ជំងឺស្ទះសរសៃឈាមបេះដូង ឬគាំងបេះដូង ជាឃាតកដែលអាចសម្លាប់មនុស្សលឿនបំផុត។ ប្រសិនអ្នកជំងឺចុកទ្រូងខ្លាំងភ្លាមៗ មានតែវិធីសង្គ្រោះបឋមប៉ុណ្ណោះដែលអាចជួយបាន មុននឹងបញ្ជូនអ្នកជំងឺមកមន្ទីរពេទ្យ នេះបើតាមការលើកឡើងរបស់លោកសាស្ត្រាចារ្យវេជ្ជបណ្ឌិត សុខ ជួរ ប្រធានប្រធានសមាគមគ្រូពេទ្យបេះដូង។
គាំងបេះដូង ឲ្យសញ្ញាមុនម៉េចខ្លះ? ត្រូវជួយខ្លួនឯងដោយវិធីណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះសញ្ញាដំបូង នៃអាការៈគាំងបេះដូងវិញ ប្រធានដេប៉ាតឺម៉ង់ ជំងឺបេះដូង នៃមន្ទីរពេទ្យកាល់ម៉ែត បានឲ្យដឹងថា យើងចុកណែនដើមទ្រូង នៅពេលធ្វើការតិចតួច ឡើងជណ្តើរ លើករបស់ធ្ងន់។ នៅពេលជំងឺនេះកាន់តែវិវត្តធ្ងន់ធ្ងរ សូម្បីតែអ្នកជំងឺនៅស្ងៀមក៏ចុកដើមទ្រូងដែរ ដែលការចុកនេះមានរយៈពេលយូរ លើសពី ៣០នាទី និងមានអាការៈមួយចំនួនបន្ថែមទៀតដូចជា ហត់ បែកញើសខ្លាំង អស់កម្លាំង ឈឺក្បាល ឬវិលមុខ ក្អួត ដកដង្ហើមមិនប្រក្រតី។
ចំពោះវិធីសង្គ្រោះបឋមអ្នកជំងឺគាំងបេះដូង យើងត្រូវ៖
– ឲ្យអ្នកជំងឺសម្រាក អង្គុយនៅស្ងៀម
– កុំអ្នកជំងឺធ្វើចលនា
– ឲ្យអ្នកជំងឺដកដង្ហើមឲ្យបានគ្រប់គ្រាន់ វែងៗ
– កុំទៅរោមអ្នកជំងឺជិត ធ្វើថប់ខ្យល់ អត់មានអុកស៊ីសែនដកដង្ហើម
– ទូស័ព្ទហៅឡានពេទ្យ តាមលេខ ១១៩។
លោកវេជ្ជបណ្ឌិត សុខ ជួរ បន្ថែមថា បើមានអ្នកមានអាការៈគាំងបេះដូងហើយ កុំអូសបន្លាយពេលវេលា ដោយព្យាយាម ធ្វើតាមវិធីបុរាណដោយការកោសជប់ខ្យល់ ឬទៅបន់ស្រន់ផ្សេងៗ ព្រោះវិធីនេះមិនអាចជួយអ្នកជំងឺបានទេ។ ក្នុងករណីអ្នកជំងឺគាំងបេះដូង ធ្វើទុក្ខធ្ងន់ធ្ងរដល់ថ្នាក់បេះដូងលែងដើរ លោកវេជ្ជបណ្ឌិត ណែនាំឲ្យសង្គ្រោះដោយការធ្វើចលនាបេះដូង ដោយសង្កត់បេះដូង និងសប់ ឬផ្លុះខ្យល់ រង់ចាំគ្រូពេទ្យទៅដល់ ឬមុនមកដល់មន្ទីរពេទ្យ។
ដោយហេតុថា ជំងឺគាំងបេះដូងកើតឡើងដោយមិនបានដឹងមុនទេ ដូចនេះបើពេលយើងនៅម្នាក់ឯងមានឈឺចាប់តឹងណែនក្នុងទ្រូងខ្លាំង ហើយបេះដូងលោតខ្លាំងដោយគ្មាននរណាម្នាក់នៅក្បែរនោះ លោកវេជ្ជបណ្ឌិតផ្នែកជំងឺទូទៅ លី ឬទ្ធីគុណ ម្ចាស់សេវាកម្មថែទាំមនុស្សចាស់តាមគេហដ្ឋាន បានឲ្យណែនាំពីវិធីជួយសង្គ្រោះខ្លួនឯងខាងក្រោម៖
– តាំងស្មារតីឲ្យនឹងន
– កុំស្លន់ស្លោ ស្រវាយកថ្នាំផ្តេសផ្តាសមកលេប
– បញ្ឈប់រាល់ការងារ ឬសកម្មភាពកំពុងធ្វើ
– សម្រាក ឬដេក
– ក្អកយ៉ាងលឿន និងខ្លាំងបំផុត ហើយក្អករៀងរាល់ ២ វិនាទី
– ដកដង្ហើមឲ្យជ្រៅ ស្រូបយកអុកស៊ីសែនចូលទៅក្នុងសួត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម