ការស្រាវជ្រាវថ្មីៗបានលើកឡើងថាមនុស្សស្ថិតក្នុងក្រុមវ័យប្រឡូកក្នុងការរួមភេទ គឺធ្លាប់រួមភេទតាមមាត់ជាច្រើនដងក្នុងឆាកជីវិតរបស់ពួកគេ។ ការរួមភេទប្រើវិធីមួយនេះគឺមានប្រសិទ្ធភាពក្នុងការរឹតចំណងស្នេហ៍រវាងប្ដីប្រពន្ធជាច្រើនគូរ។ ប៉ុន្តែទោះជាយ៉ាងណាក្ដី ការរួមភេទតាមមាត់ដោយមិនប្រើប្រាស់មធ្យោបាយការពារ គឺអាចឲ្យអ្នកឆ្លងជំងឺជាច្រើន។ អត្ថបទខាងក្រោមនេះ យើងនឹងលើកយកការប្រឈមមុខជាមួយជំងឺឆ្លងសំខាន់ៗតាមរយៈការរួមភេទតាមមាត់។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
រួមភេទតាមមាត់ អាចចម្លងរោគទាំងនេះដល់ដៃគូបាន
១- ការរួមភេទតាមមាត់ និងប្រភេទរបស់វា
ការរួមភេទតាមមាត់ គឺគេប្រើមាត់ បបូរមាត់ និងអណ្ដាតដើម្បីដាស់អារម្មណ៍ត្រង់ប្រដាប់ភេទ និងតំបន់ជុំវិញប្រដាប់ភេទរបស់ដៃគូរ។ ការរួមភេទតាមមាត់អាចធ្វើឡើងទាំងអ្នកមានផ្ទុយគ្នា និងអ្នកមានភេទដូចគ្នា។ ការរួមភេទតាមមាត់មានប្រភេទមួយចំនួនដូចជា៖
– Cunnilingus ឬ cunnilinctus។ វិធីនេះគឺការប្រើអណ្ដាតមកលិឍលើទ្វារមាស ជាពិសេសត្រង់ចំណុចគ្លីតូរីសរបស់ស្ត្រី ដើម្បីដាស់អារម្មណ៍។
– ប្រើមាត់ដាស់លិង្គរបស់មនុស្សប្រុស គឺគេប្រើមាត់បៀម ឬលិឍ។
- ប្រើអណ្ដាតដាស់អារម្មណ៍លើចុងសុដន់របស់គូស្នេហ៍
– Anilingus ឬរួមភេទតាមរន្ធគូថដោយប្រើមាត់។ គេប្រើអណ្ដាត និងបបូរមាត់ទៅដាស់អារម្មណ៍គូស្នេហ៍បស់ខ្លួនត្រង់រន្ធគូថ។
២- បញ្ហាសុខភាពប្រឈមដោយសារការរួមភេទតាមមាត់
– ជំងឺប្រមេះ (Gonorrhea)
ជំងឺប្រមេះ គឺបណ្ដាលមកពីមេរោគបាក់តេរីឈ្មោះ Neisseria Gonorrheae ដែលវាឆ្លងមកខ្លួនរបស់យើងតាមរយៈការរួមភេទតាមមាត់។ បំពង់ក ប្រដាប់ភេទ បំពង់បង្ហូរនោម និងរន្ធគូទ គឺសុទ្ធតែជាកន្លែងដែលមេរោគអាចបង្កររោគបាន។ រោគសញ្ញាច្បាស់លាស់របស់ជំងឺប្រមេះ មានដូចជាធ្លាក់សខុសពីធម្មតាពីទ្វារមាស ឬតាមលិង្គ ដែលភាគច្រើនវាមានពណ៌បៃតង ឬលឿង ឈឺចាប់ពេលនោម មានហូរឈាមចន្លោះពេលមករដូវសម្រាប់មនុស្សស្រី។ រោគសញ្ញាទាំងអស់អាចនឹងប្រសើរទៅវិញ ពេលយើងប្រើថ្នាំផ្សះ។ បញ្ហារមាស់ស្បែក និងឈឺតាមសន្លាក់អាចកើតឡើងដោយសារតែផលវិបាកបង្ករឡើងដោយ Gonorrheae ប្រសិនបើយើងទុកវាចោល មិនព្យាបាល។
– ជំងឺស្វាយ (Syphilis)
អ្នកកើតជំងឺស្វាយ ឬឡើងកន្ទួលរមាស់លើប្រដាប់ភេទ រន្ធគូថ មាត់ ឬក្នុងបំពង់ក អាចចម្លងវាទៅកាន់ដៃគូរបស់ខ្លួនបាន។ គ្នាយើងណាកើតជំងឺស្វាយអាចមានដំបៅតែមិនសូវឈឺ ឬអាចឈឺត្រង់កន្លែងដែលបង្កររោគ មានឡើងកន្ទួលក្រហមលើបាតដៃ ឈឺនៅជើង ឬពោះ មានដុះស្បែកនៅលើបបូរយោនី ឬនៅជុំវិញរន្ធគូទ មានរោគសញ្ញាដូចជំងឺផ្ដាសាយមានដូចជា អស់កម្លាំង ឈឺក្បាល និងក្ដៅខ្លួន។ ដើម្បីព្យាបាលជំងឺស្វាយ យើងអាចប្រើថ្នាំផ្សះចាក់លើថ្ពាល់គូថ ឬប្រើថ្នាំផ្សះលេបមួយរយៈ។ ប្រសិនបើមិនបានព្យាបាលវាត្រឹមត្រូវ មេរោគនេះអាចនឹងរាលដាលទៅកាន់ផ្នែកផ្សេងទៀតលើដងខ្លួន ជាពិសេសគឺទៅកាន់ខួរក្បាល។
– ជំងឺប្រមេះទឹកថ្លា (Chlamydia)
អ្នកខ្លះអាចកើតជំងឺប្រមេះទឹកថ្លា ដោយសារការរួមភេទតាមមាត់ជាមួយដៃគូកើតជំងឺនេះ។ តំបន់ដែលអាចឆ្លងមេរោគបានមានដូចជាបំពង់ក ប្រដាប់ភេទ បំពង់បង្ហូរនោម និងរន្ធគូទ។ ភាគច្រើននៃការឆ្លងជំងឺប្រមេះទឹកថ្លា គឺមិនបង្ហាញរោគសញ្ញាឲ្យឃើញនោះទេ ប៉ុន្តែប្រសិនបើវាលេចចេញរោគសញ្ញា វាអាចមានដូចជា ឈឺបំពង់ក ធ្លាក់សតាមទ្វារមាស ឬតាមលិង្គ មានអារម្មណ៍ក្រហាយពេលនោម និងឈឺចាប់ ឬហើមលើលិង្គ។ ការព្យាបាលជំងឺនេះ គឺត្រូវប្រើប្រាស់ថ្នាំពេទ្យ។ ប្រសិនបើអ្នកជំងឺទុកវាចោលមិនព្រមព្យាបាល វាអាចបណ្ដាលឲ្យក្លាយទៅជាជំងឺធ្ងន់ធ្ងរ និងអាចចម្លងមេរោគនេះទៅកាន់កូស្នេហ៍បានថែមទៀតផង។
– រើម លើប្រដាប់ភេទ
វីរុស Herpes simplex (HSV) ប្រភេទទី១ និងប្រភេទទី២ គឺជាមូលហេតុចម្បងរបស់ជំងឺមួយនេះ។ ជំងឺរើម លើប្រដាប់ភេទអាចឆ្លងទៅមនុស្សម្នាក់ទៀតតាមរយៈការរួមភេទតាមមាត់។ ជំងឺមួយនេះបណ្ដាលឲ្យឈឺចាប់ ឬឡើងកន្ទួលរមាស់នៅជិត ឬនៅលើតំបន់មួយចំនួនមានដូចជា បបូរមាត់ មាត់ បំពង់ក តំបន់ប្រដាប់ភេទ រន្ធគូទ ទ្វារលាមក និងថ្ពាល់គូថ។ អ្នកកើតជំងឺ herpes លើប្រដាប់ភេទអាចមានបញ្ហាឈឺក្បាល ឬក្ដៅខ្លួនក្នុងដំណាក់កាលឆ្លងមេរោគចូលក្នុងខ្លួនដំបូង។ មិនទាន់មានថ្នាំសម្រាប់ព្យាបាលជំងឺរើម បាននៅឡើយទេ។ ប៉ុន្តែយើងអាចព្យាបាលដោយទប់ស្កាត់រោគសញ្ញារបស់វាដោយប្រើថ្នាំសម្លាប់វីរុស។
លើសពីនេះថែមទៀត មានមេរោគមួយចំនួនផ្សេងទៀតដែលមិនសូវឆ្លងតាមរយៈការរួមភេទតាមមាត់ មានដូចជាមេរោគអេដស៍ រលាកថ្លើមប្រភេទ A រលាកថ្លើមប្រភេទ B រលាកថ្លើមប្រភេទ C ជំងឺសិរមាន់លើប្រដាប់ភេទ និងជំងឺចៃលើថ្ងាស់ខាងក្រោម។
វិធីតែមួយដើម្បីទប់ស្កាត់ការចម្លងមេរោគតាមការរួមភេទតាមមាត់បាន គឺត្រូវរួមភេទដោយប្រើការការពារឲ្យបានត្រឹមត្រូវ។ ហើយវិធីការពារដែលអ្នកអាចប្រើមានដូចជា ស្រោមអនាម័យ និងថង់ពាក់ការពារមាត់ពេលរួមភេទ។ អ្នកដែលកើតជំងឺទាំងអស់ខាងលើមិនគួរបន្តរួមភេទឡើយ ប្រសិនបើមិនទាន់បានព្យាបាលខ្លួនឯងឲ្យជាសះស្បើយសិនទេនោះ។
អត្ថបទពាក់ព័ន្ធ៖
- បង្ការការឆ្លងរោគ រួមភេទហើយ កុំភ្លេចធ្វើរឿងសំខាន់នេះ
- រួមភេទពេលមករដូវ សុវត្ថិភាពអត់?
- រួមភេទញឹកញាប់ពេក ខ្លាំងៗពេក ប៉ះពាល់សុខភាពអត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Infection risks associated with oral sex. http://www.netdoctor.co.uk/conditions/sexual-health/a12020/infection-risks-associated-with-oral-sex/. Accessed April 19, 2017.
What infections can I catch through oral sex? http://www.nhs.uk/chq/Pages/970.aspx?CategoryID=118. Accessed April 19, 2017.
STD Risk and Oral Sex – CDC Fact Sheet. https://www.cdc.gov/std/healthcomm/stdfact-stdriskandoralsex.htm. Accessed April 19, 2017.
