ការក្អួត ចង្អោរ គឺជាបញ្ហាទូទៅមួយដែលមនុស្សស្ទើរគ្រប់រូបជួបប្រទះ តែមានគ្នាយើងមួយចំនួន តែងមានអាការៈចង្អោរ ឬចង់ក្អួត រាល់ពេលញ៉ាំអាហារហើយ។ ចុះមានរកចម្លើយបានឬនៅថា អាការៈបែបនេះ បណ្ដាលមកពីអ្វី? ដោយសារការឈឺក្រពះ ឬយ៉ាងណា?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ក្រោយញ៉ាំអាហារហើយចេះតែចង្អោរ អាចមកពីកត្តាទាំងប៉ុន្មាននេះ
ឆ្លើយតបនឹងបញ្ហានេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ ឲ្យដឹងថា មនុស្សដែលឧស្សាហ៍មានអាការៈចង្អោរ ចេះតែចង់ក្អួត ភើ
ជូរ ក្រោយពេលដាក់អាហារចូលពោះ គឺអាចមានបញ្ហាច្រាលទឹកអាសុីដក្រពះ ឬក៏រលាកក្រពះហើយ។ ក្រៅពីនេះ បើយើងចេះតែចង្អោរ ឬចង់ក្អួត អាចបណ្ដាលមកពីមូលហេតុមួយចំនួនទៀតដូច៖
– ពុលអាហារ
– ឆ្លងមេរោគ
– អាលែកហ្សីចំណីអាហារ
– បញ្ហាក្រពះ-ពោះវៀនផ្សេងៗ
– បម្រែបម្រួលអរម៉ូន (សម្រាប់ស្ត្រីមានផ្ទៃពោះ)។ល។
ក្នុងករណីដែលយើងចង្អោរ ឬចង់ក្អួតក្រោយពេលញ៉ាំអាហារយូរៗម្ដង វាគ្មានបញ្ហាអីដែលគួរឲ្យបារម្ភទេ។ ប៉ុន្តែ បើអាការៈចង្អោរនេះមិនបាត់ទៅវិញក្នុងរយៈពេល ១សប្ដាហ៍ទេនោះ យើងគួរទៅពិនិត្យជាមួយគ្រូពេទ្យ បើចង្អោរ ហើយរួមផ្សំនឹងរោគសញ្ញាខាងក្រោមមាន៖
– ក្អួតមានលាយឈាម
– ឈឺទ្រូង ក្រហាយទ្រូង
– វង្វេងវង្វាន់
- រាករូសលើស ២-៣ថ្ងៃ មិនបាត់
– ចុកពោះខ្លាំង
– ចង្វាក់បេះដូងដើរលឿន។ល។
លោកវេជ្ជបណ្ឌិត បញ្ជាក់ឲ្យដឹងថា ប្រសិនបើយើងចេះតែចង្អោរ ឬចង់ក្អួតស្ទើររាល់ពេលដែលញ៉ាំអាហាររួច ក៏អាចបញ្ជាក់ថាយើងកើតជំងឺរលាកក្រពះដែរ។ យកល្អ គ្នាយើងណាដែលមានអាការៈបែបនេះញឹកញាប់ គួរតមញ៉ាំកាហ្វេ (ព្រោះ ញ៉ាំកាហ្វេច្រើនអាចធ្វើឲ្យក្រពះចេញអាស៊ីដច្រើន ជាហេតុបណ្ដាលឲ្យច្រាលក្រពះ) អាហារជូរ ឬហឹរ និងអាហារផ្អាប់ ជាដើម។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕