បើស្រីៗគ្នាយើងតាមដាន “Hello គ្រូពេទ្យ”យូរ ច្បាស់ជាធ្លាប់ដឹងពីវិធីសាស្ត្រពន្យារកំណើតថ្នាំពន្យារកំណើតបន្ទាន់ហើយ។ ក្រោយប្រើរួចថ្នាំពន្យារកំណើតបន្ទាន់ អាចចេញរោគសញ្ញានៃផលរំខានមួយចំនួន ប៉ុន្តែគ្នាយើងមិនចាំបាច់ភ័យទេ។

ថ្នាំពន្យារកំណើតបន្ទាន់ ឬថ្នាំ ៧២ម៉ោង សំដៅលើថ្នាំបង្ការកុំឲ្យមេជីវិតឈ្មោល ជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃនៃការរួមភេទដែលមិនបានការពារ។ មូលហេតុមួយចំនួនដែលគ្នាយើងស្រីៗត្រូវប្រើថ្នាំពន្យារកំណើតបន្ទាន់ដូចជាពេល៖

ថ្នាំ៧២ម៉ោង

– ស្រោមអនាម័យដាច់រហែក ឬបែកពេលរួមភេទ

– របូតធ្លាក់កងពាក់ក្នុងស្បូន (IUD)

– ដាក់បន្ទះ ឬកងដាក់ក្នុងទ្វារមាស យឺតពេក ឬដកចេញលឿនពេក

– ភ្លេចលេបថ្នាំពន្យារកំណើត ២-៣ដងជាប់គ្នា

– រួមភេទដោយមិនបានការពារ។

គណនាថ្ងៃមេជីវិតញីទុំធ្លាក់នៅទីនេះ

ចង់ពិនិត្យជំងឺមហារីកក្រពេញអូវែ ចុចទីនេះ!

ចង់ពិនិត្យជំងឺមហារីកសួត ចុចទីនេះ!

ចំពោះស្រីៗគ្នាយើង ដែលបានប្រើថ្នាំពន្យារកំណើតបន្ទាន់នេះ ហើយមានអាការៈដូចខាងក្រោមនេះ វាជាសញ្ញានៃផលរំខានរបស់ថ្នាំរួមមាន៖

ចង្អោរ ក្អួត
ចុករមួលពោះផ្នែកខាងក្រោម
ហូរឈាមខុសធម្មតា
អស់កម្លាំង
ឈឺក្បាល វិលមុខ
ឈឺសុដន់

បើយើងសង្កេតតាមរោគសញ្ញាខាងលើ ថ្នាំពន្យារកំណើតបន្ទាន់ មិនបង្កឲ្យមានផលរំខានធ្ងន់ធ្ងរ ឬយូរអង្វែងនោះទេ ព្រោះវាត្រូវបានអនុម័តតាមបែបវេជ្ជសាស្ត្រដាក់ឲ្យប្រើប្រាស់ជាសកល ពីសំណាក់រដ្ឋបាលចំណីអាហារ និងថ្នាំពេទ្យអាមេរិក FDA ដោយអះអាងមានសុវត្ថិភាពសម្រាប់ស្រីៗគ្រប់រូប។

អត្ថបទគួរអាន៖

ក្រោយប្រើថ្នាំពន្យារកំណើតបន្ទាន់ មានអាការៈទាំងនេះ មិនបាច់ភ័យទេ