៣. មូលហេតុការហាត់ប្រាណជួយសុខភាពផ្លូវភេទ
ការហាត់ប្រាណជួយបង្កើនលំហូរឈាមក្នុងរាងកាយ នាំឲ្យសកម្មភាពផ្លូវភេទរបស់បុរសមានភាពល្អប្រសើរ។ ការហាត់ប្រាណធ្វើឲ្យរូបរាងប្រុសៗសមសួន ក៏ជាផ្នែកមួយជួយឲ្យសកម្មភាពផ្លូវភេទល្អប្រសើរដែរ។ ទាំងស្រ្តី និងបុរស ដែលបានហាត់ប្រាណជាប្រចាំ ច្រើនតែមានអារម្មណ៍ល្អនឹងរឿងរួមភេទ ដែលនាំឲ្យមានសកម្មភាពផ្លូវភេទមួយល្អប្រសើរ។
ដូចគ្នាដែរ ការបញ្ចេញកម្លាំងកាយជាប្រចាំ ពិសេសអ្នកចូលរួមកម្មវិធីហាត់ប្រាណ អាចជួយបង្កើនកម្រិតអ័រម៉ូនតេស្តូស្តេរ៉ូន ដែលអាចជួយបង្កើនចំណង់ផ្លូវភេទលើបុរស និងស្រ្តី។ ប៉ុន្តែ បើសិនជាបញ្ចេញកម្លាំងកាយច្រើនជ្រុល អាចទទួលបានលទ្ធផលផ្ទុយទៅវិញ នាំឲ្យកម្រិតអ័រម៉ូនតេស្តូស្តេរ៉ូនធ្លាក់ចុះទៅវិញ។ ការសិក្សាក៏រកឃើញដែរថា ប្រុសៗដែលហាត់ប្រាណខ្លាំងៗជាប្រចាំ ហាក់មានការធ្លាក់ចុះចំណង់ផ្លូវភេទទៅវិញ។