home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ចូល​ដល់​វ័យ​៣០​ឆ្នាំ​ គប្បី​​ដឹង​ពី​អាហារ​​​គួរ​ញ៉ាំ​ និង​មិន​គួរ​ញ៉ាំ​​​​​​​​​​​​​​

ចូល​ដល់​វ័យ​៣០​ឆ្នាំ​ គប្បី​​ដឹង​ពី​អាហារ​​​គួរ​ញ៉ាំ​ និង​មិន​គួរ​ញ៉ាំ​​​​​​​​​​​​​​

នៅ​ពេល​ដែល​យើង​ឈាន​ចូល​វ័យ​កាន់​តែ​ច្រើន​ រាងកាយ​របស់​យើង​​ច្បាស់​ជា​​​ប្រឈម​នឹង​​ការ​ប្រែប្រួល​​មួយ​ចំនួន​។​ នៅ​វ័យ​៣០​ឆ្នាំ​​ ​គឺ​ជា​ដំណាក់កាល​ដ៏​សំខាន់​ ជា​ពិសេស​សម្រាប់​ស្រី​ៗ​យើង​​ ពីព្រោះ​វា​គឺ​​ជា​វ័យ​​ដែល​យើង​ត្រូវ​ចំណាយ​ពេល​វេលា​ច្រើន​ និង​យក​ចិត្ត​ទុក​ដាក់​ចំពោះ​មុខ​របរ​ គ្រួសារ​ និង​សុខភាព​ជា​ចាំបាច់​។​ ដើម្បី​ចំណាយ​ពេល​លើ​កិច្ចការ​ទាំង​នេះ​ប្រកប​ដោយ​ប្រសិទ្ធភាព​​ គ្នា​យើង​ចាំបាច់​ត្រូវ​មាន​ថាមពល​គ្រប់គ្រាន់​ ដែល​ទាមទារ​ឲ្យ​យើង​ត្រូវ​ញ៉ាំ​អាហារ​​ត្រឹមត្រូវ និង​មាន​តុល្យភាព​​។​

អាហារ​ដែល​យើង​ត្រូវ​ញ៉ាំ​នៅ​ក្នុង​វ័យ​៣០​ឆ្នាំ​​​ មាន​ដូច​ខាង​ក្រោម​៖

១. អាហារ​ជួយ​ពង្រឹង​ម៉ាស់​ឆ្អឹង​

​សុខភាព​ឆ្អឹង​គឺ​ជា​កង្វល់​ដ៏​ធំ​​មួយ​សម្រាប់​ស្ត្រី​នៅ​វ័យ​៣០​ឆ្នាំ​។​ ប្រសិនបើ​យើង​ចាប់ផ្ដើម​ញ៉ាំ​អាហារ​ត្រឹមត្រូវ​ចាប់​ពី​ពេល​ឥឡូវ​នេះ​ទៅ​​ យើង​អាច​គ្រប់គ្រង​បញ្ហា​មួយ​ចំនួន​ដូចជា​ជំងឺ​ពុក​ឆ្អឹង ឬ​ជំងឺ​រលាក​សន្លាក់​នៅ​​ថ្ងៃ​​អនាគត​​បាន​យ៉ាង​ល្អ​ប្រសើរ​។

អាហារ​ដែល​ល្អ​បំផុត​សម្រាប់​ពង្រឹង​ម៉ាស​ឆ្អឹង​៖

  • កាល់ស្យូម​ និង​វីតាមីន​D មាន​សារសំខាន់​ក្នុង​ការ​​ជួយ​ពង្រឹង​ឆ្អឹង​ ដែល​មាន​នៅ​ក្នុង​ទឹក​ដោះ​គោ​ និង​ទឹក​ដោះ​គោ​ជូរ​
  • បន្លែ​បៃតង​មាន​ផ្ទុក​ជាតិ​ដែក​ និង​វីតាមីន​ដទៃ​ទៀត​ដែល​ល្អ​ចំពោះ​សុខភាព
  • ​​សាច់​ត្រី ដូចជា​ត្រី​សាល់​ម៉ុន​ជាដើម​
  • ផ្លែ​អាល់ម៉ុន

២. អាហារ​ដែល​មាន​សារធាតុ​ប្រឆាំង​នឹង​អុកស៊ីតកម្ម​

​រ៉ាឌីកាល់​សេរី​ជួយ​ជំរុញ​ភាព​ចាស់​នៃ​ជាលិកា​ ហើយ​ដើម្បី​ប្រឆាំង​នឹង​រ៉ាឌីកាល់​សេរី​ ​ស្រីៗ​យើង​ចាំបាច់​ជ្រើសរើស​អាហារ​ដែល​សំបូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​។

  • ញ៉ាំ​តែ និង​កាហ្វេ​នៅ​ក្នុង​បរិមាណ​សម​ល្មម​ ពីព្រោះ​ភេសជ្ជៈ​ទាំង​នេះ​សុទ្ធ​តែ​មាន​សារធាតុ​ប្រឆាំង​នឹង​អុកស៊ីតកម្ម​
  • ផ្លែ​ប៊ឺរី ជា​ពិសេស​គឺ​ផ្លែ​ប្លូប៊ឺរី​ដែល​មាន​សារធាតុ​ប្រឆាំង​នឹង​ការ​រលាក​ខ្លាំង​ ហើយ​វា​ក៏​សំបូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​ផង​ដែរ
  • ​អង្ករ​ដំណើប​ខ្មៅ​។

៣. អាហារ​​ជួយ​ឲ្យ​យើង​គេង​លក់​ស្រួល​

​ការ​គេង​មាន​សារសំខាន់​ណាស់​ សម្រាប់​ជួយ​ឲ្យ​មុខងារ​រាងកាយ​ដំណើរការ​បាន​ត្រឹមត្រូវ​។

  • ទឹក​ដោះ​គោ​មួយ​កែវ​នៅ​ពេល​យប់​
  • អាល់ម៉ុន​ និង​ត្រី​ដែល​មាន​ខ្លាញ់​

ញ៉ាំអាហារ

៤. អាហារ​​ជួយ​គ្រប់គ្រង​សម្ពាធ​ឈាម​បាន​ល្អ​

​ដើម្បី​ជៀសវាង​បញ្ហា​ផ្សេង​ៗ​ដែល​បណ្ដាល​មក​ពី​​ជំងឺ​លើស​សម្ពាធ​ឈាម ស្រីៗ​យើង​គប្បី​បញ្ចូល​អាហារ​ទាំង​នេះ​នៅ​ក្នុង​របប​អាហារ​។

  • អាហារ​ដែល​សំបូរ​ដោយ​ជាតិ​ប៉ូតាស្យូម​ ដែល​អាច​គ្រប់គ្រង​សម្ពាធ​ឈាម​បាន​ល្អ​ រួម​មាន​ដំឡូង​ សណ្ដែក​ និង​ប៉េងប៉ោះ​។

​អាហារ​ដែល​​មិន​​គួរញ៉ាំ​ច្រើន​នៅ​ក្នុង​វ័យ​៣០​ឆ្នាំ

  • ​អាហារ​ដែល​​បន្ថែម​ជាតិ​ស្ករ​
  • ភេសជ្ជៈ​ដែល​មាន​ជាតិ​ហ្គាស
  • សូកូឡា​
  • គ្រឿង​ស្រវឹង​ និង​ការ​ជក់​បារី
  • ទឹក​ស៊ីអ៊ីវ​
  • សាច់​ជាប់​ខ្លាញ់​
  • អាហារ​ដែល​មាន​ជាតិ​ប្រៃ​ខ្លាំង​​ ដូចជា​ដំឡូង​បារាំង​បំពង ឬ​អាហារ​ចៀន។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

អត្ថបទពាក់ព័ន្ធ

ទិញចំណីអាហារតាមអនឡាញ ប្រឈមនឹងការឆ្លងកូវីដ-១៩ កម្រិតណា?

អ្នកជំងឺខ្សោយពោះវៀន គួរតមអាហារអ្វីខ្លះ មិនធ្វើឲ្យបញ្ហាធ្ងន់ធ្ងរ?

​អាហារ​ទាំង​នេះ​មាន​ប្រយោជន៍​បន្ថយហានិភ័យកើត​ជំងឺ​មហារីក​​សួត​​​​​​​​​​​​​​​​​​​​​​​​​​​​​​​​​​​​​​​​​​

អាការៈ​ឈឺ​បេះដូង​ ក្រោយ​ញ៉ាំ​អាហារ​អាច​​ជា​សញ្ញា​បញ្ហា​សុខភាព

ក្រោយញ៉ាំអាហារឆ្អែត បញ្ឈប់ទម្លាប់ ៥ យ៉ាងនេះភ្លាម បើមិនចង់មានបញ្ហាសុខភាព

ជម្រើស​អាហារ​គួរ​ញ៉ាំ និង​មិន​គួរ​ញ៉ាំ​ក្នុង​វិបត្តិ​កូវីដ១៩​

ដើរបន្តិចបន្តួចក្រោយញ៉ាំអាហារ​មានប្រយោជន៍ដល់ក្រពះពោះវៀន

មានអាហារ ៣ ក្រុមនេះ ក្នុងរបបអាហារ កូនលូតលាស់បានល្អ មិនសូវឈឺនោះទេ


រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 21/10/2021
ត្រួតពិនិត្យដោយ វេជ្ជ. ចាន់ ស៊ីណេត