home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

Chlamydia (តេស្តរកមើលមេរោគប្រមេះទឹកថ្លា)

និយមន័យ|ស្វែងយល់មុនធ្វើតេស្ត|ដំណើរការតេស្ត|លទ្ធផល
Chlamydia (តេស្តរកមើលមេរោគប្រមេះទឹកថ្លា)

និយមន័យ

១- អ្វី​ជា​តេស្ត​រក​​មើល​មេរោគ​ប្រមេះ​ទឹក​ថ្លា?

ការ​ធ្វើ​តេស្ត​ស្វែង​រកមេរោគ​​ប្រមេះទឹក​ថ្លា ​គឺ​ដើម្បី​កំណត់​មូលហេតុ​ច្បាស់លាស់​​នាំ​ឲ្យ​មាន​ជំងឺ​ប្រមេះ​ទឹក​ថ្លា ​ដែល​បង្ក​ឡើង​ដោយ​មេរោគ​ប្រមេះ​ម្យ៉ាង គេ​ស្គាល់​ថា Chlamydia។

នៅ​ក្នុង​ខ្លួន​មនុស្ស​យើង​មេរោគប្រមេះមាន​ច្រើន​ប្រភេទ​ ហើយ​សម្រាប់​មេរោគ​ប្រមេះឈ្មោះ Chlamydia Psittaci​ គឺ​វា​បង្ក​រោគ​នៅ​ផ្លូវ​ដង្ហើម អាច​​ឆ្លង​តាម​រយៈ​ការ​ប៉ះពាល់​សត្វ​បក្សី​​មាន​ជំងឺ។

មេរោគប្រមេះមួយ​ប្រភេទ​ទៀត​ ហៅថា Chlamydia Trachomatis​ ​ជា​មេរោគភាគ​ច្រើន​ឆ្លង​តាម​ការ​រួម​ភេទ​ ពិសេស​នៅ​ក្នុង​ប្រទេស​អភិវឌ្ឍន៍ ហើយ​មេរោគ​នេះ​បង្ក​រោគ​នៅ​លើ​ប្រដាប់​ភេទ​ ព្រម​ទាំង​ប្រស្រីភ្នែក​ បំពង់​អាហារ បង្ហួរ​នោម​ និង​រន្ធ​គូទ។

ប្រភេទ​ទី ២ ​នៃ​មេរោគ​ Chlamydia Trachomatis ​បង្កដោយ​​មេរោគ​ Trachoma​ ​ច្រើន​បណ្ដាល​ឲ្យ​អាច​បង្ការ​ពិការ​ភ្នែក។ មេរោគ​ប្រភេទ​នេះ​ ឆ្លង​ពី​ម្តាយ​ទៅ​គភ៌ តាម​រយៈ​​ការ​ប៉ះពាល់​ផ្ទាល់​ទៅ​លើ​​ទារក​ទើប​ចាប់​កំណើតតាម​​ទ្វារមាស​ ដោយ​ម្តាយ​បាន​ឆ្លង​មេរោគ​នេះ​អំឡុង​ពេល​រួម​ភេទ

មេរោគ​ប្រមេះ អាចជា​មូល​ហេតុ​ជំងឺ​រលាក​អាង​ត្រគាក ​ជាពិសេស​ក្នុង​ស្រទាប់​យុវវ័យ ខណៈស្រីៗភាគ​ច្រើន​ដែល​មាន​មេរោគ Chlamydia មិន​លេច​ចេញ​នូវ​រោគ​សញ្ញា​នោះ​ទេ។

​មាន​វិធី​ ២​យ៉ាង​ ក្នុង​ការ​ធ្វើ​តេស្ត​រក​មេរោគ​ប្រមេះនេះ ដូចជា៖

– វិធី​ទី​ ១៖ ធ្វើ​ការ​បណ្ដុះ​ជាលិកា​ចាប់​ពី​ក​ស្បូន​ និង​ទ្វារមាស​ ដើម្បី​កំណត់​ថា ​តើ​មាន​មេរោគ​ប្រមេះ ឬ​អត់?
– វិធី​ទី​ ២៖ ​ស្វែង​រក​អង់ទីករ​​ប្រឆាំង​នឹង​មេរោគ​ Chlamydia ​មាន​ក្នុង​រាងកាយ។ ការ​ធ្វើ​តេស្ត​នេះ ​អាច​ធ្វើ​បាន​ដោយ​ជូត​នឹង​សំឡី​ចេញ​ពី​មាត់​បង្ហួរ​នោម​ ក​ស្បូន ​ឬ​ទឹក​នោម។

២- ហេតុ​អ្វី​ចាំបាច់​ធ្វើ​តេស្ត​រក​មេរោគ​ប្រមេះទឹក​ថ្លា?

​ការ​ធ្វើ​តេស្ត​នេះ គឺ​នៅ​ពេល​យើង​សង្ស័យ​មាន​ឆ្លង​មេរោគ​នេះ ខណៈ​​គ្រូពេទ្យ​ ក៏​នឹង​តម្រូវ​ឲ្យ​យើង​ធ្វើ​តេស្ត​រក​មេរោគប្រមេះ​ទឹកថ្លា​ក្នុងករណី៖

– យើង ឬដៃ​គូ​មាន​រោគ​សញ្ញា​បង្ក​ដោយ​​មេរោគ​ប្រមេះទឹក​ថ្លា
– រួមភេទ​ដោយ​មិន​បាន​ការពារ​ជាមួយ​ដៃ​គូ​ថ្មី
– ស្រោម​អនាម័យ​រហែក
– យើង ឬ​ដៃ​គូ​ រួមភេទ​ជាមួយមនុស្ស​​មិន​គួរ​ទុក​ចិត្ត
– គិត​ថា​បាន​ឆ្លង​មេរោគ​តាម​ការ​រួម​ភេទ
– ដៃ​គូគិត​ថា​បាន​ឆ្លង​មេរោគ​តាម​ការ​រួម​ភេទ
– មាន​គភ៌ ​ឬ​ត្រៀម​ចង់​មាន​កូនរ
– អាង​ត្រគាក​មាន​ការ​រលាក​ ឬ​មាន​ជំងឺ​ទាក់ទង​នឹង​ទ្វារមាស។

ស្វែងយល់មុនធ្វើតេស្ត

៣- គួរ​ដឹង​អ្វី​ខ្លះ​មុន​នឹង​ធ្វើ​តេស្ត​រក​មេរោគ​ប្រមេះទឹក​ថ្លា?

បើ​ធ្វើ​តេស្ត​ដោយ​ប្រើ​គំរូ​ទឹក​នោម​ យើង​នឹង​មាន​សុវត្ថិភាព​ពេញលេញ​ ​គ្មាន​ផល​វិបាក​ក្រោយ​ការ​ធ្វើ​តេស្ត​អ្វី​ទាំង​អស់។ តែ​ប្រសិន​បើ​ធ្វើ​តេស្ត​នៅ​លើ​ក​ស្បូន​ មាត់​បង្ហួរ​នោម ​រន្ធ​គូទ​ ភ្នែក ​ឬ​បំពង់​ក អាច​នឹង​មាន​ផល​វិបាក​មួយ​ចំនួន​មិន​អាច​ចៀស​បាន។

សម្រាប់​ករណី​កម្រ​វិញ ​អាច​សន្លប់​ដោយ​សារ​តែ​ភ័យ​ខ្លាច​ពេក ​ឬ​រង​សម្ពាធ​ខ្លាំង​ពេក ​នៅ​ពេល​គ្រូពេទ្យ​ចាប់​ផ្ដើម​យក​ដាក់​សំឡី​ជូត​យក​គំរូ​សម្រាប់​ធ្វើ​តេស្ត​នៅ​ក្នុង​មាត់​បង្ហួរ​នោម។

កត្តា​អាច​ប៉ះពាល់​ដល់​លទ្ធផល​តេស្ត​រួមមាន៖

– មក​រដូវ
– ​មាន​ជំងឺ​ត្រូវ​ព្យាបាល​ជាមួយ​ថ្នាំ​ផ្សះ

ការ​ធ្វើ​តេស្ត​នេះ ​សំខាន់​បំផុត យើង​ត្រូវ​យល់​អំពី​ហានិភ័យ ​និង​ផល​វិបាក​ជា​មុន ហើយ​បើ​មាន​សំណួរ​ សូម​ជួប​ពិគ្រោះ​ជាមួយ​គ្រូពេទ្យ​ជំនាញ​ ឬ​គ្រូពេទ្យ​វះកាត់​សម្រាប់​ព័ត៌មាន​បន្ថែម។

ដំណើរការតេស្ត

៤- តើ​គួរ​ត្រៀម​អ្វី​ខ្លះមុន​ធ្វើ​តេស្ត​មេរោគប្រមេះទឹក​ថ្លា?

​ការ​ធ្វើ​តេស្ត​នេះ​ គ្រូពេទ្យ​នឹង​ប្រើ​គំរូ​ទឹក​នោម ​ឬ​សារធាតុរាវ​ពី​កន្លែង​ផ្សេងៗ​នៃ​រាងកាយ ដើម្បី​យក​ទៅ​ពិនិត្យ។ ជា​ទូទៅ​ការ​យក​គំរូ​សម្រាប់​ការ​ធ្វើ​តេស្ត​ អាស្រ័យ​ទៅ​លើ​កន្លែង​បង្ក​រោគ។ បើយើង​​ប្រើ​គំរូ​ទឹក​នោម​សម្រាប់​ធ្វើ​តេស្ត​ គឺ​មិន​ត្រូវ​នោម​ ២​ម៉ោង​ មុន​នឹង​ធ្វើ​តេស្ត​នោះ​ទេ។ ​បើយក​គំរូ​ចេញ​ពី​ក​ស្បូន​ មិន​គួរ​ប្រើ​ថ្នាំ​ ឬ​ជែល​លាប​លើ​ក​ស្បូន​ក្នុង​រយៈ​ពេល​២៤​ម៉ោង​ មុន​ធ្វើ​តេស្ត​នោះដែរ។

៥- មាន​អ្វី​កើត​ឡើង​អំឡុង​ពេល​ធ្វើ​តេស្ត?

គ្រូពេទ្យ​ នឹង​ធ្វើ​ការ​បូម​ឈាម​ សម្រាប់​ជា​គំរូ​ក្នុង​ការ​ធ្វើ​តេស្ត​ ដោយ​ដាក់​ចូល​ទៅ​ក្នុង​បំពង់​គម្រប​ពណ៌​ក្រហម។ ​បើ​​ត្រូវ​ការ​ធ្វើ​តេស្ត Serological​ ដើម្បី​ធ្វើ​រោគ​វិនិច្ឆ័យ​ពី​ការ​ឆ្លង​មេរោគ​ស្រួច​ស្រាល ​គ្រូពេទ្យត្រូវ​ការ​គំរូ​បន្ថែម​ក្រោយ ​២-​៣ សប្ដាហ៍។

សម្រាប់​ការ​យក​គំរូ​ក្នុង​ប្រស្រីភ្នែក ​គ្រូពេទ្យ​នឹង​ប្រើ​សំឡី​ជូត​នៅ​លើ​កន្លែង​​របួស​ភ្នែក​ ឬ​ប្រើ​សំឡី​សម្លាប់​មេរោគ ​រួច​ជូត​ទៅ​លើ​ស្នាម​ប្រឡាក់​លើ​បន្ទះ​មីក្រូទស្សន៍។

គ្រូពេទ្យ​នឹង​ធ្វើ​ការ​បណ្ដុះ​ជាលិកា​បាក់តេរី​ចេញ​ពី​កំហាក​ ក្នុង​ករណី​មាន​ការ​ឆ្លង​មេរោគ ​Chlamydia Psittaci ​នៅ​ក្នុង​បំពង់​ដង្ហើម។

​បើ​ត្រូវ​ការ​បណ្ដុះ​ជាលិកា​បាក់តេរី​នៅ​ក្នុង​ក​ស្បូន​ គ្រូពេទ្យ​នឹង​ធ្វើ​តាម​ជំហាន​ខាង​ក្រោម​ដូចជា៖

– យើង​មិន​ត្រូវ​បាញ់​លាង​ក្នុង​ប្រដាប់​ភេទ​ និង​ងូត​ទឹក​ មុន​គ្រូពេទ្យ​ធ្វើ​ការ​បណ្ដុះ​ជាលិកា​បាក់តេរី​ក្នុង​ក​ស្បូន​នោះ​ទេ
– គ្រូពេទ្យ​នឹង​តម្រូវគេង​ដើម្បី​ឲ្យធូរ​ស្រាល
– គ្រូពេទ្យ​នឹង​ប្រើ​ប្រដាប់​ពង្រីក​ទ្វារមាស​ ដើម្បី​មើល​ឲ្យ​ឃើញ​ក​ស្បូន
– គ្រូពេទ្យ​នឹង​លាង​សម្អាត​សារធាតុ​រាវ​ក្នុង​ក​ស្បូន
– គ្រូពេទ្យ​នឹង​ប្រើ​សំឡី​​សម្លាប់​មេរោគ​រួច​ ​ជូត​យក​គំរូ​ធ្វើ​តេស្ត​ក្នុង​រយៈ​ពេល​ ៣០​ វិនាទី។

បើ​ត្រូវ​ការ​បណ្ដុះ​ជាលិកា​បាក់តេរី​ចេញ​ពី​មាត់​បង្ហួរ​នោម​ គ្រូពេទ្យ​នឹង​ធ្វើ​តាម​ជំហាន​ខាង​ក្រោម​ដូចជា៖

– គ្រូពេទ្យ​នឹង​យក​គំរូ​ធ្វើ​តេស្ត​មុន​យើងនោម
– គ្រូពេទ្យ​នឹង​យក​គំរូ​ ដោយ​ប្រើ​សំឡី​សម្លាប់​មេរោគ ​រួច​ជូត​ក្នុង​មាត់​បង្ហួរ​នោម​ ក្នុង​ប្រវែង ​៣-៤​ សង់ទីម៉ែត្រ។

គ្រូពេទ្យ​ត្រូវ​ការ​រយៈ​ពេល​ប៉ុន្មាន​នាទី​ ក្នុង​ការ​យក​គំរូដើម្បី​ធ្វើ​តេស្ត។ ហេតុនេះ ត្រូវ​អត់ធ្មត់ ​និង​សហការជា​មួយ​ពេទ្យ​ឲ្យ​បាន​ល្អ ព្រោះ​អំឡុង​ពេល​យក​គំរូ​ធ្វើ​តេស្ត យើង​អាច​មាន​ការ​ពិបាក​ក្នុង​ខ្លួន​បន្តិច​បន្តួច។

៦- មាន​អ្វី​កើត​ឡើង​ក្រោយ​ធ្វើ​តេស្ត?

បើ​គ្រូពេទ្យ​សង្ស័យ​ថា​ យើងមាន​មេរោគ​ប្រមេះ​ទឹក​ថ្លា យើង​មិន​ត្រូវ​រួមភេទ​រហូត​ដល់​ពេល​ធ្វើ​តេស្ត​រួចរាល់ និង​ទទួល​បាន​លទ្ធផល​តេស្ត​សិន។

បើ​លទ្ធផល​បញ្ជាក់​ថា យើង​​មាន​ឆ្លង​មេរោគ​ គ្រូពេទ្យ​នឹង​ព្យាបាល​ជាមួយ​ថ្នាំ​ផ្សះ​ ហើយ​មិន​ត្រូវ​រួមភេទ​រយៈ​ពេល ​៧​ថ្ងៃ​អំឡុង​ពេល​រ​ព្យាបាល ខណៈ​ដៃ​គូ​យើង ត្រូវ​ធ្វើ​ការ​ព្យាបាល​ដែរ​ ព្រោះ​អាច​មាន​ការ​ឆ្លង​រោគ។

បើ​យើង​មាន​ផ្ទុក​មេរោគប្រមេះទឹក​ថ្លា ​អាច​ប្រឈម​ការ​ឆ្លង​ជំងឺតាម​ការ​រួមភេទ​ជា​បន្ត​បន្ទាប់។ ហេតុ​នេះ​គ្រូពេទ្យ​នឹង​តម្រូវ​ឲ្យ​​ធ្វើ​តេស្ត Screening​ សម្រាប់​ជំងឺ​ឆ្លង​តាម​ការ​រួមភេទ ​រួមមាន ជំងឺ​ស្វាយ ​ប្រមេះទឹក​បាយ​ និងជំងឺ​អេដស៍​ ជាដើម។

អត្ថបទ​ពាក់​ព័ន្ធ៖

លទ្ធផល

៧- ​លទ្ធផល​តេស្ត

លទ្ធផល​ធម្មតា

– សម្រាប់​ការ​ធ្វើ​តេស្ត​បណ្ដុះ​មេរោគ​ដាច់​ដោយ​ឡែក៖ មិន​អាច​រក​ឃើញ។

– សម្រាប់​ការ​ធ្វើ​តេស្ត​អង់ទីករ៖

  • Chlamydophila pneumoniae
    IgG <១:៦៤
    IgM <១:១០
  • Chlamydophila psittaci
    IgG <១:៦៤
    IgM <១:១០
  • Chlamydia trachomatis
    IgG <១:៦៤
    IgM <១:១០

លទ្ធផល​មិន​ប្រក្រតី (មាន​ឆ្លង​មេរោគ)

ដោយ​អាស្រ័យ​ទៅ​តាម​មន្ទីរ​ពិសោធន៍ ​និង​មន្ទីរ​ពេទ្យ​ កម្រិត​ធម្មតា​សម្រាប់​ការ​ធ្វើតេស្ត​រក​មេរោគ​ប្រមេះទឹក​ថ្លា ​ អាច​មាន​ការ​ប្រែប្រួល ​ដូចនេះ​​គួរ​តែ​ពិគ្រោះ​យោបល់​ជាមួយ​គ្រូពេទ្យ​​ សម្រាប់​ចម្ងល់​​លើ​លទ្ធផល​ក្រោយ​ការ​ធ្វើ​តេស្ត។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត​ សូម​ពិគ្រោះ​ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា ​មិន​ធ្វើ​រោគវិនិច្ឆ័យ ​ឬ​​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Diarrhea: Causes, Symptoms and Treatments. http://www.medicalnewstoday.com/articles/158634.php. Accessed June 12, 2016.

What causes diarrhea? http://www.healthline.com/symptom/diarrhea. Accessed June 12, 2016.

Diarrhoea. http://www.nhs.uk/Conditions/Diarrhoea/Pages/Treatment.aspx. Accessed June 12, 2016.

រូបថត​របស់​អ្នក​និពន្ធ
អត្ថបទដោយ យ៉ានណែត​ នីគែល នៅ 27/08/2019
ត្រួតពិនិត្យ​ដោយ វេជ្ជ. ចាន់ ស៊ីណេត
x