ក្រោយមានករណីក្មេងស្រីម្នាក់ត្រូវឆ្មាខាំ ឆ្លងជំងឺឆ្កែឆ្កួតរហូតដល់ស្លាប់ បងប្អូនប្រជាពលរដ្ឋទាំងប្រុសស្រី ក្មេងចាស់ បានសម្រុកទៅចាក់ថ្នាំបង្ការជំងឺនេះនៅវិទ្យាស្ថានប៉ាស្ទ័រកម្ពុជាយ៉ាងច្រើនកកកុញប៉ុន្មានថ្ងៃមកនេះ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រោយមានករណីក្មេងស្រីម្នាក់ត្រូវឆ្មាខាំ ឆ្លងជំងឺឆ្កែឆ្កួតរហូតដល់ស្លាប់ បងប្អូនប្រជាពលរដ្ឋទាំងប្រុសស្រី ក្មេងចាស់ បានសម្រុកទៅចាក់ថ្នាំបង្ការជំងឺនេះនៅវិទ្យាស្ថានប៉ាស្ទ័រកម្ពុជាយ៉ាងច្រើនកកកុញប៉ុន្មានថ្ងៃមកនេះ។
បើតាមការឲ្យដឹងពីវិទ្យាស្ថានប៉ាស្ទ័រកម្ពុជា ក្នុងចំណោមនោះមានទាំងអ្នកដែលទើបត្រូវឆ្កែ ឆ្មា ស្វា ខាំ ឬខ្វាច ថ្មីៗ និងកន្លងមកយូរហើយ។ ចំពោះអ្នកដែលត្រូវសត្វខាំយូរមកហើយ ការចាក់ថ្នាំបង្ការ ជំងឺឆ្កែឆ្កួតចាំបាច់ និងមានប្រសិទ្ធភាពទេ?
ករណីនេះ វិទ្យាស្ថានប៉ាស្ទ័រកម្ពុជាបានបញ្ជាក់ថា បើសត្វដែលខាំយើងនោះរស់នៅធម្មតា លើសពី ១០ ថ្ងៃ ក្រោយពេលបង្ករបួស មានន័យថា សត្វបង្ករបួសនោះមិនមានជំងឺឆ្កែឆ្កួត មិនចម្លងជំងឺឆ្កែឆ្កួតទៅយើងនោះទេ និងមិនតម្រូវឲ្យចាក់ថ្នាំបង្ការជំងឺឆ្កែឆ្កួតដែរ។
ជំងឺឆ្កែឆ្កួតឆ្លងពីសត្វដែលមានផ្ទុកមេរោគជំងឺឆ្កែឆ្កួតខាំ ឬខ្វាច ធ្វើឲ្យប៉ះពាល់ដល់ប្រព័ន្ធសរសៃប្រសាទ។ ក្រោយពេលខាំសត្វទាំងនោះបង្កទៅលើមនុស្ស ហើយអាចចម្លងមេរោគជំងឺឆ្កែឆ្កួតទៅមនុស្ស។ ក្នុងករណីយើងមិនទៅចាក់វ៉ាក់សាំងបង្ការជំងឺឆ្កែឆ្កួត និងតេតាណូសបានទាន់ពេលវេលានោះទេ អាចធ្លាក់ខ្លួនឈឺ ឈានដល់ស្លាប់បាត់បង់ជីវិត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ