អ្នកស្រាវជ្រាវនៅមហាវិទ្យាល័យ King’s College ក្នុងក្រុងឡុងដ៍ និងសាកលវិទ្យាល័យ Suffolk តេស្ដបង្គាទន្លេ យកមកពី ១៥ ទីតាំងផ្សេងគ្នាក្នុងតំបន់ជនបទ Suffolk ឃើញថា សុទ្ធតែមានសារធាតុញឿន កូកាអ៊ីន។ ក្រៅពីនេះ សារធាតុញឿន ១ប្រភេទទៀត កេតាមីន និងជាតិថ្នាំសម្លាប់សត្វល្អិតហាមឃាត់ ក៏មានក្នុងខ្លួនបង្គាដែរ។ អ្នកស្រាវជ្រាវថា “វាជាការរកឃើញគួរឲ្យភ្ញាក់ផ្អើលមួយ” តែផលប៉ះពាល់លើបង្គា ហាក់នៅកម្រិតទាបនៅឡើយ។
លោកសាស្ដ្រាចារ្យ Nic Bury នៃសាកលវិទ្យាល័យ Suffolk ថា សារធាតុកូកាអ៊ីន ក្នុងបង្គា ជាបញ្ហាមួយសម្រាប់ទន្លេ នៅតំបន់ Suffolk ប៉ុន្ដែរង់ចាំការស្រាវជ្រាវបន្ថែមទៀត ថាតើបញ្ហានេះ កើតឡើងនៅតែតំបន់ Suffolk ចក្រភពអង់គ្លេស ឬទូទាំងពិភពលោក។