអាហារតែ ២ ពេលក្នុង១ថ្ងៃ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតផ្នែកទូទៅ និងជាម្ចាស់សេវាកម្មថែទាំមនុស្សចាស់តាមគេហដ្ឋានបានឲ្យដឹងថា រាងកាយយើងដូចគ្រឿងចក្រដែរ នៅពេលញ៉ាំច្រើនរាងកាយផលិតថាមពល វាក៏បញ្ចេញផ្សែងពុល។ កោសិកាយើងពេលផលិតថាមពល វាផលិតរ៉ាឌីកាល់សេរី ដែលធ្វើឲ្យប្រតិកម្ម អុកស៊ីតកម្ម បង្កឲ្យកោសិកាយើងវិវត្តទៅរកភាពចាស់លឿន។
ដូចនេះហើយទើបមានផលិតផលថែសម្ផស្សមួយចំនួនអះអាងថាមាន Anti Oxidation ប្រឆាំងភាពចាស់ ទាំងលាប លេប និងចាក់។ ដូច្នេះហើយ ដើម្បីធ្វើឲ្យសម្រស់ក្មេងជាងវ័យ សូមញ៉ាំតិច តែញ៉ាំអាហារសម្បូរសារធាតុប្រឆាំងអុកស៊ីតកម្មមានដូចជា សូកូឡា ប្ល៊ូប័ររី សណ្ដែកគ្រប់ប្រភេទ ក្រូច និងទំពាំងបាយជូរជាដើម។
លោកក៏បានលើកឧទាហរណ៍៖ “ខ្ញុំញ៉ាំបាយ ២ពេល/ថ្ងៃ ជាតិពុលដែលខ្ញុំទទួល និងអុកស៊ីតកម្ម ដែលខ្ញុំបង្កើតតែ ២ ពេលប៉ុណ្ណោះ ដូច្នេះក្នុងរយៈពេល ២ ថ្ងៃខ្ញុំញ៉ាំតែ ៤ ពេល។ រីឯអ្នកញ៉ាំ ៣ ពេល/ថ្ងៃ ក្នុងរយៈពេល ២ ថ្ងៃញ៉ាំ ៦ ពេល វាខុសគ្នាសឹងតែពាក់កណ្តាល បានន័យថា អាយុ ២៥ ឆ្នាំដូចគ្នាតែគេមើលទៅដូច ១៦ ឆ្នាំ”។
អត្ថបទសំខាន់៖ ញ៉ាំអាហារមានប៊ីចេងច្រើន ធ្វើឲ្យពុកឆ្អឹង វិលមុខ ជារឿងពិតអត់?
វេជ្ជបណ្ឌិតរូបនេះបានបន្តទៀតថា អាហារ ២ ពេលនោះ យើងអាចជ្រើសញ៉ាំពេលព្រឹក និងថ្ងៃត្រង់ ឬពេលព្រឹក-ល្ងាច តែអាហារព្រឹក គឺមិនអាចអត់បានជាដាច់ខាត ព្រោះវាសំខាន់ចំពោះរាងកាយ និងខួរក្បាល។ សម័យនេះ អាហារភាគច្រើន សម្បូរទៅដោយជាតិគីមីដែលផលប្រយោជន៍ពីអាហារទាំងនោះតិចជាង វិបត្តិវាផ្ដល់ឲ្យយើង។ ដូចនេះ “ហូបច្រើន ឈឺច្រើន មិនចង់ឈឺកុំហូបច្រើន” នេះជាការបញ្ជាក់របស់លោក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម