home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

ឪឡឹកល្អខ្លាំង តែបើកើតទឹកនោមផ្អែម គួរប្រយ័ត្នផងពេលញ៉ាំ!

ឪឡឹកល្អខ្លាំង តែបើកើតទឹកនោមផ្អែម គួរប្រយ័ត្នផងពេលញ៉ាំ!

ឪឡឹក ជាផ្លែឈើពេញ​និយម​បំផុតទូទាំងពិភពលោក ពិសេស​ក្នុង​រដូវ​ក្តៅ ដោយ​សារ​វា​សម្បូរជាតិទឹក និង​វីតាមីន ជួយ​ទ្រទ្រង់​រាងកាយ បញ្ហា​សុខភាព​ជា​ច្រើន។ ប៉ុន្តែ អ្នកទឹក​នោម​ផ្អែម គួរ​ប្រយ័ត្ន​ជា​មួយ​ផ្លែ​ឈើ​ប្រភេទ​នេះ​បន្តិច ព្រោះ​ឪឡឹក​ផ្ទុកសារធាតុ​មួយ​ចំនួន មានឥទ្ធិពលអវិជ្ជមានលើអ្នក​ជំងឺ។

១- ផ្លែ​ឪឡឹក​មាន​សារធាតុ​អ្វី​ខ្លះ?

យោង​តាម​ក្រសួងកសិកម្ម​​អាមេរិក (USDA) ផ្លែ​ឪឡឹក​ មាន​វីតាមីន​ C ស្មើនឹង ២០% នៃ​តម្រូវ​ការ​ប្រចាំ​ថ្ងៃ​យើង​ម្នាក់ៗ ឯ​វីតាមីន A​ វិញមាន​ ១៧​%។ លើស​ពី​នេះ ឪឡឹកក៏​មាន​សារធាតុ​លីកូប៉ែន ដែល​ជា​សារធាតុ​ប្រឆាំង​អុកស៊ីតកម្ម​ដ៏​ល្អ ​ជួយ​ចាប់​យក​រ៉ាឌីកាល់​សេរី ​មាន​ន័យ​ថា ឪឡឹក​ អាច​ជួយ​ការពារ​ជំងឺ​មហារីកទៀត​ផង។ ក្រៅ​ពី​នេះ ផ្លែ​ឪឡឹក​ ​ក៏​ជួយ​បំបាត់​អាការៈ​ឈឺ​ចាប់​សាច់​ដុំ និង​បន្ថយ​ចង្វាក់​បេះ​ដូងបាន​។

២- ញ៉ាំ​ឪឡឹក​មាន​សុវត្ថិភាព​អត់?

ចំពោះ​អ្នក​ទឹក​នោម​ផ្អែម ត្រូវ​ពិចារណា​កត្តា​សំខាន់​ចំនួន​ពីរ មាន Glycemic index (GI) និង Glycemic load (GL)។

GI បង្ហាញ​ពី​ល្បឿន​ស្ករ​ក្នុង​អាហារ ចូល​ទៅ​ក្នុង​ចរន្ត​ឈាម និង​វា​មាន​កម្រិត​ចន្លោះ​ពី ១-១០០ ដែល​អាស្រ័យ​ទៅ​តាម​អាហារ​ប្រភេទ​នីមួយៗ ដូច​ជា ស្ករ​ស ​និង​នំប៉័ង​ ជា​ដើម។

ចំពោះ GL ជា​ការ​រួម​បញ្ចូល​គ្នា​រវាង GI និង​ចំនួន​ស្ករ (កាបូអ៊ីដ្រាត) ពិត​ប្រាកដ​ក្នុង​អាហារ​នោះ។ គេ​ជឿ​ថា GL ផ្តល់​ពត៌មាន​ច្បាស់​ជាង​ ពី​ឥទ្ធិពល​អាហារ​ប្រភេទ​ណាមួយ​ ទៅ​លើ​ជាតិ​ស្ករ​ក្នុង​ឈាម​។ កាលណា​កត្តា​ទាំង​ពីរ​នេះ​កាន់​តែ​ខ្ពស់ ជាតិ​ស្ករ​ក្នុង​ឈាម​រង​ឥទ្ធិពល​កាន់​តែ​ខ្លាំង។

ផ្លែ​ឪឡឹក​មាន GI ចំនួន ៧២ ​ជា​តួ​លេខ​មួយ​ខ្ពស់​ណាស់។ តែ GL វិញ មាន​តែ​ចំនួន ២/១០០ ​ក្រាម​ប៉ុណ្ណោះ។ ដូច​នេះ​ពេល​ចង់​ញ៉ាំ​ឪឡឹក គួរ​ញ៉ាំ​ជាមួយ​អាហារ​ណា​​មាន GI ទាប​ ដើម្បី​ឲ្យរបប​អាហារ​មាន​លំនឹង និង​ការពារ​ការ​កើន​ឡើង​កម្រិតជាតិ​ស្ករ​ក្នុង​ឈាម។ គួរ​ពិនិត្យ និង​គិត​ពី​របប​អាហារ​រួម​​ ជាជាង​ម្ហូប​មួយ​មុខៗ ហើយ​អាច​ថែម​ឪឡឹក​ជា​បង្អែម​លាង​មាត់ ព្រោះ​មាន​វីតាមីន​ និង​ជាតិ​រ៉ែ​ខ្ពស់ តែ​ញ៉ាំ​មួយ​ល្មមៗ​បាន​ហើយ។’

ឪឡឹក

អត្ថបទ​ពាក់​ព័ន្ធ៖

  • បើឈឺ ២ មុខនេះ ត្រូវដឹងអ្វីគួរញ៉ាំ និងមិនគួរ
  • អាហារ ២ប្រភេទ ត្រូវតែចៀសវាង បើមានជំងឺអូទីស្សឹម

៣- ចុះ​ផ្លែឈើ​ផ្សេង​វិញ?

បើ​សិន​ជាមាន​ជំងឺ​ទឹក​នោម​ផ្អែម ខាង​ក្រោម​នេះ​ជា​មុខ​ផ្លែឈើ​ និង​បរិមាណ​ អាច​ញ៉ាំ​បាន​ដោយ​សុវត្ថិភាព៖

– ផ្លែ​ព្រូន (Prune)៖ GI ២៤ និង GL ៤ (ផ្លែ​ព្រូន​ចំនួន​ ២ផ្លែ)

– ផ្លែ​ក្រូច​ថ្លុង៖ GI ២៥ និង GL ៧ (១​ផ្លែ)។

ក្រៅ​ពី​នេះ ផ្លែ​ស៊េរី ផ្លែ​អាព្រីកុត និង​ផ្លែ​ប៉េស មាន​ GI និង GL ​ប្រហែល​គ្នា។ ផ្លែ​ឈើ​​មាន GI និង GL ទាប​ នឹង​បង្កើន​ជាតិ​ស្ករ​ទៅ​ក្នុង​ឈាម​តែ​បន្តិច​ប៉ុណ្ណោះ ដូច​នេះ​​មាន​សុវត្ថិភាព​សម្រាប់អ្នកទឹក​នោម​ផ្អែម​ អាចញ៉ាំបាន។ គួរ​តាម​ដាន​ផែន​ការ​របប​អាហារ ​និង​ពិភាក្សា​ជាមួយ​គ្រូពេទ្យ​ ដើម្បី​ទទួល​បាន​របប​អាហារ​ល្អ​សម្រាប់​សុខភាពយើង។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត​ សូម​ពិគ្រោះ ​និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។Hello Health Group មិន​ចេញ​វេជ្ជបញ្ជា​ មិន​ធ្វើ​រោគវិនិច្ឆ័យ​ ឬ​ព្យាបាល​ជូន​ទេ៕

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Can I Eat Watermelon If I Have Diabetes? http://www.healthline.com/health/diabetes/watermelon-and-diabetes#Overview1 Accessed March 19, 2017

5 Things You Didn’t Know About Watermelon. http://www.health.com/food/5-things-you-didnt-know-about-watermelon Accessed March 19, 2017

រូបថត​របស់​អ្នក​និពន្ធbadge
ដោយ Chamnan Amrith កែសម្រួល​ចុងក្រោយ 09/09/2019
ត្រួតពិនិត្យដោយ វេជ្ជ. ចាន់ ស៊ីណេត