home

ផ្ដាសាយធំ

ជំងឺ​ផ្ដាសាយធំ​​​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​ជំងឺផ្ដាសាយ​ធំ​ ​ផលវិបាក ​ការ​រស់​នៅ​ជា​មួយ​ជំងឺប្រភេទ​នេះ ការការពារ​ និង​ការ​ព្យាបាល

ចំណេះដឹងទូទៅ

ផ្ដាសាយធំ

អាហារ​មាន​សារសំខាន់​ណាស់​ក្នុង​ការ​ប្រយុទ្ធ​ប្រឆាំង​នឹង​ផល​ប៉ះពាល់​អវិជ្ជមាន​នៃ​ជំងឺ​ផ្ដាសាយ​ ដែល​ធ្វើ​ឲ្យ​គ្នា​យើង​ភាគ​ច្រើន​តែងតែ​​​មាន​អារម្មណ៍​ល្ហិតល្ហៃ​ ក៏​ដូចជា​ពិបាក​ក្នុង​ខ្លួន។ ប៉ុន្តែ តើ​យើង​គប្បី​ញ៉ាំ​អាហារ ឬ​ភេសជ្ជៈ​បែប​ណា​ ដើម្បី​ឲ្យ​ជំងឺ​ផ្ដាសាយ​​ឆាប់​ជា​សះស្បើយ​ ក៏​ដូចជា​ពង្រឹង​ប្រព័ន្ធ​ភាព​ស៊ាំ​របស់​យើង​ឲ្យ​កាន់​តែ​រឹងមាំ? ១. ម្ទេស​សម្រាប់​បង្កើន​ចំណង់​អាហារ​ឡើង​វិញ​ ជា​ទូ​ទៅ យើង​តែងតែ​បាត់បង់​ចំណង់​អាហារ​នៅ​ពេល​ដែល​យើង​មិន​ស្រួល​ខ្លួន ពីព្រោះ​តែ​អាហារ​មិន​មាន​រសជាតិ​ឆ្ងាញ់​ដូច​ពី​មុន​។ យ៉ាង​ណា​មិញ អាហារ​ហឹរ​មាន​គុណប្រយោជន៍​​ជួយ​បំបាត់​អាការៈ​តឹង​ច្រមុះ និង​សម្រួល​ដល់​ការ​ដកដង្ហើម​។ ជា​លទ្ធផល​ វា​ធ្វើ​ឲ្យ​​​រសជាតិ​អាហារ​ត្រលប់​មក​រក​សភាព​ដូច​មុន​វិញ​។ ២. បំពេញ​ជាតិ​ទឹក​ជាមួយ​នឹង​ទឹក​ដូង​ ការ​បំពេញ​ជាតិ​ទឹក​ក្នុង​រាងកាយ​មាន​សារសំខាន់​ណាស់​ ក្នុង​ការ​កម្ចាត់​ជាតិ​ពុល​ចេញ​ពី​រាងកាយ​។ គ្នា​យើង​គប្បី​ញ៉ាំ​ទឹក​ដូង ឬ​ភេសជ្ជៈ​ដែល​សម្បូរ​ដោយ​អេឡិចត្រូលីត​ ដើម្បី​បំពេញ​ជាតិ​រ៉ែ ដូចជា​ប៉ូតាស្យូម​ និង​សូដ្យូម។ ៣. ទឹក​ដោះ​គោ​ជូរ​​ពង្រឹង​ប្រព័ន្ធ​ភាព​ស៊ាំ​ ​ប្រព័ន្ធ​ភាព​ស៊ាំ​​របស់​យើង​ប្រមាណ​៧០%​​គឺ​ប្រមូលផ្ដុំ​នៅ​ក្នុង​ក្រពះ​ ដូច្នេះ​ហើយ​​ការ​បញ្ចូល​បាក់តេរី​ល្អ​ៗ​ក្នុង​ក្រពះ អាច​ជួយ​ឲ្យ​យើង​ឆាប់​ជា​សះស្បើយ​ពី​ជំងឺ ក៏​ដូចជា​មាន​សុខភាព​រឹងមាំ​។ ទឹក​ដោះ​គោ​ជូរ ជួយ​រក្សា​តុល្យភាព​នៃ​បាក់តេរី​ល្អ​ក្នុង​ក្រពះ ហើយ​ក៏​ជា​អាហារ​ដែល​ស័ក្ដិសម​សម្រាប់​ជំងឺ​ផ្ដាសាយ​ផង​ដែរ​។ ៤. តែ​បៃតង​សម្រាប់​ប្រឆាំង​នឹង​អុកស៊ីតកម្ម​ ជាមួយ​គ្នា​នេះ​ដែរ តែ​បៃតង​មិន​ត្រឹម​តែ​បំពេញ​​ជាតិ​ទឹក​ដល់​រាងកាយ​របស់​យើង​ប៉ុណ្ណោះ​ទេ វា​​ក៏​សម្បូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​ សម្រាប់​ប្រយុទ្ធ​នឹង​ពពួក​រ៉ាឌីកាល់​សេរី​។ ​ប្រព័ន្ធ​ផ្លូវ​ដង្ហើម​ផ្នែក​ខាង​លើ​​រង​ផល​ប៉ះពាល់​ នៅ​ពេល​ដែល​យើង​​កើត​ជំងឺ​ផ្ដាសាយ ហើយ​ការ​ញ៉ាំ​តែ​បៃតង​ក្ដៅ​ជាមួយ​នឹង​ទឹក​ឃ្មុំ​អាច​បើក​ផ្លូវ​​ដង្ហើម​របស់​យើង​ឲ្យ​ដំណើរការ​ប្រក្រតី​ឡើង​វិញ​។ ៥. ខ្ទឹម​ស​អាច​សម្លាប់​មេរោគ​ ខ្ទឹម​ស​ជា​ភ្នាក់ងារ​ប្រឆាំង​នឹង​ការ​ឆ្លង​មេរោគ​ផ្សេង​ៗ​ ដូចជា​បាក់តេរី និង​វីរុស​។ ជាក់​ស្ដែង ខ្ទឹម​ស​ឆៅ​អាច​ជួយ​កាត់បន្ថយ​អាការៈ​គ្រុន​​ផ្ដាសាយ​បាន​យ៉ាង​អស្ចារ្យ ហើយ​យើង​ក៏​អាច​បញ្ចូល​វា​ទៅ​ក្នុង​គ្រឿង​ផ្សំ​នៃ​អាហារ​ដើម្បី​កម្ចាត់​អាការៈ​គ្រុន​ផ្ដាសាយ​នេះ​​ដូច​គ្នា​។ ៦. ក្រូច​ឆ្មារ និង​ផ្លែ​ក្រូច​សម្រាប់​​​បង្កើន​វីតាមីន​C ​វីតាមីន​C​ជា​អាហារ​ដ៏​ល្អ​បំផុត​សម្រាប់​ជួយ​ពង្រឹង​ប្រព័ន្ធ​ភាព​ស៊ាំ ហើយ​អាហារ​ដែល​សម្បូរ​ទៅ​ដោយ​វីតាមីន​C​មាន​ដូចជា​ផ្លែ​ក្រូច ក្រូច​ឆ្មារ ស្រ្តប៊ឺរី និង​ប៉េងប៉ោះ​​។​ ហេតុ​នេះ​ហើយ​ យើង​គប្បី​ញ៉ាំ​អាហារ​ទាំង​នេះ​​ជា​ប្រចាំ ជា​ពិសេស​នៅ​ពេល​ដែល​យើង​មាន​អាការៈ​គ្រុន​ផ្ដាសាយ​។

អត្ថបទផ្សេងទៀតពី ផ្ដាសាយធំ

ផ្ដាសាយធំ

បើ​យើង​ឈឺ​ផ្ដាសាយ សឹង​តែ​ថា មិន​បាច់​ទៅ​ឲ្យ​ពេទ្យ​ពិនិត្យ​ក៏​យើង​អាច​ជា​មក​វិញ​លឿន​ដែរ ព្រោះ​វា​ជា​ជំងឺ​ទូទៅ​មួយ​កើត​ឡើង​លើ​មនុស្ស​យើង​ទៅ​ហើយ។ ប៉ុន្តែចំពោះ​ជំងឺ​ផ្ដាសាយ​ធំ គឺ​មិន​ដូច​គ្នា​ទេ បើ​យើង​ឈឺ​ហើយ​វា​អាច​បង្ក​ជា​ផល​វិបាក​ច្រើន​ដល់​សុខភាព​យើង។ ជំងឺ​ផ្ដាសាយ​ធំ (ភាសា​បច្ចេកទេស Influenza) ជា​ជំងឺ​ផ្លូវ​ដង្ហើម​ប៉ះពាល់​ដល់​ច្រមុះ បំពង់​ក និង​សួត។ ជា​រឿយៗ គ្នា​យើង​មួយ​ចំនួន​ងាយ​យល់​ច្រឡំ​ផ្ដាសាយ​ធំ នឹង​ផ្ដាសាយ​ធម្មតា ទាំង​ពីរ​នេះ បង្ក​ឡើង​ដោយ​វីរុស​ផ្សេង​គ្នា ហើយ​ជំងឺ​ផ្ដាសាយ​ធំ​អាច​បង្ក​ផល​ប៉ះពាល់​ខ្លាំង​ដល់​សុខភាព មិន​ដូច​ផ្ដាសាយ​ធម្មតា​ទេ។ នេះ​បើ​តាម​ការ​ឲ្យ​ដឹង​លោក​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ។ ផ្ដាសាយ​ធំ​អាច​បង្ក​ជា​ផល​ប៉ះពាល់​សុខភាព​យ៉ាង​ណា​ខ្លះ? បើ​យើង​ធ្វេស​ប្រហែស​នឹង​ជំងឺ​ផ្ដាសាយ​ធំ​នេះ អាច​ប៉ះពាល់​សុខភាព​ច្រើន​ដូច​ជា៖ - រលាក​សួត ខួរក្បាល ជាលិកា​សាច់​ដុំ និង​សាច់​ដុំ​បេះ​ដូង - ខ្សោះ​ជាតិ​ទឹក - ឆ្លង​មេរោគ​នៅ​ត្រចៀក -​ សរីរាង្គ​ដំណើរ​ការ​មិន​ល្អ ឬ​អាច​បាត់​បង់​អាយុ​ជីវិត​ជាដើម។ យោង​តាម​មជ្ឈមណ្ឌល​គ្រប់គ្រង និង​ប្រឆាំង​ជំងឺ​ឆ្លង CDC អាមេរិក បើ​យើង​ជា​អ្នក​មាន​សុខភាព​ល្អ​ធម្មតា យើង​កម្រ​នឹង​រង​ផល​ប៉ះពាល់​អស់​ទាំង​នេះ​ណាស់ ប៉ុន្តែ​ជំងឺ​ផ្ដាសាយ​ធំ​អាច​ជា​ហានិភ័យ​សុខភាព​ខ្ពស់​ទៅ​ដល់​ក្រុម​មនុស្ស​មួយ​ចំនួន​មាន មនុស្ស​ចាស់ (អាយុ​៦៥​ឆ្នាំ​ឡើង) ទារក និង​កុមារ ស្ត្រី​ពពោះ មនុស្ស​ដែល​មាន​ជំងឺ​រ៉ាំរ៉ៃ​ផ្សេងៗ និង​មនុស្ស​ដែល​មាន​ប្រព័ន្ធ​ភាព​ការពារ​ខ្សោយ។ ទោះ​យ៉ាង​ណា​ក៏​ដោយ យើង​អាច​កាត់​បន្ថយ​ហានិភ័យ​បង្ក​ឡើង​ដោយ​ជំងឺ​ផ្ដាសាយ​ធំ​បាន​ដោយ​ការ​ចាក់​វ៉ាក់សាំង​ការពារ​ជំងឺ​នេះ ឬ​ទប់​ស្កាត់​ជំងឺ​ផ្ដាសាយ​ធំ​ដោយ​ក្បូន​សាមញ្ញ​ៗ​ទាំង​នេះ​បាន​ដូចជា៖ ១. មាន​អនាម័យ​ខ្ពស់ (លាង​ដៃ​ឲ្យ​បាន​ស្អាត) ២. ជូត​សម្អាត​ផ្ទៃ​វត្ថុ​នា​នា ជាមួយ​ថ្នាំ​សម្លាប់​មេរោគ ៣. ខ្ទប់​មាត់ ឬ​ច្រមុះ​ពេល​ក្អក ឬ​កណ្ដាស់ ៤. គេង​ឲ្យ​បាន​គ្រប់​គ្រាន់ […]

ផ្ដាសាយធំ

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ! ផ្ដាសាយ​ធំ និង​ផ្ដាសាយ​ធម្មតា សុទ្ធ​តែ​ជា​បញ្ហា​ប្រព័ន្ធ​ផ្លូវ​ដង្ហើម​ដូច​គ្នា ប៉ុន្តែ​វា​បង្ក​ឡើង​ដោយ​វីរុស​មិន​ដូច​គ្នា​ទេ។ ដោយសារ​តែ​រវាង​ជំងឺ​ពីរ​នេះ មាន​រោគ​សញ្ញា​ស្រដៀង​គ្នា ជួន​កាល យើង​ពិបាក​ដឹង​ថា យើង​ឈឺ​ផ្ដាសាយ​ធំ ឬ​ផ្ដាសាយ​ធម្មតា​ឲ្យ​ពិត​ប្រាកដ នេះ​បើ​តាម​មជ្ឈមណ្ឌល​គ្រប់​គ្រង និង​បង្ការ​ជំងឺអាមេរិក(CDC )។ ជា​ទូទៅ ផ្ដាសាយ​ធំ​មាន​សភាព​ធ្ងន់ធ្ងរ​ជាង​ផ្ដាសាយ​ធម្មតា ហើយ​រោគ​សញ្ញា​ក៏​ធ្ងន់​ជាង​ដែរ។ ចំណែក​ផ្ដាសាយ​ធម្មតា​សភាព​ស្រាល​ជាង ហើយ​ជា​ទូទៅ​ផ្ដាសាយ​ធម្មតា​មិន​បង្ក​ជា​បញ្ហា​សុខភាព​ធ្ងន់ធ្ងរ​ទេ តែ​បើ​ផ្ដាសាយ​ធំ​វិញ​បណ្ដាល​ឲ្យ​រលាក​សួត ការ​បង្ក​រោគ​ដោយ​បាក់តេរី ឬ​អាច​សម្រាក​មន្ទីរពេទ្យ​ក៏​មាន ពោល​ផ្ដាសាយ​ធំ​អាច​បង្ក​ផល​ពិបាក​ច្រើន។ លោក​វេជ្ជបណ្ឌិត ចាន់ ស៊ីណេត ឯកទេសទូទៅ ឲ្យ​ដឹង​ថា រោគ​សញ្ញា​រវាង​ជំងឺ​ផ្ដាសាយ​ពីរ​នេះ អាច​ស្រដៀង​គ្នា​មែន តែ​វា​មាន​មួយ​ស្រាល​ជាង មួយ​ធ្ងន់​ជាង​ដោយ​៖ - រោគ​សញ្ញា​ផ្ដាសាយ​ធំ៖ ទូទៅ៖ ក្ដៅ​ខ្លួន ឈឺ​ខ្លួន ព្រឺ​រងា ហត់ អស់​កម្លាំង ពិបាក​ក្នុង​ទ្រូង ឬ​ក្អក ឈឺ​ក្បាល មិន​សូវ​មាន៖ កណ្ដាស់ តឹង​ច្រមុះ ឈឺ​ក - រោគ​សញ្ញា​ផ្ដាសាយ​តូច៖ ទូទៅ៖ កណ្ដាស់ តឹង​ច្រមុះ ឈឺ​ក […]