ថ្នាំពន្យារកំណើតបន្ទាន់ ឬថ្នាំ ៧២ ម៉ោងនោះ ជាជម្រើសល្អបំផុតចំពោះស្រីៗដែលភ្លាត់រួមភេទដោយអត់បានការពារ ដើម្បីបង្ការការផ្ទៃពោះ។ ថ្នាំពន្យារកំណើតបន្ទាន់នេះ ត្បិតតែមានប្រសិទ្ធភាពខ្ពស់មែន ប៉ុន្តែមិនតម្រូវឲ្យស្រីៗយើងប្រើច្រើនដង ឬជាប្រចាំនោះទេ។
ភ្លាត់អីៗដោយអត់ការពារ ថ្នាំ ៧២ ម៉ោងជួយបាន តែប្រើញឹកប៉ះពាល់ធ្ងន់ធ្ងរ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅថា ថ្នាំពន្យារកំណើតបន្ទាន់ ឬថ្នាំ ៧២ ម៉ោង បង្ការកុំឲ្យមេជីវិតឈ្មោលជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃនៃការរួមភេទដែលមិនបានការពារ។ ថ្នាំនេះមានប្រសិទ្ធភាពតែរយៈពេល ៣ ថ្ងៃ (៧២ម៉ោង) បន្ទាប់ពីរួមភេទរួចប៉ុណ្ណោះ។
នៅពេលលេបថ្នាំពន្យារកំណើតបន្ទាន់ ឬថ្នាំ ៧២ ម៉ោង ស្រីៗយើងនឹងជួបផលរំខានមួយចំនួនដូចជា ក្អួតចង្អោរ អស់កម្លាំង ឈឺក្បាល វិលមុខ ឈឺសុដន់ជាដើម។
អត្ថបទពាក់ព័ន្ធ៖
ដោយហេតុថា លក្ខណៈពិសេសរបស់ថ្នាំពន្យារកំណើតបន្ទាន់មានផ្ទុកនូវសារធាតុអ័រម៉ូនខ្ពស់ជាងថ្នាំពន្យារកំណើតដទៃទៀត ដូច្នេះពុំអនុញ្ញាតឲ្យស្រីៗប្រើថ្នាំនេះច្រើនដងពេកទេ ប្រើត្រឹម ១ដង ឬ២ ដងប៉ុណ្ណោះ។ ចំពោះផលប៉ះពាល់វិញ លោកវេជ្ជបណ្ឌិតថា កាលណាយើងប្រើថ្នាំនេះជាប្រចាំអាចធ្វើឲ្យអ័ម៉ូនប្រែប្រួល រដូវមកមិនទៀង ឯករណីធ្ងន់ធ្ងរវិញ ឈានដល់ការធ្លាក់ឈាមនៅចន្លោះរដូវ។
ដើម្បីបង្ការការមានផ្ទៃពោះ លោកវេជ្ជបណ្ឌិត ចាន់ ស៊ីណេត បានលើកទឹកចិត្តឲ្យស្រីគ្នាយើងប្រើមធ្យោបាយពន្យារកំណើតផ្សេងៗទៀត ដូចជាប្រើស្រោមអនាម័យ ថ្នាំគ្រាប់ ថ្នាំចាក់ កងដាក់ស្រោមស្បែក កងដាក់ក្នុងស្បូនជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម