គ្នាយើងប្រហែលជាអាចប្លែកចិត្តបន្តិចពេលដឹងថាការដើរបន្តិចបន្តួចក្រោយញ៉ាំអាហារមានគុណសម្បត្តិច្រើនយ៉ាង។ យ៉ាងណា នេះជាការពិត ដែលគ្នាយើងគួរដឹង ហើយអាចអនុវត្តដើម្បីសុខភាព។

១. គុណប្រយោជន៍

ការដើរក្រោយញ៉ាំអាហារជួយធ្វើឲ្យការរំលាយអាហារបានកាន់តែប្រសើរ។ ចលនារាងកាយ បានជួយដល់ការរំលាយអាហារតាមរយៈជំរុញឲ្យមានការរំញោចនៅក្រពះ និងពោះវៀន។ ការណ៍នេះ បានធ្វើឲ្យអាហារដែលយើងញ៉ាំធ្វើចលនាឆ្លងកាត់ប្រព័ន្ធរំលាយអាហារបានលឿន។

បន្ថែមពីនេះ ការធ្វើចលនាបន្តិចបន្តួចក្រោយញ៉ាំអាហារទំនងជាអាចជួយការពារសុខភាពប្រព័ន្ធរំលាយអាហារបានដូចគ្នា។

តាមទិន្នន័យថ្មីៗនេះ បង្ហាញថាពេលវេលាដែលល្អបំផុតសម្រាប់ដើរក្រោយអាហារគឺអាចថាភ្លាមៗក្រោយញ៉ាំអាហារ ឬយូរជាងនេះបន្តិច។ ការដើរភ្លាមៗក្រោយញ៉ាំអាហារ អាចជួយបង្កើនការរំលាយអាហារ និងជួយគ្រប់គ្រងកម្រិតជាតិស្ករបានទៀតផង។ ការដើរក្រោយញ៉ាំអាហារ គ្នាយើងអាចមានជម្រើស តែថាបើដើរក្រោយពេលអាហារល្ងាច អាចជាពេលដែលល្អបំផុតមួយ។

ដើរក្រោយបាយ

២. គួរដើររយៈពេលប៉ុន្មាន?

ជាការណែនាំ ការដើរក្រោយញ៉ាំអាហារ គួរតែធ្វើឡើងត្រឹមរយៈពេល១០នាទី ចំពោះការចាប់ផ្ដើមដំបូងៗ បន្ទាប់មកគ្នាយើងអាចបង្កើនរយៈពេលតាមដែលរាងកាយយើងអាចទទួលយកបាន។

ការដើរប្រហែល១០នាទី ជួយឲ្យយើងទទួលបានគុណប្រយោជន៍ចំពោះប្រព័ន្ធរំលាយអាហារដូចបានរៀបរាប់ខាងលើ។ នៅពេលដែលយើងទម្លាប់ដើរបានក្នុងរយៈពេលប្រហែលជា១០នាទីរាល់ថ្ងៃហើយ គ្នាយើងអាចចាប់ផ្ដើមបង្កើនការដើរនេះរហូតដល់៣០នាទី ដើម្បីទទួលបានប្រយោជន៍ដល់សុខភាពកាន់តែច្រើន។

យ៉ាងណា គ្នាយើងកុំច្រឡំថា បើដើរក្រោយបាយបានប្រយោជន៍ច្រើន នោះរត់រឹតតែបានប្រយោជន៍ចំពោះសុខភាពកាន់តែច្រើននោះ។ ការរត់ក្រោយបាយ មិនត្រឹមតែមិនល្អចំពោះប្រព័ន្ធរំលាយអាហារទេ តែវាបែរជាធ្វើឲ្យមានបញ្ហាប្រព័ន្ធរំលាយអាហារទៅវិញ ដូចជាចង្អោរ ចាល់អាស៊ីដក្រពះ ឬពិបាករំលាយអាហារទៅវិញ។

ជាការណែនាំ គ្នាយើងមិនត្រូវដើរក្នុងល្បឿនលឿនពេកដែរ ជាការល្អគឺដើរក្នុងល្បឿនប្រហែល៥គីឡូម៉ែត្រក្នុងមួយម៉ោង។

ដើរបន្តិចបន្តួចក្រោយញ៉ាំអាហារ​មានប្រយោជន៍ដល់ក្រពះពោះវៀន

១. គុណប្រយោជន៍​

២. គួរ​ដើរ​រយៈពេល​ប៉ុន្មាន?​

ដើរបន្តិចបន្តួចក្រោយញ៉ាំអាហារមានប្រយោជន៍ដល់ក្រពះពោះវៀន

១. គុណប្រយោជន៍

២. គួរដើររយៈពេលប៉ុន្មាន?