ការបង្ករោគលើផ្លូវទឹកនោម អាចនាំឲ្យយើងមានការឈឺចាប់ខ្លាំង និងអស់ចំណង់លើរឿងលើគ្រែរយៈពេលខ្លី។ ជាទូទៅ គ្រូពេទ្យណែនាំឲ្យយើងផ្អាកការរួមភេទសិន ដោយរង់ចាំដល់ជាសះស្បើយទាំងស្រុង ពីព្រោះថាការរួមភេទអាចប៉ះពាល់ដល់ផ្លូវទឹកនោម និងអាចជំរុញឲ្យបាក់តេរីចូលទៅក្នុងបង្ហួរនោម ជាហេតុនាំឲ្យការឆ្លងមេរោគកាន់តែអាក្រក់ទៅ។
មាតិកា
ឆ្លងមេរោគលើផ្លូវទឹកនោមមិនទាន់ជាដាច់ អាចរួមភេទបានអត់?
រួមភេទស្របពេលមានបង្ករោគលើផ្លូវទឹកនោមមិនទាន់ជាសះស្បើយ មានសុវត្ថិភាពដែរអត់?
ការបង្ករោគលើផ្លូវទឹកនោម បង្កឡើងដោយពពួកបាក់តេរីពីរន្ធគូទ ដៃកខ្វក់ ឬស្បែក ដែលឆ្លងចូលទៅក្នុងបង្ហួរនោម និងបន្តទៅកាន់ប្លោកនោម ឬផ្នែកផ្សេងទៀតនៃផ្លូវទឹកនោម។ ការបង្ករោគនេះ មិនមែនជាជំងឺកាមរោគឡើយ ហើយក៏មិនឆ្លងពីមនុស្សម្នាក់ទៅមនុស្សម្នាក់ទៀតដែរ។ យ៉ាងណាមិញ នៅពេលដែលយើងឆ្លងមេរោគលើផ្លូវទឹកនោម ការរួមភេទអាចបង្កការឈឺចាប់ និងរលាកបង្ហូរនោមកាន់តែខ្លាំង។ ចំពោះស្ត្រី សម្ពាធលើជញ្ជាំងខាងក្នុងទ្វារមាស អាចដាក់សម្ពាធលើប្លោកនោម ដោយបណ្តាលឲ្យមានការឈឺចាប់ដោយការការបង្ករោគលើផ្លូវទឹកនោមកាន់តែខ្លាំង។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
គ្នាយើងភាគច្រើន ជាពិសេសស្រីៗតែម្តង ការរួមភេទញឹកញាប់ជាកត្តាហានិភ័យនៃការបង្ករោគលើផ្លូវទឹកនោម ហើយថែមទាំងពន្យឿតដល់ការជាសះស្បើយថែមទៀតផង។ មួយវិញទៀត ការប៉ះពាល់ប្រដាប់បន្តពូជក្នុងទម្រង់ណាមួយ សុទ្ធតែអាចជំរុញឲ្យបាក់តេរីចូលទៅក្នុងបង្ហួរនោម ទោះបីជាយើងប្រើ ឬមិនប្រើស្រោមអនាម័យក៏ដោយ។ ដូច្នេះហើយ គ្នាយើងគួរជៀសវាងការរួមភេទ រហូតដល់រោគសញ្ញាបានជាសះស្បើយទាំងស្រុង ទើបជាការប្រសើរ។
គន្លឹះសុវត្ថិភាព
ជាក់ស្តែង ការបង្ករោគលើផ្លូវទឹកនោម កើតឡើងចំពោះស្ត្រីច្រើនជាងបុរស ពីព្រោះផ្លូវទឹកនោមរបស់ស្ត្រីខ្លីជាងបុរស ដែលកត្តានេះបង្កលក្ខណៈងាយស្រួលដល់បាក់តេរីក្នុងការឆ្លងទៅកាន់ប្លោកនោម។ ទោះជាមិនមានវិធីសាស្ត្រសុវត្ថិភាពក្នុងការរួមភេទសម្រាប់អ្នកដែលឆ្លងមេរោគលើផ្លូវទឹកនោមក៏ពិតមែន ប៉ុន្តែគ្នាយើងអាចអនុវត្តន៍គន្លឹះងាយៗមួយចំនួន ដើម្បីកាត់បន្ថយហានិភ័យនៃការឆ្លងមេរោគលើផ្លូវទឹកនោមនៅពេលក្រោយ ដែលរួមមាន៖
- នោមមុន និងក្រោយរួមភេទ
- ជូតសម្អាតតំបន់ពិសេសពីខាងមុខទៅខាងក្រោយ
- ញ៉ាំទឹកឲ្យបានច្រើន ដើម្បីសម្អាតផ្លូវទឹកនោម
- លាងសម្អាតដៃមុនពេល និងក្រោយពេលរួមភេទ។
អត្ថបទគួរអាន៖
- ផឹករាល់ថ្ងៃប៉ះពាល់អីអត់? បើប៉ះកម្រិតណាដែរ ហើយមានបញ្ហាអ្វីខ្លះ?
- ទង្វើប៉ុន្មាននេះអាចប៉ះពាល់ដល់តម្រងនោម ដោយមិនដឹងខ្លួន
- ចង់ដឹងសុខភាពយើងបែបណា អាចមើលតាមរយៈពណ៌ទឹកនោម
- ប្រយ័ត្ន! ក្រៅពីស្រា ភេសជ្ជៈផ្អែមៗ ក៏បណ្ដាលឲ្យខូចតម្រងនោមដែរ
- ចូលចិត្តញ៉ាំ ៣ មុខនេះ អាចកើតក្រួសតម្រងនោម ចុកពិបាកឥតអំពើ
- អាហារ៧មុខ អ្នកមានបញ្ហាតម្រងនោមមិនគួរទទួលទានច្រើន
- អាហារទាំងប៉ុន្មានមុខនេះ ល្អសម្រាប់អ្នកមានបញ្ហាតម្រងនោម
- អ្វីជាគីសលើតម្រងនោម មានប៉ុន្មានប្រភេទ ប៉ះពាល់ម៉េចខ្លះ?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can You Have Sex With A UTI?
https://pelvicawarenessproject.org/can-you-have-sex-with-a-uti/
Sex during vaginal infection: Is it harmful?
https://www.mayoclinic.org/diseases-conditions/vaginitis/expert-answers/vaginal-infection/faq-20058120
Sexual Intercourse and Risk of Symptomatic Urinary Tract Infection in Post-Menopausal Women
https://www.ncbi.nlm.nih.gov/pmc/articles/PMC2324148/
កំណែប្រែបច្ចុប្បន្ន
12/01/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម