រដ្ឋាភិបាលចិនបានបើកផ្លូវឲ្យក្រុមអ្នកស្រាវជ្រាវចាប់ផ្ដើមពិសោធសាកល្បងលើមនុស្សដោយចាក់វ៉ាក់សាំងការពារវីរុសCOVID-19 ហើយ ស្រមពេលដែលវីរុសនេះបានសម្លាប់មនុស្សទូទាំងពិភពលោកជាង៧ ០០០នាក់ហើយ ខណៈមន្ត្រី WHO ជឿថាវ៉ាក់សាំងអាចសម្រេចបានទំនងជាងនៅពាក់កណ្ដាលឆ្នាំក្រោយ។
ក្រុមអ្នកស្រាវជ្រាវមកពីបណ្ឌិត្យសភាយោធា និងវិទ្យាសាស្រ្តរបស់ចិនកាលពីម្សិលមិញ បានទទួលការអនុញ្ញាតពីដ្ឋាភិបាលដើម្បីចាប់ផ្ដើមសាកល្បងចាក់វ៉ាក់សាំងលើមនុស្សជំហានដំបូងរបស់ខ្លួនដែលអាចចាប់ផ្ដើមក្នុងសប្ដាហ៍នេះ។
ទាក់ទនងនឹងវ៉ាក់សាំងប្រឆាំងវីរុស COVID-19 នេះកាលពីថ្ងៃចន្ទ កន្លងទៅនេះសហរដ្ឋអាមរិកក៏បានសាកល្បងចាក់លើមនុស្សរួចហើយដែរ។
អ្នកស្រាវជ្រាវចិននឹងចាប់ផ្ដើមស្វែងរកមនុស្សមានសុខភាពល្អចំនួន ១០៨ នាក់ដើម្បីចូលរួមក្នុងការសាកល្បងវ៉ាក់សាំងនេះដោយគិតពីថ្ងៃទី១៦ ខែមីនា ដល់ថ្ងៃទី៣១ ខែធ្នូ នេះ។
ទោះបីជាចិនចាប់ផ្ដើមធ្វើពិសោធន៍សាកល្បងវ៉ាក់សាំងនេះក៏ដោយ តែអ្នកជំនាញពីWHO បាននិយាយថាខ្លួនមិនរំពឹងថាវ៉ាក់សាំងនេះអាចជោគជ័យ និងទទួលបានការអនុញ្ញាតឲ្យប្រើក្នុងទីផ្សារមុនពាក់កណ្ដាល ឆ្នាំ២០២១នោះទេ។
អត្ថបទពាក់ព័ន្ធ៖
- កុំឆ្ងល់ច្រើន នេះជាដំណើរការ COVID-19 បំផ្លាញសរីរាង្គយើងពេលចូលក្នុងខ្លួន
- វីរុស Covid-19 អាចសម្ងំក្នុងខ្លួនយើងដល់ទៅ ២៧ថ្ងៃ ទើបចេញរោគសញ្ញា
- អ្នកជំនាញ៖វីរុសកូរ៉ូណាថ្មីអាចឆ្លងទៅមនុស្ស៦០%លើពិភពលោកបើការពារមិនបានត្រឹមត្រូវ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
