backup og meta

តើ​ប្រដាប់​បូម​លិង្គ ពិត​ជា​មាន​ប្រសិទ្ធភាព​សម្រាប់​ជួយ​ប្រុសៗខ្សោយលិង្គ?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ គឹម កាណែល · កែ Oct 12, 2020

តើ​ប្រដាប់​បូម​លិង្គ ពិត​ជា​មាន​ប្រសិទ្ធភាព​សម្រាប់​ជួយ​ប្រុសៗខ្សោយលិង្គ?

បញ្ហា​អសមត្ថភាព​ផ្លូវ​ភេទ​ (Erectile dysfunction) ចំពោះ​បុរស​គឺ​ជា​បញ្ហា​ច្រើន​កើត​មាន​លើ​អ្នក​​ធ្លាប់​វះកាត់​ក្រពេញ​ប្រូស្តាត​ឬ​បុរស​វ័យ​ចំណាស់។ បញ្ហា​នេះ​គឺ​តែង​តែ​រំខាន​ដល់​ជីវិត​មនុស្ស​ប្រុស​គ្រប់​រូប។​​ ប៉ុន្តែយើង​ក៏​នៅ​តែ​​មាន​វិធី​ដោះស្រាយ​បាន​ដោយ​ការ​ប្រើ​ថ្នាំ ​និង​សំភារៈ​មួយ​ចំនួន តាម​ការណែនាំពី​គ្រូពេទ្យ​ជំនាញ​។ ក្នុង​ចំណោម​នោះ ឧបករណ៍​បូម​លិង្គ (Penis pump) ក៏​ជា​ឧបករណ៍​​មួយ​ប្រភេទ​ដែល​ប្រើ​ដើម្បី​ព្យាបាល​បញ្ហា​នេះ​ផង​ដែរ។

១- តើ​ឧបករណ៍​នេះ ដំណើរការ​យ៉ាង​ដូច​ម្ដេច?

ឧបករណ៍​បូមលិង្គ ដំណើរ​ការ​ដោយ​ការ​បូម​ឈាម​ឲ្យ​ហូរ​មក​បំពេញ​សរសៃ​ឈាម​នៅ​ក្នុង​លិង្គ ធ្វើ​ឲ្យ​លិង្គ​រីក​ធំ និង​រឹង​បណ្ដោះ​អាសន្ន។ ឧបករណ៍​នេះ​ក៏​មាន​កង​មួយ​ដែល​ហៅ​ថា Cock ring ដើម្បី​ដាក់​នៅ​គល់​លិង្គ​ដើម្បី​​ឃាត់​ឈាម​ និង​ធ្វើ​ឲ្យ​លិង្គ​រក្សា​ភាព​រឹង និង​រឹង​បាន​យូរ។

២- តើ​ឧបករណ៍​បូមលិង្គ​មាន​សុវត្ថិភាព​ឬ​ទេ?

ជា​ការ​ពិត​ទៅ ឧបករណ៍​នេះ​ គឺ​អាច​ប្រើ​ដោយ​សុវត្ថិភាព​ប្រសិន​បើ​ប្រើប្រាស់​ត្រឹម​ត្រូវតាម​ការ​ណែនាំ។ ការ​ប្រើ​ប្រាស់ឧបករណ៍​​បូម​លិង្គ​ គឺ​អាច​ជា​ជម្រើស​ល្អមួយ​ដើម្បី​ព្យាបាល​បញ្ហា​អសមត្ថភាព​ផ្លូវ​ភេទ​សម្រាប់​បុរស ប្រសិន​បើ​ជម្រើស​ព្យាបាល​ផ្សេង​ទៀត​មិន​មាន​ប្រសិទ្ធិភាព ឬ​មាន​គ្រោះ​ថ្នាក់។ ខាង​ក្រោម​នេះ គឺ​ជា​មូល​ហេតុ​ដែល​ឧបករណ៍​នេះ​សមស្រប​សម្រាប់​ព្យាបាល៖

-មាន​ផល​រំខាន​តិច​ជាង​ជម្រើស​ព្យាបាល​ផ្សេង​ទៀត

-តម្លៃ​ព្យាបាល​ធូរ​ថ្លៃ​ជាង​ជម្រើស​ផ្សេង

-ការ​ប្រើ​ប្រាស់​មាន​ភាព​​ងាយស្រួល​ ដោយ​មិន​មាន​ការ​វះកាត់ ឬ​ចាក់​បញ្ចូល​ថ្នាំ

-ការ​ប្រើ​ប្រាស់​អាច​ជួយ​ឲ្យ​លិង្គ​របស់​អ្នក​ជំងឺ​ឡើង​រឹង​វិញ​បាន​ដោយ​ធម្មជាតិ​

ជា​ការ​ពិត​ដែល​ឧបករណ៍​នេះ​អាច​នឹង​ប្រើ​ដោយ​មាន​សុវត្ថិភាព​ចំពោះ​បុរស​មួយ​ចំនួន ប៉ុន្តែ​បញ្ហា​ប្រឈម​គ្រោះ​ថ្នាក់​មួយ​ចំនួន​គឺ​នៅ​តែ​មាន​ដូច​ជា៖

-អ្នក​ធ្លាប់​មាន​បញ្ហា​ឈាម​កក​ពីមុន​មក

-អ្នក​ប្រើ​នឹង​ប្រឈម​ការ​ហូរ​ឈាម ប្រសិន​បើ​​កំពុង​ប្រើ​ថ្នាំ​ដែល​ធ្វើ​ឲ្យ​ឈាម​រាវ

-ឧបករណ៍​នេះ គឺ​មិន​មាន​សុវត្ថិភាព​ទេ ប្រសិន​បើ​អ្នកប្រើ​​មាន​ជំងឺ​មួយ​ចំនួន​ដែល​ទាក់​ទង​នឹង​កោសិកា​ឈាម។

ឧបករណ៍​បូម​លិង្គ​ ក៏​អាច​បង្ក​ឲ្យ​មាន​ផល​រំខាន​មួយ​ចំនួន​ផង​ដែរ​ដូច​ជា៖

-ឡើង​ចំណុច​ពណ៌​ក្រហម​តូច​ៗ​នៅ​លើ​ស្បែក​លិង្គ (កើត​ឡើង​ដោយ​សារ​តែ​ការ​ហូរ​ឈាម​នៅ​ក្រោម​ស្បែក​លិង្គ)

-ស្ពឹក ឡើង​ត្រជាក់ ឬ​លិង្គ​ប្រែ​ពណ៌ (កើត​ឡើង​ដោយ​សារ​តែ​ការ​ទុក cock ring នៅ​គល់​លិង្គ​យូរ​ពេក ឬ​រឹត​តឹង​ពេក)។

-ឈឺ​ចាប់ ឬ​មាន​របួស​នៅ​លើ​លិង្គ​ប្រសិន​បើ​ប្រើ​មិន​ត្រឹម​ត្រូវ។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

· ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ គឹម កាណែល · កែ Oct 12, 2020

advertisement iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម