ថង់ទឹកម្រមាត់ ជាសរីរាង្គតូចមួយ ស្ថិតនៅខាងស្តាំក្រោមថ្លើម នៃផ្ទៃពោះរបស់យើង ដោយវាមានមុខងាររក្សា និងបញ្ចេញទឹកប្រមាត់ ដែលជាសារធាតុមួយផលិតដោយថ្លើម ដើម្បីជួយរំលាយខ្លាញ់។

ចំណែកជំងឺថង់ទឹកប្រមាត់ កើតឡើងដោយសារមានកូលេស្ដេរ៉ូល សារធាតុ Bilirubin ច្រើន និង Liver Pigment នៅក្នុងទឹកប្រមាត់។ វាបណ្ដាលឲ្យមានក្រួសក្នុងប្រមាត់ រលាកស្រួចស្រាវ ឬរ៉ាំរ៉ៃ ដោយសារក្រួសក្នុងប្រមាត់។ ក្នុងករណីរោគសញ្ញាធ្ងន់ធ្ងរ ប៉ះពាល់ដល់សុខភាព វេជ្ជបណ្ឌិតអាចផ្ដល់យោបល់ឲ្យកាត់ថង់ទឹកប្រមាត់។

ត្បិតការកាត់ថង់ប្រមាត់នេះ ជួយឲ្យសុខភាពបានល្អប្រសើរវិញមែន តែវាក៏បន្សល់ផលវិបាកមួយចំនួនផងដែរ។ ផលវិបាកទាំងនោះ មានដូចជា៖

១. ពិបាករំលាយជាតិខ្លាញ់

ក្រោយការវះកាត់ថង់ទឹកប្រមាត់ រាងកាយរបស់យើងត្រូវការកែប្រែវិធីសាស្ត្រ សម្រាប់ការរំលាយជាតិខ្លាញ់។ ចំណែកថ្នាំដែលយើងលេប អំឡុងពេលវះកាត់ ក៏បណ្ដាលឲ្យពិបាករំលាយអាហារផងដែរ។ ស្ថានភាពនេះមិនបន្ដរហូតនោះទេ តែអ្នកជំងឺខ្លះ អាចជួបផលវិបាករយៈពេលវែង ដោយសារការលេចទឹកប្រមាត់ទៅក្នុងសរីរាង្គ ឬក្រួសក្នុងប្រមាត់ ដែលនៅខាងក្រោយបំពង់ទឹកប្រមាត់។

២. រាក និងហើមពោះ

បញ្ហាមិនរំលាយអាហារ អាចបណ្ដាលឲ្យរាក និងហើមពោះ ហើយជាញឹកញាប់ បណ្ដាលមកពីបរិមាណជាតិខ្លាញ់ច្រើនពេក និងកាកសរសៃតិចពេកនៅក្នុងអាហារ។ រីឯការលេចចេញទឹកថង់ប្រមាត់ ក៏បណ្ដាលឲ្យបរិមាណទឹកថង់ប្រមាត់មិនគ្រប់គ្រាន់ ចូលទៅក្នុងពោះវៀន ដើម្បីរំលាយជាតិខ្លាញ់ និងបណ្ដាលឲ្យរាក។

អត្ថបទពាក់ព័ន្ធ៖ មែនអត់ កាត់ថង់ទឹកប្រមាត់ចេញ ងាយពុលចំណីអាហារ?

៣. ជំងឺខាន់លឿង និងគ្រុនក្តៅ

ក្រោយកាត់ថង់ទឹកប្រមាត់ នៅតែមានក្រួសក្នុងបំពង់ថង់ទឹកប្រមាត់ ហើយវាអាចបណ្ដាលឲ្យឈឺចាប់ធ្ងន់ធ្ងរ ឬខាន់លឿន ដែលធ្វើឲ្យស្បែកពណ៌លឿង។ ចំណែកការរាំងស្ទះក្រួស អាចបណ្ដាលឲ្យឆ្លងមេរោគផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កាត់ថង់ទឹកប្រមាត់ចេញ បន្សល់​ផលវិបាក​មួយ​ចំនួន

១. ពិបាក​រំលាយ​ជាតិ​ខ្លាញ់

២. រាក និង​ហើមពោះ

៣. ជំងឺខាន់លឿង និងគ្រុនក្តៅ

កាត់ថង់ទឹកប្រមាត់ចេញ បន្សល់ផលវិបាកមួយចំនួន

១. ពិបាករំលាយជាតិខ្លាញ់

២. រាក និងហើមពោះ