រដ្ឋាភិបាលប្រទេសអូស្ត្រាលី កាលពីចុងសប្តាហ៍កន្លងទៅ បានព្រមានពលរដ្ឋរបស់ខ្លួន ពាក់ព័ន្ធនឹងរលកកម្តៅ រំពឹងនឹងកើនឡើងខ្លាំងនាឆ្នាំ ២០១៩ នេះ ដោយថែមទាំងចាត់ទុកជាឆ្នាំក្តៅបំផុតមិនធ្លាប់មានក្នុងប្រទេសខ្លួន។
អ្នកជំនាញប្រាប់វិធីការពារ ខ្យល់គរ និងសន្លប់ ពេលអាកាសធាតុកាន់តែក្តៅខ្លាំង
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យោងតាមការិយាល័យឧតុនិយមប្រទេសនេះ សីតុណ្ហភាពរំពឹងនឹងកើនឡើងខ្ពស់ជាង ៤០អង្សា និងព្រមានពីបញ្ហាសុខភាពធ្ងន់ធ្ងរ ២ករណី អាចនឹងកើតឡើង រួមមាន ខ្យល់គរដោយសារកម្តៅក្តៅខ្លាំង និងករណីសន្លប់ អាចនឹងឈានដល់ការសង្គ្រោះបន្ទាន់។
រោគសញ្ញាកើតខ្យល់គរ៖
– ក្តៅក្នុងខ្លួន
– ឈឺក្បាល
– វិលមុខ ឬមានអារម្មណ៍ថាខ្សោយ អស់កម្លាំង
– ស្រេកទឹកខ្លាំង
– ស្លេកស្លាំង ស្បែកឡើងត្រជាក់ហើយស្អិត និងឡើងក្រហម
– ឈឺសាច់ដុំ
– រកក្អួត
– ជីបចរដើរខ្សោយ
– ដង្ហើមញាប់ៗ។
ដំណោះស្រាយ៖
– រកកន្លែងម្លប់ ត្រជាក់ មានខ្យល់ចេញចូលគ្រប់គ្រាន់
– សម្រាក ពត់ខ្លួន
– ស្លៀកសម្លៀកបំពាក់ធូររលុង ស្រាលខ្លួន
– ផឹកទឹកឲ្យច្រើន។
រោគសញ្ញាសន្លប់៖
– ក្តៅខ្លួនឡើងក្រហម និងមានស្បែកស្ងួត
– រវើរវាយ (អារម្មណ៍ច្របូកច្របល់)
– ញ័រសាច់
– កម្រើកសាច់ដុំលែងកើត (ស្ពឹកសាច់ដុំ)
– វិលមុខ
– ដង្ហើមខ្លី ឬពិបាកដកដង្ហើម
ដំណោះស្រាយភ្លាមៗ៖
– ទូរស័ព្ទទៅរថយន្តសង្រ្គោះបន្ទាន់ដែលនៅជិតបំផុត
– យកកន្សែងសើមជូតខ្លួនជនរងគ្រោះ ឬយកទឹកកកស្អំ (ពិសេសត្រង់ ក និងក្លៀក)
– ឲ្យជនរងគ្រោះញ៉ាំទឹកតាមដែលអាចធ្វើបាន
– រង់ចាំមើលជនរងគ្រោះរហូតក្រុមសង្គ្រោះបន្ទាន់មកដល់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម