ឯកឧត្ដមនាយឧត្ដមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាព បានថ្លែងប្រាប់ BTV នៅថ្ងៃទី២ ខែ មិថុនា ឆ្នាំ ២០២០ នេះថា សរុបកងទ័ពមួកខៀវកម្ពុជា ១០ នាក់ នៅប្រទេសម៉ាលី តេស្ដវិជ្ជមាន COVID-19 ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឯកឧត្ដមនាយឧត្ដមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាព បានថ្លែងប្រាប់ BTV នៅថ្ងៃទី២ ខែ មិថុនា ឆ្នាំ ២០២០ នេះថា សរុបកងទ័ពមួកខៀវកម្ពុជា ១០ នាក់ នៅប្រទេសម៉ាលី តេស្ដវិជ្ជមាន COVID-19 ។
នាយឧត្ដមសេនីយ៍រូបនោះ បានបញ្ជាក់ថានៅពេលថ្មីៗនេះ កងទ័ពមួកខៀវកម្ពុជានៅប្រទេសម៉ាលីទើបរកឃើញ ៤ នាក់បន្ថែមទៀត ដែលធ្វើឲ្យអ្នកឆ្លង COVID-19 ឡើងដល់ ១០ នាក់ ក្នុងនោះមានឧត្តមសេនីយ៍ទោ ម្នាក់បានបង់ជីវិត។
ក្នុងនោះអង្គការសហប្រជាជាតិ បានតម្រូវអោយកងទ័ពមួកខៀវកម្ពុជា ដែលមានទំនាក់ទំនងធ្វើការ និងស្នាក់នៅជាមួយគ្នានឹងអ្នកផ្ទុកមេរោគ COVID-19 នោះ ត្រូវព្យាបាលនៅក្នុងអំឡុងពេលធ្វើចត្តាឡឺស័ក។
អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាពបន្ថែមទៀតថា បច្ចុប្បន្នកងកម្លាំងដែលបំពេញបេសកកម្មនៅតំបន់គីដាល់ មាន ៣ នាក់ផ្ទុកមេរោគ COVID-19 និងព្យាបាលសះស្បើយបាន ២ នាក់ ហើយសល់ម្នាក់កំពុងបន្តព្យាបាល។ ចំណែកកងកម្លាំងកំពុងបំពេញបេសកកម្មនៅតំបន់ហ្គាវ មានផ្ទុកមេរោគ COVID-19 ៣ នាក់ ក្នុង នោះ ២នាក់កំពុងសម្រាកព្យាបាល និងម្នាក់បានស្លាប់ ហើយសម្រាប់កម្លាំងដែលកំពុងបំពេញបេសកកម្មនៅតំបន់ជូវិនទុស ដែលផ្ទុកមេរោគCOVID-19 ៣ នាក់ បានព្យាបាលជាសះស្បើយ ៩៨% ហើយ ពោលសល់តែការយកសំណាកទៅពិនិត្យចុងក្រោយប៉ុណ្ណោះ។
ប្រភពអត្ថបទ និងរូបភាពយកពី BTV News
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ