ដឹងហើយញ៉ាំសាច់ច្រើនមិនល្អចំពោះសុខភាពទេ កុំថាឡើយសាច់កែច្នៃ មិនថាជាសាច់គោ សាច់ជ្រូក ឬសាច់ក្រក បើញ៉ាំលើសពី ២០០ក្រាម/ថ្ងៃ នាំឲ្យឆាប់ស្លាប់ នៅ ២០ ឆ្នាំខាងមុខ បើធៀបនឹងអ្នកញ៉ាំសាច់ទាំងនេះ តិចជាង ១០០ ក្រាម/ថ្ងៃ។
មួយថ្ងៃញ៉ាំរបស់ទាំងនេះលើស ២០០ក្រាម ប្រយ័ត្នឆាប់ស្លាប់!
ការសិក្សាថ្មីនៅហ្វាំងឡង់ រកឃើញថា ញ៉ាំសាច់ក្រក ៣ដុំ ឬសាច់ភ្លៅជ្រូក ១០ចំណិត សាច់គោអាំង ១ដុំ ឬសាច់ជ្រូកបីជាន់ ៦ចំណិត មានទម្ងន់ស្មើប្រមាណ ២០០ ក្រាម/ថ្ងៃ នឹងនាំឲ្យឆាប់ស្លាប់។ អ្នកស្រាវជ្រាវ បញ្ជាក់ថា ប្រភពសំខាន់នៃប្រូតេអ៊ីន គឺសាច់ក្រហម ជាប់ពាក់ព័ន្ធនឹងការកើតជំងឺបេះដូង និងមហារីកពោះវៀន (Bowel Cancer)។
ការសិក្សានេះ ធ្វើឡើងដោយសាកលវិទ្យាល័យហ្វាំងឡង់ សាកល្បងលើមនុស្ស ២.៦៤១នាក់ អាយុពី ៤២-៦០ ឆ្នាំ។
អត្ថបទពាក់ព័ន្ធ៖
- ញ៉ាំត្រីឲ្យបាន ២ ដងក្នុងមួយសប្តាហ៍ បេះដូងមានសុខភាពល្អ
- អាហារ ៥ យ៉ាង ប្រុសៗញ៉ាំ ប៉ូវសុខភាពឲ្យខ្លាំង
ចំណែកក្រសួងសុខាភិបាលចក្រភពអង់គ្លេស ណែនាំឲ្យញ៉ាំសាច់ក្រហម តិចជាង ៧០ក្រាម/ថ្ងៃ ខណៈវិទ្យាស្ថានស្រាវជ្រាវមហារីកអាមេរិក ណែនាំឲ្យញ៉ាំសាច់អតិបរមា ៥១០ ក្រាម/សប្ដាហ៍ ឬស្មើ ៧២ ក្រាម/ថ្ងៃ។
គួរបញ្ជាក់ថា សាច់ក្រហម មានខ្លាញ់ឆ្អែតកម្រិតខ្ពស់ជាងសាច់មាន់ នាំឲ្យកើនឡើងកម្រិតកូលេស្តេរ៉ូល ជាសារធាតុបង្កជំងឺបេះដូង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម