បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
លើសគីឡូ វិវត្តទៅជាធាត់ កំពុងក្លាយជាបញ្ហាក្នុងចំណោមមនុស្សពេញវ័យ និងចាស់ ខណៈដែលធាត់ យើងនឹងប្រឈមជំងឺរ៉ាំរ៉ៃគ្រោះថ្នាក់ជាច្រើន ដូចជា លើសឈាម ទឹកនោមផ្អែម និងមហារីកដោយសារជំងឺទឹកនោមផ្អែម។ ដូច្នេះ “Hello គ្រូពេទ្យ” នឹងនិយាយលម្អិតពីជំងឺធាត់ ដើម្បីឲ្យយើងបានដឹង និងចៀសវាង។
១- ម៉េចទើបអាចចាត់ទុកមានជំងឺធាត់?
ជំងឺធាត់ ជាស្ថានភាពមួយដែលមានជាតិខ្លាញ់ក្នុងរាងកាយច្រើនលើសកម្រិត ធ្វើឲ្យប៉ះពាល់ខ្លាំងលើសុខភាព មានជំងឺរ៉ាំរ៉ៃជាច្រើនចូលញាំញីរាងកាយយើង។
មានវិធីជាច្រើនដើម្បីកំណត់ជាលិកាខ្លាញ់ (Adipose) ដែលលើស ប៉ុន្តែវិធីសាមញ្ញបំផុត គឺរង្វាស់សុខភាព សន្ទស្សន៍ទម្ងន់ធៀបនឹងកម្ពស់ ហៅថា BMI។ បើយើងមាន BMI ចន្លោះពី ២៥-២៩,៩ មានន័យថា យើងលើសទម្ងន់ហើយ។
២- កត្តាទាក់ទងនឹងជំងឺធាត់
មានកត្តាជាច្រើនជះឥទ្ធិពលបង្កឲ្យយើងកើតជំងឺធាត់ដូចជា៖
– ហ្សែន៖ ធាត់ ជាប់ពាក់ព័ន្ធយ៉ាងខ្លាំងជាមួយសមាសធាតុហ្សែន បើប៉ាម៉ាក់មានជំងឺធាត់ យើងទំនងជាប្រឈមខ្ពស់កើតជំងឺនេះ។
– របបអាហារមិនល្អ៖ ញ៉ាំ Fast Food ច្រើនពេក ផឹកស្រា ឬភេសជ្ជៈមានជាតិស្ករច្រើនពេក ញ៉ាំអាហារក្រៅច្រើនពេក។ គួររៀបចំចម្អិនអាហារដោយខ្លួនឯង ដើម្បីអាចគ្រប់គ្រងជាតិស្ករបាន។
– មិនបញ្ចេញសកម្មភាពរាងកាយ៖ យើងភាគច្រើន មានការងារអង្គុយនៅនឹងមុខកុំព្យូទ័រពេញមួយថ្ងៃ ហើយបើយើងមិនធ្វើចលនាគ្រប់គ្រាន់ទេ ថាមពលបានទទួលអាហារយើងញ៉ាំ នឹងស្តុកក្នុងរាងកាយប្រែក្លាយជាទម្រង់ខ្លាញ់សុទ្ធសាធ។
– បញ្ហាផ្លូវអារម្មណ៍៖ ភាពតានតឹង ថប់បារម្ភ បាក់ទឹកចិត្ត ឬការឈឺចាប់រ៉ាំរ៉ៃ អាចបង្កឲ្យមានការញ៉ាំអាហារលើសកម្រិត ដោយសារអំឡុងពេលញ៉ាំអាហារ ភាគច្រើនមានអារម្មណ៍ទទួលបានក្ដីសង្ឃឹម និងភាពរីករាយជាងមុន។
– កត្តាវេជ្ជសាស្ត្រ៖ ស្ថានភាពសុខភាពមួយចំនួន ដូចជា ជំងឺ Cushing’s syndrome (មុខមូលដូចព្រះចន្ទ) ឬជំងឺខ្សោយមុខងារក្រពេញទីរ៉ូអ៊ីត (Typothyroidism ) និងការព្យាបាលដោយថ្នាំជំងឺបាក់ទឹកចិត្ត ឬថ្នាំប្រឆាំងការរលាក (Corticosteroid) សុទ្ធតែអាចបណ្តាលឲ្យឡើងទម្ងន់។
អត្ថបទពាក់ព័ន្ធ៖
៣- ជំងឺធាត់ទាំង ៦ ប្រភេទ
មានមូលហេតុខុសៗគ្នាជាច្រើន នាំឲ្យយើងកើតជំងឺធាត់ ខណៈការស្រាវជ្រាវមួយចំនួនរកឃើញអត្តសញ្ញាណជំងឺធាត់សរុបដល់ទៅ ៦ ប្រភេទ ដែលប្រភេទនីមួយៗមានមូលហេតុជាក់លាក់ ផលប៉ះពាល់ និងការព្យាបាល។
– ជំងឺធាត់ដោយមិនបញ្ចេញសកម្មភាពរាងកាយ៖ ធាត់ប្រភេទនេះ ទាក់ទងខ្លាំងទៅនឹងកង្វះសកម្មភាពរាងកាយ ព្រោះផ្នែកផ្សេងៗនៃរាងកាយធ្លាប់មានកម្លាំងរឹងមាំពីមុនមក បែរជាទទួលបានជាតិខ្លាញ់យ៉ាងឆាប់រហ័ស និងធ្វើឲ្យសុខភាពមិនល្អ។
– ធាត់ដោយសារអាហារ៖ បើយើងចូលចិត្តញ៉ាំអាហារមិនល្អ ដូចជា Fast Food អាហារវេចខ្ចប់ជាដើមនោះ ងាយនឹងមានហានិភ័យខ្ពស់ កើតជំងឺធាត់នេះមិនខាន។
– ធាត់ដោយសារបញ្ហាផ្លូវចិត្ត៖ ជំងឺធាត់ប្រភេទនេះ មានទំនាក់ទំនងទៅនឹងកម្រិតភាពតានតឹង ឬបាក់ទឹកចិត្ត យើងកំពុងកើតមាន។ ដើម្បីទប់ស្កាត់ជំងឺនេះ យើងត្រូវចេះគ្រប់គ្រងអារម្មណ៍ឲ្យបានល្អ។
– ធាត់ដោយជាតិគ្លុយទីន (ប្រូតេអ៊ីន)៖ ជំងឺធាត់ប្រភេទនេះ ជាធម្មតាកើតមានលើស្រីៗអំឡុងពេលផ្លាស់ប្ដូរអ័រម៉ូនរដូវ ដូចជា ពេលឈានចូលពេញវ័យ មានផ្ទៃពោះ និងដល់អាយុអស់រដូវជាដើម។
– ធាត់ដោយសារសរសៃឈាមខ្មៅ៖ ចរន្តឈាមជាមូលហេតុមួយបណ្ដាលឲ្យធាត់ដូចគ្នា។ វាជាហ្សែនធម្មជាតិ មិនមែនជាទម្លាប់នោះទេ។ ជាធម្មតាកើតមានចំពោះស្រីៗកំពុងមានផ្ទៃពោះ។
– ធាត់ដោយសារបំពង់អាកទែឡើងក្រាស់ (Atherogenic)៖ ជាស្ថានភាពដ៏គ្រោះថ្នាក់មួយទាក់ទងទៅនឹងការផឹកស្រវឹង អាចប៉ះពាល់ដល់សរីរាង្គផ្សេងទៀត និងនាំឲ្យមានបញ្ហាផ្លូវដង្ហើម។
ជំងឺធាត់ មានគ្រោះថ្នាក់ណាស់ ព្រោះវានាំឲ្យមានផលប៉ះពាល់អវិជ្ជមានមួយចំនួនលើរាងកាយ។ គួរកែប្រែមករកទម្លាប់រស់នៅមានសុខភាពល្អ និងពិគ្រោះជាមួយគ្រូពេទ្យ ដើម្បីទទួលបានដំបូន្មាន និងការព្យាបាលត្រឹមត្រូវ។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Groupមិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Health risks linked to obesity, http://www.webmd.com/diet/obesity/obesity-health-risks#1 Accessed March 29, 2017.
What is obesity?, http://www.medicalnewstoday.com/info/obesity Accessed March 29, 2017
What is obesity? http://www.obesity.org/obesity/resources/facts-about-obesity/what-is-obesity Accessed March 29, 2017.
Childhood obesity on the rise in Vietnam, http://www.thanhniennews.com/health/childhood-obesity-on-the-rise-in-vietnam-29386.html Accessed March 29, 2017.
Obesity-Cause, http://www.webmd.com/diet/obesity/tc/obesity-cause Accessed March 29, 2017
10 leading causes of weight gain and obesity (besides Willpower), https://authoritynutrition.com/10-causes-of-weight-gain/ Accessed March 29, 2017.
Cause of obesity, http://www.nhs.uk/Conditions/Obesity/Pages/Causes.aspx Accessed March 29, 2017.
6 types of obesity and what you can do to solve each one, http://womensbest.net/6-types-of-obesity-and-what-you-can-do-to-solve-each-one/ Accessed march 29, 2017
