home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

ឧស្សាហ៍រមួលក្រពើ ពិសេសពេលគេង អាចសាកល្បង​អាហារពិសេស​ទាំងនេះបាន

ឧស្សាហ៍រមួលក្រពើ ពិសេសពេលគេង អាចសាកល្បង​អាហារពិសេស​ទាំងនេះបាន

​រមួល​សាច់​ដុំ​ ជា​ការ​កន្ត្រាក់​យ៉ាង​ខ្លាំងរបស់​សាច់​ដុំ ​ធ្វើ​ឲ្យ​យើង​​ចុក​ចាប់​ខ្លាំង​នៅ​កន្លែងមាន​ការ​រមួល ហើយ​ការ​រមួល​សាច់​ដុំ​នេះ​ អាច​កើត​មាន​​គ្រប់​កន្លែង​។ គ្នា​យើង​មួយ​ចំនួន ច្រើន​គិត​ថា ការ​រមួល​សាច់​ដុំ​​កើត​តែ​លើ​អត្តពលិក​ប៉ុណ្ណោះ តែ​ការពិត​ទៅ​ យើង​គ្រប់​គ្នា​សុទ្ធ​តែ​អាចប្រទះ​អាការ​នេះ ពិសេស​ពេល​គេង​យប់​។ មូល​ហេតុ​នៅ​ពី​ក្រោយ​ការ​រមួល​សាច់​ដុំ គឺដោយ​សារ​​ខ្វះ​​ទឹក ប៉ូតាស្យ៉ូម​ និង​ម៉ាញ៉េស្យ៉ូម​ ដែលជា​អេឡិចត្រូលីត្រ ​នាទី​ក្នុង​ការ​ភ្ញោច​សរសៃ​ប្រសាទ ​និង​សាច់​ដុំ​អោយ​ដំណើរ។ ហេតុនេះ​ ដើម្បី​កាត់​បន្ថយ​ការ​រមួល​សាច់​ដុំ​អាច​ញ៉ាំ​អាហារ​ល្អៗ​ទាំង​នេះ​បាន។

១- ផ្លែ​ចេក

ចេក​ ជា​ផ្លែ​ឈើពណ៌លឿង សម្បូរ​ណាស់ ​ហើយ​មាន​តម្លៃ​សមរម្យ​ទៀត ពិសេសចេកសម្បូរ​​ទៅដោយ​ជាតិ​ប៉ូតាស្យ៉ូម​ និង​ជាតិសរសៃ ​ជួយ​សម្រួល​ការ​រំលាយ​អាហារ​ និង​ជួយ​ការ​ពារ​ជំងឺ​​ស្លេក​ស្លាំង​បានទៀត​ផង។

២- ផ្លែ​ក្រូច

ផ្លែ​ក្រូច​ទំហំ​មធ្យម​មួយ​ផ្លែ មាន​ប៉ូតាស្យ៉ូម​ប្រមាណ ២៥០ មិល្លីក្រាម​ឯណោះ ពិសេស ក្រូច ​ជា​ប្រភព​វីតាមីន C ជួយ​ពង្រឹង​ប្រព័ន្ធ​ការពារ និង​បញ្ចុះ​ជាតិ​កូលេស្តេរ៉ូល​ក្នុង​ឈាម ឯសំបក​វិញ​សម្បូរ​​ទៅ​ដោយ​ជាតិ​សរសៃ​ជាជាង​សាច់​ក្រូច​ទៅ​ទៀត។

៣- គ្រាប់​ធញ្ញជាតិ

ពពួក​គ្រាប់​ធញ្ញជាតិ​ ទោះ​ជា​ប្រភេទ​ណា​ក៏​ដោយ សុទ្ធ​តែ​មាន​សារធាតុ​ចិញ្ចឹម​ខ្ពស់ សម្បូរ​ជាតិ​សរសៃ ខណៈគ្រាប់​ធញ្ញ​ជាតិ ១០០ក្រាម គឺ​មាន​ជាតិ​ម៉ាញ៉េ​ស្យ៉ូម ៥៧​% និង​ប៉ូតាស្យ៉ូម ៦៣២ មីលីក្រាម។

អត្ថបទ​ពាក់​ព័ន្ធ​៖

  • ឈប់ញ៉ាំអាហារកំប៉ុង មកញ៉ាំអាហារធម្មជាតិ អាចជួយបង្ការជំងឺបាក់ទឹកចិត្តបាន
  • ចង់ឲ្យខួរក្បាលមានសុខភាពល្អ ពិសេសក្មេងៗ អូមេហ្គា ៣ សក្តិសមបំផុត

៤- ស្ពៃពួយ​ឡេង

ស្ពៃកំប៉ុង​ ឬ​ស្ពៃស្រស់​ក៏​ដោយ​ សុទ្ធ​តែ​ជា​អាហារ​ល្អ​ដូច​គ្នា ព្រោះ​ស្ពៃ​ពួយឡេងសម្បូរវីតាមីន​ C វីតាមីន A និង​សារ​ធាតុ​មួយ​ចំនួ​ន ​ព្រម​ទាំង​មាន​កាឡូរី​ទាប​ទៀត​ផង។ ស្ពៃពួយឡេង ១០០ក្រាម មាន​ប៉ូតាស្យ៉ូម ៥៥៨​ មិល្លីក្រាម​ឯណោះ។ យើង​អាច​ទៅ​ក្រឡុក​ ដើម្បី​កាន់​តែ​​ស្រួល​ញ៉ាំ​ ហើយ​ជា​អាហារ​ល្អ​សម្រាប់​សុខ​ភាព។

៥- សូកូឡា​ខ្មៅ

បើ​កូន ឬ​គ្នា​យើង​ផ្ទាល់​​មិន​ចូល​ចិត្ត​អាហារ​ខាង​លើ​​ទេ ​អាច​សាក​សូកូឡា​ខ្មៅបាន។ សូកូឡាខ្មៅ ​ខុស​ពី​សូកូឡា​ផ្សេង​ទៀត ដោយ​សារ​វា​ស្ទើរ​តែ​មិន​បាន​បន្ថែម​ស្ករ​នោះឡើង ហើយសម្បូរ​​ទៅ​ដោយ​សារ​ធាតុ​ប្រឆាំង​អុកស៊ីត​កម្ម ព្រម​ទាំង​មាន​ម៉ាញ៉េស្យ៉ូម​ដល់​ទៅ ៥៨%​ ក្នុង​សូកូឡា​ ១០០​ក្រាម។ អ្វី​ពិសេស​ជាង​នេះ វា​ជួយជំរុញ​​ដល់​មុខ​ងារ​ខួរ​ក្បាល និង​ជួយ​បន្ថយ​កត្តា​ប្រឈម​ជំងឺ​បេះដូង​ដល់ ៥៧% ពេល​​ញ៉ាំ​សូកូឡា​ខ្មៅ​ចាប់​ពី ៥ ដើម​​ក្នុង​មួយ​សប្តាហ៍។

នៅ​មាន​អាហារ​ល្អៗ​ជា​ច្រើន អាច​ជួយ​ដល់​ការ​រមួល​សាច់​ដុំ ខណៈ​អ្វី​​បាន​រៀប​រាប់​ខាង​លើ​នេះ​ ជា​ប្រភេទ​អាហារ​សម្បូរទៅ​ដោយ​សារ​ធាតុ​ចាំ​បាច់​សម្រាប់​រាងកាយ​ ​និង​មាន​តម្លៃ​សមរម្យ។ ក្រៅ​ពី​អាហារ​ ផឹក​ទឹក​ឲ្យ​​បាន​ច្រើន ​និង​ទៀង​ទាត់​ ដើម្បី​ការពារ​ការ​បាត់​បង់​ជាតិ​ទឹក ក៏​ដូច​ជា​ធ្វើ​រាងកាយ​អាច​បំពេញ​មុខ​ងារ​បាន​ល្អ​ផង​ដែរ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​គ្រូពេទ្យ​ជំនាញ។
Hello Health Group មិន​ចេញវេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Chamnan Amrith កែសម្រួល​ចុងក្រោយ 21/10/2019
ត្រួតពិនិត្យដោយ វេជ្ជ. ចាន់ ស៊ីណេត