វេជ្ជបណ្ឌិតវ័យ ២៩ ឆ្នាំរូបនេះបានបន្តទៀតថា មូលហេតុធ្វើឲ្យកើតក្រួសក្នុងតម្រងនោមមកពីមិនផឹកឲ្យបានច្រើន “អ្នកមានបញ្ហាក្រួសក្នុងតម្រងនោមមកពីមិនសូវផឹកទឹកឲ្យបានគ្រប់គ្រាន់ ដូចនេះមិនថាក្រោយញ៉ាំអាហាររួច ឬពេលណាឡើយ យើងត្រូវឧស្សាហ៍ផឹកទឹក”។
អត្ថបទពាក់ព័ន្ធ៖ប្រយ័ត្ន! ក្រៅពីស្រា ភេសជ្ជៈផ្អែមៗ ក៏បណ្ដាលឲ្យខូចតម្រងនោមដែរ

ការផឹកទឹកពេលកំពុងញ៉ាំចំណី ឬក្រោយពេលញ៉ាំអស់ភ្លាម និងក្រោយ ១០ នាទី ក៏មិនអីដែរ ព្រោះនោះជាទម្លាប់របស់មនុស្សម្នាក់ៗ តែធ្វើយ៉ាងណាឲ្យតែបានផឹក។ ដូចនេះហើយយើងគួរតែផឹកទឹកឲ្យបានបាន ព្រោះវាល្អចំពោះសុខភាព ហើយក៏អាចធ្វើឲ្យអារម្មណ៍ល្អផងដែរ។ ចំណែករឿងដែលគេនិយាយថា ការទប់នោមយូរក៏ជាមូលហេតុដែរនោះ វាមិនមែនជាការពិតឡើយ ព្រោះនោះវាត្រឹមតែធ្វើឲ្យរលាកប្លោកនោមប៉ុណ្ណោះ។