សុខភាពទូទៅ Archives - Page 73 of 83

វិធានការពារខ្លួនពីគ្រោះរញ្ជួយដី កុំឱ្យគ្រោះថ្នាក់ដល់អាយុជីវិត

ត្បិតថា ប្រទេសយើង មិនធ្លាប់មានការរញ្ជួយដីធ្ងន់ធ្ងរក៏ពិតមែន តែគ្រោះធម្មជាតិគ្មានអ្នកណាអាចស្មានដឹងមុនទេ អ៊ឹចឹងហើយ គ្នាយើងគួរចេះពីរបៀបការពារខ្លួនឱ្យហើយ ដើម្បីជៀសវាងគ្រោះថ្នាក់ជាយថាហេតុក្នុងករណីមានការរញ្ជួយដីកើតឡើង។ ១. ក្រាបចុះ ក្នុងករណីភាគច្រើន យើងអាចការពារខ្លួនបាន ប្រសិនបើយើងអនុវត្តន៍បែបនេះភ្លាមៗ ក្រាបចុះភ្លាមៗ ដើម្បីជៀសវាងការដួល យកដៃក្តោបក្បាល និងក ពួននៅក្រោមតុរឹងមាំ ២. ប្រសិនបើនៅក្នុងផ្ទះ កុំរត់ទៅខាងក្រៅ ឬបន្ទប់ផ្សេងទៀតអំឡុងពេលរញ្ជួយដី។ ការនៅនឹងមួយកន្លែង អាចបញ្ចៀសការរងរបួសបានមួយភាគដែរ ហើយដើម្បីកាត់បន្ថយការរងរបួស គ្នាយើងគួរអនុវត្តន៍វិធានខាងក្រោម៖ បើអាច ត្រូវជៀសឱ្យឆ្ងាយពីកញ្ចក់ ធ្នើដាក់សៀវភៅ ឬគ្រឿងសង្ហារឹមធំៗ ដែលអាចដួលសង្កត់លើយើងបាន ព្យាយាមចាប់យកវត្ថុដែលអាចការពារក្បាល និងផ្ទៃមុខរបស់យើងបានពីកម្ទេចកម្ទី ឬអំបែងកញ្ចក់ ប្រសិនបើនៅក្នុងផ្ទះបាយ ចូលបិទចង្ក្រានហ្គាស ប្រសិនបើនៅលើគ្រែ គួរនៅមួយកន្លែង ហើយយកខ្នើយការពារក្បាល។ ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ៣. ប្រសិនបើយើងនៅលើអាគារខ្ពស់ គួរនៅក្នុងអាគារនោះសិន គេចឱ្យឆ្ងាយពីបង្អួច ក្រាបចុះ និងយកដៃការពារក្បាល និងក កុំប្រើជណ្តើរយន្ត ពីព្រោះចរន្តភ្លើងអាចនឹងត្រូវកាត់ផ្តាច់ [embed-health-tool-heart-rate] ៤. ប្រសិនបើយើងនៅខាងក្រៅ ត្រូវនៅកន្លែងនោះសិន គេចចេញពីអាគារ ខ្សែភ្លើង តំបន់ដែលមានប្រេង និងហ្គាស រកកន្លែងចំហ និងឆ្ងាយពីដើមឈើ បង្គោលទូរសព្ទ និងអាគារ […]

ព័ត៌មាន

ពេទ្យថាស្រីៗសម្រាលកូនរួចកុំអាំងភ្លើង តែមានថ្នាំអាចជួយឲ្យឆាប់រឹងមាំវិញបាន

កាលពីដើមស្រីៗទើបសម្រាលកូនរួច ចាស់ៗតែងឲ្យអាំងភ្លើង ដោយគេងនៅលើគ្រែ ដែលនៅខាងក្រោមមានចង្ក្រានឧស-ធ្បូងកំពុងតែឆេះ ឬមានរងើកភ្លើង ដើម្បីឲ្យឆាប់ឆ្អិនសរសៃ មិនទាស់ និងឆាប់សុខភាពរឹងមាំឡើងវិញ។ តែសម្រាប់ពេលបច្ចុប្បន្នវិញលោកជំទាវវេជ្ជបណ្ឌិត គ្រុយ លាងស៊ីម អនុរដ្ឋលេខាធិការ ក្រសួងសុខាភិបាល និងជាទីប្រឹក្សាផ្នែកសម្ភព នៅមន្ទីរពេទ្យកាល់ម៉ែត បានប្រាប់ឲ្យដឹងថា ក្រុមគ្រូពេទ្យមិនអនុញ្ញាតឲ្យស្រីៗដែលទើបឆ្លងសម្រាលកូនរួចអាំងភ្លើងទៀតនោះទេ។ វេជ្ជបណ្ឌិតរូបនេះបានឲ្យដឹងទៀតថា ម៉ាក់ៗដែលសម្រាលកូនហើយគ្រូពេទ្យបានឲ្យថ្នាំមកលេបជំនួសវិញដូចជា វីតាមីន C កាល់ស្យូម ជាតិដែក ដើម្បីជួយជាកម្ដៅក្នុងខ្លួន និងជួយកុំឲ្យស្លេកស្លាំង។ មូលហេតុដែលធ្វើឲ្យចាស់ៗយើងតម្រូវឲ្យអាំងភ្លើងពេលសម្រាលកូនរួច ព្រោះពីដើមមានអ្នកសម្រាលនៅតាមព្រៃ ពេលធ្លាក់ខ្យល់ ចុះត្រជាក់ ឬក្នុងខែភ្លៀង ខែរងា ដូចនេះហើយទើបរាងកាយម៉ាក់ៗត្រូវការកម្ដៅឧណ្ហៗ ដើម្បីមិនឲ្យរាងកាយចុះខ្សោយដោយសារពេលត្រជាក់។ ចំពោះមូលហេតុដែលពេទ្យតែងតែជំទាស់មិនឲ្យស្រីៗទើបសម្រាលកូនរួចអាំងភ្លើង ព្រោះការធ្វើបែបនោះមានផ្សែង សម្បូរកាបូនម៉ូណូអុកស៊ីត C O ទៅប៉ះនឹងគ្រាប់ឈាម គឺមិនល្អចំពោះសុខភាពឡើយ ហើយអាចបណ្ដាលឲ្យម៉ាក់ៗពុលដោយសារផ្សែងនោះផង និងធ្វើឲ្យហូរទឹកភ្នែកឥតឈប់ឈរ ពិសេសស្បែកអាចខ្លោចដោយសារភ្លើង។ អត្ថបទពាក់ព័ន្ធ៖ មាន៤ចំណុចនេះ ស្រីៗយើងមិនព្រួយរឿងពិបាកកើតកូន ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕