ទម្លាប់ញ៉ាំអាហារាបួស អត់ញ៉ាំសាច់ ពិតណាស់ គឺល្អសម្រាប់សុខភាព ត្រូវគេណែនាំជារឿយៗ ប៉ុន្តែគ្រប់យ៉ាងបើមានគុណសម្បត្តិ ក៏មានគុណវិបត្តិដែរ ហើយរឿងញ៉ាំអាហារមួយក៏ដូចគ្នា។ កង្វះអាហារូបត្ថម្ភ ដោយសារមិនមានសាច់សោះក្នុងរបបអាហារ អាចនឹងបណ្តាលមានបញ្ហាច្រើនដល់រាងកាយយើង ក្នុងនោះ បញ្ហាបាក់ទឹកចិត្ត ក៏មានទំនាក់ទំនងជាមួយការញ៉ាំអាហារបួសដែរ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ចូលចិត្តញ៉ាំបួស ជាមូលហេតុកើតជំងឹបាក់ទឹកចិត្ត?
១- ញ៉ាំអាហារបួស និងបញ្ហាកង្វះវីតាមីន B12
គ្នាយើងចូលចិត្តញ៉ាំបួស ងាយនឹងមានបញ្ហាកង្វះវីតាមីន B12 ជាងគ្នាយើងមានទម្លាប់អាហារធម្មតា។ វីតាមីន B12 ជាវិតាមីនដ៏សំខាន់ ក្នុងការផលិតសារធាតុគីមីជាច្រើនសម្រាប់ខួរក្បាលយើង មានឥទ្ធិពលលើស្មារតី និងមុខងារខួរក្បាលផ្សេងទៀត។ វីតាមីន B12 ត្រូវញ៉ាំរៀងរាល់ថ្ងៃ ដោយសារតែខ្លួនយើង មិនអាចផលិតបានវីតាមីននេះដោយខ្លួនឯងឡើយ។ វីតាមីន B12 សម្បូរនៅក្នុងសាច់ក្រហម សាច់ត្រី និងគ្រឿងក្នុងសត្វ ហើយអាហារទាំងនេះ មិនមែនជាអាហារសម្រាប់អ្នកញ៉ាំបួសនោះឡើយ ជាហេតុនាំឲ្យបញ្ហាកង្វះវីតាមីន B12 ចំពោះអ្នកញ៉ាំបួស តែងតែចៀសមិនផុត។ កង្វះវីតាមីន អាចបណ្តាលឲ្យមានបញ្ហាសុខភាពជាច្រើន ដូចជាជំងឺប្រព័ន្ធរំលាយអាហារ (ក្រពះ ពោះវៀន) ជាដើម។
អត្ថបទពាក់ព័ន្ធ៖
- របបអាហារគ្មានជាតិសាច់ អាចប៉ះពាល់ខួរក្បាល ពិសេសអំឡុងពេលពពោះ?
- អាហារ ១០ ប្រភេទ ប៉ូវខួរក្បាល និងផ្តល់ថាមពលខ្លាំង
២- ទំនាក់ទំនងរវាងញ៉ាំបួស និងជំងឺបាក់ទឹកចិត្ត
ទោះបីជាគេមិនទាន់ដឹងច្បាស់ក៏ដោយ តែទំនាក់ទំនងរវាងបញ្ហាកង្វះវីតាមីន B12 ជាមួយ អាហារបួស នៅតែមាន។ ក្នុងឆ្នាំ ២០០៥ អត្ថបទមួយបានចុះផ្សាយក្នុងទស្សនាវដ្តី Journal of Psychopharmacology បង្ហាញពីការសិក្សាមួយ បានរកឃើញថា បរិមាណវីតាមីនB12 មានច្រើនជាងតម្រូវការ ផ្តល់លទ្ធផលល្អខ្លាំងក្នុងការព្យាបាលអាហារបួស ឯកង្វះវីតាមីនប្រភេទនេះ កាន់តែបង្កើនកម្រិតជំងឺបាក់ទឹកចិត្តទៅវិញ។
Serotonin ជាសារធាតុគីមីនៅក្នុងខួរក្បាល ត្រូវគេគិតថា មានទំនួលខុសត្រូវចំពោះបញ្ហានេះ ហើយ Serotonin ត្រូវបានផលិតនៅក្នុងខួរក្បាល ដើម្បីបញ្ជូនសារតាមរយៈផ្នែកផ្សេងៗនៃខួរក្បាល ដូច្នេះវាមានទាំងផលប៉ះពាល់ផ្ទាល់ និងដោយប្រយោលទៅលើកោសិកាខួរក្បាលភាគច្រើន។ វីតាមីន B12 មានសារៈសំខាន់ក្នុងការផលិតសារធាតុនេះ នាំឲ្យអ្នកស្រាវជ្រាវជឿជាក់ថា គ្នាយើងតមអាហារសាច់ មានកត្តាប្រឈមច្រើន វិវត្តទៅជាជំងឺផ្លូវចិត្តមួយចំនួន ដូចជា ជំងឺបាក់ទឹកចិត្ត និងជំងឺថប់បារម្ភតែម្តង។
ទោះយ៉ាងនេះក្តី ជំងឺបាក់ទឹកចិត្ត គឺស្មុគស្មាញ និងមានរោគសញ្ញាផ្សេងៗគ្នាជាច្រើន ត្រូវការការស្រាវជ្រាវបន្ថែមទៀត ដើម្បីស្វែងយល់កាន់តែច្បាស់ពីជំងឺផ្លូវចិត្តមួយនេះ។ ការស្រាវជ្រាវថ្មីៗមួយចំនួន បានបង្ហាញគំនិតផ្ទុយពីនេះ ដែលថាសារធាតុ Serotonin មានចំណែកបន្ទាប់បន្សំ ធ្វើឲ្យមានជំងឺបាក់ទឹកចិត្ត។ ការសិក្សានេះដែរ បង្ហាញថា ញ៉ាំបួស ឬមិនញ៉ាំសាច់ ផ្តល់គុណប្រយោជន៍ជាច្រើនដល់សុខភាពយើងគ្រប់វ័យ ដោយបន្ថយអត្រាប្រឈមជំងឺកាច់សាហាវ ដូចជា ជំងឺទឹកនោមផ្អែម ជំងឺបេះដូង និងជំងឺមហារីក ជាដើម។
តែអ្វីយើងត្រូវចាំ ត្រូវអរគុណចំពោះរបបអាហារសម្បូរវីតាមីន ជាតិសរសៃ ដែលជាដើមចមជួយឲ្យសុខភាពយើងល្អ រឹងម៉ាំ មិនឈឺថ្កាត់ ខណៈបញ្ហាកង្វះវីតាមីន B12 គឺបណ្តាលមកពីរបបអាហារគ្មានសាច់ និងមិនអាចប្រកែកបានឡើង។ ហេតុនេះ អ្នកញ៉ាំបួស គួរពិចារណា ប្រើពពួកអាហារបំប៉នដើម្បីចៀសវាងបញ្ហាកង្វះអាហារូបត្ថម្ភដូចរៀបរាប់ខាងលើ។
គណនា BMR
ប្រើប្រាស់រង្វាស់សុខភាព - អត្រាដុតកាឡូរី ដើម្បីកំណត់ និងដឹងពីបរិមាណកាឡូរីដុតសមស្របបំផុតទៅតាម កម្ពស់ ទម្ងន់ អាយុ និងសកម្មរាងកាយនានា
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Vitamin B-12 and depression: Are they related? http://www.mayoclinic.org/diseases-conditions/depression/expert-answers/vitamin-b12-and-depression/faq-20058077 Accessed March 12, 2017
Vitamin B-12 and depression. http://www.healthline.com/health/depression/b12-and-depression#Overview1 Accessed March 12, 2017