១- យកចិត្តទុកដាក់លើសំដីខាងស្រី
តាមធម្មជាតិ ប្រុសៗតែងយកចិត្តទុកដាក់លើអ្វីខ្លួនចាប់អារម្មណ៍ប៉ុណ្ណោះ ហើយការយកចិត្តទុកដាក់ស្តាប់ លើមនុស្សជាទីស្រលាញ់ ឬចូលចិត្ត និងកត់សម្គាល់ខ្លាំង ក៏ជាអត្តចរិតពិតរបស់ប្រុសៗដូចគ្នា។ បើប្រុសៗ មានស្នេហាជ្រាលជ្រៅលើនារីណាម្នាក់ នឹងស្តែងចេញតាមទង្វើនេះឯង។
២- មិនខ្លាចលះបង់
ការលះបង់សម្រាប់មនុស្សយើងស្រលាញ់ អាចជារឿងងាយស្រួល ប៉ុន្តែស្រីៗអាចសម្គាល់មើល បើមានប្រុសណាម្នាក់ ដាក់ចិត្តស្រលាញ់យើងហើយនោះ គេនឹងតែងទុកយើងជារឿងសំខាន់ទី ១ សូម្បីតែខ្លួនគេផ្ទាល់ក៏មិនសោកស្តាយនឹងលះបង់ តួយ៉ាងសុខភាព ឬពេលខ្លះរហូតដល់ជីវិតទៀតផង ដើម្បីមនុស្សស្រីខ្លួនស្រលាញ់។

៣- បង្ហាញភាពឈឺចាប់ដោយបើកចំហ
អាចជាការយល់ច្រឡំថា ព្រោះគំនិតមួយចំនួនគិតថា មានស្រីៗពូកែលាក់អារម្មណ៍ តែតាមការស្រាវជ្រាវជាច្រើនបង្ហាញថា ប្រុសៗ ពូកែលាក់អារម្មណ៍ជាងមនុស្សស្រីទៅទៀត ប៉ុន្តែប្លែកត្រង់រឿងម្យ៉ាង បើជួបមនុស្សស្រីអាចទុកចិត្តបាន ប្រុសៗនឹងប្រាប់អស់ពីចិត្ត ដោយគ្មានអ្វីលាក់បាំងអ្វីទាំងអស់ ពីអារម្មណ៍ខ្លួនកំពុងមាន។