ប្រាកដហើយថា អ្នកចង់ចាកចេញ?
គ្នាយើងខ្លះធ្លាប់សម្គាល់ខ្លួនឯងទេ ថាហេតុអ្វីចេះតែមានអារម្មណ៍ចង់រួមភេទញឹកញាប់? ការមានអារម្មណ៍ចង់រួមភេទគឺមានលើមនុស្សយើងភាគច្រើននៅពេលឈានដល់ពេលពេញវ័យ ហើយរឿងនេះជាធម្មជាតិរបស់មនុស្សយើងតែប៉ុណ្ណោះ។
និយាយរួមទៅចំណង់ផ្លូវភេទជារឿងធម្មតាសម្រាប់មនុស្សយើង តែក៏អាចមានកត្តាមួយចំនួនធ្វើឲ្យយើងមានចំណង់នេះកើតឡើងដែរ។
គ្នាយើងដឹងហើយថាការប្រែប្រួលអ័រម៉ូនបានដើរតួយ៉ាងសំខាន់លើចំណង់ផ្លូវភេទរបស់មនុស្សយើង។ នៅពេលកម្រិតអ័រម៉ូនតេស្តូស្តេរ៉ូនកើនឡើង អាចធ្វើឲ្យយើងមានចំណង់ផ្លូវភេទ។ ដូចគ្នាដែរ អ្នកដែលបង្ហាញកាយវិការចង់រួមភេទ គឺកំពុងមានកម្រិតអ័រម៉ូនតេស្តូស្តេរ៉ូនខ្ពស់ដែរ។កម្រិតអ័រម៉ូនមានផ្សេងៗគ្នានៅក្នុងដំណាក់កាលនៃជីវិតរបស់យើងនីមួយៗ ពិសេសពេលយើងចាប់ផ្ដើមពេញវ័យ និងពេលស្រីៗអស់រដូវ។ ការប្រែប្រួលកម្រិតអ័រម៉ូននេះធ្វើឲ្យចំណង់ផ្លូវភេទក៏កើនឡើងដែរ។
អាហារជាក់លាក់មួយចំនួនអាចជួយបង្កើនចំណង់ផ្លូវភេទរបស់មនុស្សយើងបាន។ អាហារទាំងនោះមានដូចជាផ្លែបឺរ ស្វាយ ផ្កាខាត់ណាខៀវ និងគ្រាប់អាល់ម៉ុន ជាដើមសុទ្ធតែមានឥទ្ធិពលលើចំណង់ផ្លូវភេទរបស់យើង។ ការញ៉ាំអាហារទាំងនេះជាប្រចាំ អាចជួយបង្កើនចំណង់ផ្លូវភេទ។
តើពេលផឹកស្រាក្រហមមួយកែវ ធ្វើឲ្យគ្នាយើងនឹកដល់រឿងរួមភេទ? មិនចម្លែកទេ អ្នកផ្សេងក៏អាចមានអារម្មណ៍បែបនេះដែរ។ ថ្វីបើគ្រឿងស្រវឹងអាចរំខានដល់សកម្មភាពលើគ្រែមែន តែវាក៏អាចដាស់អារម្មណ៍ឲ្យយើងពុះកញ្ជ្រោលបានដែរ។ ការសិក្សាមួយបានកត់សម្គាល់ថាគ្រឿងស្រវឹងមានឥទ្ធិពលលើចំណង់ផ្លូវភេទ អារម្មណ៍ស្រើបស្រាល និងភាពរីករាយ។
សម្រាប់ស្រីៗវិញអារម្មណ៍ផ្លូវភេទ អាចកើតមានឡើងដោយសារការប្រែប្រួលអ័រម៉ូននៅក្នុងវដ្ដរដូវដែរ។ កម្រិតអ័រម៉ូនអឺស្រ្តូហ្សែន និងប្រូតេស្តូស្តេរ៉ូនប្រែប្រួល ក៏ធ្វើឲ្យចំណង់ផ្លូវភេទប្រែប្រួល ដោយអាចពេលខ្លះមានចំណង់ខ្លាំង និងពេលខ្លះមិនមានចំណង់ក៏មាន។ ស្រីៗអាចមានចំណង់ផ្លូវភេទខ្លាំងនៅថ្ងៃអាចបង្កកំណើតបានក្នុងវដ្ដរដូវរបស់ខ្លួន។ ការណ៍នេះមិនមែនអ្វីដែលត្រូវខ្មាសអៀននោះទេ តែវាបានបញ្ជាក់ថាស្រីៗយើងមានសុខភាពប្រព័ន្ធបន្តពូជល្អទៅវិញទេ។
ជាការពិតណាស់ ការទើបមានទំនាក់ទំនងនឹងគ្នាថ្មីៗ ពិតជាធ្វើឲ្យយើងមានអារម្មណ៍រំភើប និងតែងមកជាមួយនឹងអារម្មណ៍ចង់រួមភេទជាមួយដៃគូដែរ។ ដូចគ្នាដែរ វានឹងកាន់តែងាយមានអារម្មណ៍ផ្លូវភេទនៅពេលដែលដៃគូទាំងពីរនៅជិតគ្នានៅពេលបន្តបន្ទាប់។
ការមានផ្ទៃពោះអាចនឹងផ្ដល់នូវរឿងប្លែកៗដល់ស្រីៗគ្នាយើងដែរ ក្នុងនោះក៏អាចធ្វើឲ្យស្រីៗយើងខ្លះមានចំណង់ផ្លូវភេទខ្លាំងដែរ ដែលនេះ ក៏បណ្ដាលមកពីការប្រែប្រួលអ័រម៉ូនពេលមានផ្ទៃពោះនេះឯង។
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
វដ្ដរដូវ
(ថ្ងៃ)
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.healthline.com/health/why-am-i-always-horny
