home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

បើអត់កូនដោយសារខាងប្រុស មានថ្នាំជួយបានអត់?

បើអត់កូនដោយសារខាងប្រុស មានថ្នាំជួយបានអត់?

បច្ចុប្បន្ន បញ្ហា​អត់​កូន ​ប្តី​ប្រពន្ធ​​ច្រើន​កំពុង​ជួប​ប្រទះ ហើយ​ក៏​កំពុង​ព្រួយ​បារម្ភ​ខ្លាំង​ ជា​ហេតុ​ផល​អ្នក​វិទ្យាសាស្តព្យាយាមស្វែង​រកវិធី​​ថ្មីៗ ដើម្បីជួយ​ដោះ​ស្រាយ​បញ្ហា​​នេះ។ ក្នុង​ចំណោម​វិធី​ព្យាបាល​បញ្ហា​អត់​កូន ក៏​រាប់​បញ្ចូល​ទាំង​ការ​ប្រើ​ថ្នាំ​ ​អាស្រ័យ​លើ​មូលហេតុ​ មក​ពី​ខាង​ប្រុស ឬ​ខាងស្រី។

១- អ្វីជាថ្នាំបង្កកំណើតសម្រាប់ប្រុសៗ?

ក្នុង​ចំណោម​ស្ថានភាព​ជំងឺ​អត់​កូន (ជំងឺ​អារ) ​របស់​ប្រុសៗ​ទាំង​អស់ មាន​តែ​ជំងឺ Secondary hypogonadism (បញ្ហាអតុល្យភាព​អ័រម៉ូន​បង្ក​កំណើត) ប៉ុណ្ណោះ ដែល​អាច​ព្យាបាល​ដោយ​​ប្រើ​ថ្នាំ​បាន។ ​ក្នុង​ករណីប្រុសៗ​​មាន​ជំងឺ​គ្មាន​កូន​ទាំង​អស់ ក៏​មាន​តែ​ ២% ប៉ុណ្ណោះ​ ជា​ជំងឺ Secondary Hypogonadism នេះ​ឯង។

ស្រដៀង​គ្នា​នឹងជំងឺ​អារ​លើ​ស្រីៗ​ដែរ ប្រុសក៏​ត្រូវ​ការតុល្យភាព​អ័រម៉ូន​ ដើម្បី​ផលិត​មេជីវិត​ឈ្មោះ (ស្ពែម) មាន​សុខភាព​ល្អ ខណៈប្រុសៗ​មាន​ជំងឺ Secondary hypogonadism ក្រពេញ​អ៊ីប៉ូតាឡាមុស​ ឬ​អ៊ីប៉ូភីស​ មិនអាច​ដំណើរការ​ប្រក្រតី​ទេ នាំ​ឲ្យ​មាន​ការ​ផ្លាស់​ប្តូរ​អ័រម៉ូន​ ជះ​ឥទ្ធិពល​ដល់​ការ​ផលិត​អ័រម៉ូន​តេស្តូស្តេរ៉ូន​ និង​ស្ពែម។ នេះ​ហើយ ជា​មូល​ហេតុ​នាំ​ឲ្យជំងឺ​នេះ​ ធ្វើ​​ឲ្យ​ទឹក​កាមប្រុសៗ ​មាន​ចំនួន​មេ​ជីវិត​​តិច ​ឬ​គ្មាន​សោះតែ​ម្តង។

ចំណុច​ខ្សោយ​មួយ​ ក្នុង​​ការ​ព្យាបាល​ស្ថានភាព​អត់កូន​ចំពោះ​ប្រុសៗដោយ​ប្រើ​ថ្នាំ គឺថ្នាំ​មិន​មាន​ប្រសិទ្ធភាព​ ដូច​ថ្នាំ​ប្រើ​ចំពោះស្រី​នោះ​ទេ។ លើស​ពី​នេះ​ ថ្នាំ​ភាគ​ច្រើន​ មិនបាន​ទទួល​ស្គាល់​ពី​ រដ្ឋបាល​ចំណី​អាហារ ​និង​ឱសថ របស់​​អាមេរិក​ (FDA) ថែម​ទៀត​ផង។

២- ថ្នាំ​បង្ក​កំណើត​សម្រាប់​ប្រុសៗ​ដំណើរ​ការ​ម៉េច​វិញ?

ដោយសារ​ ទាំងប្រុសៗ ​និងស្រីៗ ​មាន​អ័រម៉ូន​គ្រប់គ្រង​ការ​បង្ក​កំណើត​ដូច​គ្នា ថ្នាំ​បង្ក​កំណើត​ដែល​ភ្ញោច​ការ​បញ្ចេញ​អូវុល (មេជីវិត​ញី)​ ក៏​អាច​ជម្រុញ​ការ​ផលិត​មេជីវិតឈ្មោះ​បាន​ដែរ។​ ថ្នាំ​ទាំង​នោះ​រួម​មាន Clomiphene citrate, Human chorionic gonadotropin (hCG) និង Guman menopausal gonadotropin (hMG)។ ថ្នាំ Clomiphene អាច​ភ្ញោច​ក្រពេញ​អ៊ីប៉ូភីស​ ឲ្យ​បញ្ចេញ​អ័រម៉ូន​ ដែល​បញ្ជាពង​ស្វាស​ឲ្យ​ផលិត​អ័រម៉ូន​តេស្តូស្តេរ៉ូន​ និង​មេជីវិត​ ខណៈថ្នាំ hCG ក៏​ជម្រុញ​ឲ្យ​មាន​សកម្មភាព​នេះ​ដូច​គ្នា។

ករណី​​ខ្លះ វិធី​​ព្យាបាល​ដោយ​ប្រើ​ថ្នាំ​ ក៏​អាច​លាយ​បញ្ចូល​គ្នា ​ជាមួយ​ការ​ព្យាបាល​ពី​ខាង​ក្រៅ​ផ្សេង​ទៀត​ ដូច​ជា​ផ្លាស់​ប្តូរ​ទម្លាប់រស់​នៅ ការ​វះកាត់ និង​វិធី​ជំនួយ​ការ​បង្ក​កំណើត​ផ្សេង​ៗ។

៣- ថ្នាំ​បង្ក​កំណើត​ប្រុសៗ​ជម្រុញ​ឱកាស​មាន​កូន​បាន​ប៉ុនណា?

ចំនួន​មេជីវិត​ឈ្មោល ក្នុង​កម្រិត​ប្រក្រតី ​គឺមាន​​ចាប់​ពី ១៥ លានមេជីវិត/​មីលីលីត្រ​ទឹក​កាម។ បើ​ប្រុសៗ មាន​ចំនួន​មេជិវិត​តិច​ជាង​នេះ ត្រូវ​ចាត់​ទុក មាន​​បញ្ហា​ខ្វះ​មេ​ជីវិត​ឈ្មោល ឬ​អសមត្ថភាព​បង្ក​កំណើត​តែ​ម្តង។ ជាមួយ​គ្នា​នេះ ថ្នាំ​បង្ក​កំណើត ពេល​ខ្លះ​អាច​ជួយ​បង្កើន​ចំនួនមេជីវិត​ឈ្មោះ ​ដល់​កម្រិត​មួយ​ ក្បែរ​កម្រិត​ប្រក្រតី។ យ៉ាងណា​មិញ​ យើង​មិន​អាច​សន្មត់​ថា វិធី​ព្យាបាល​នេះ ​ទទួល​បាន​ជោគជ័យរហូតដែរ ហើយ​ខាង​ក្រោម​នេះ ​ជា​ដំណើរ​ការ នៃថ្នាំ​ព្យាបាល​បញ្ហា​អត់​កូន​សម្រាប់​ប្រុសៗ៖
– ថ្នាំ Clomiphene៖ ទោះ​បី​ជា​មាន​ការ​សិក្សា ពី​ប្រសិទ្ធភាពថ្នាំ​នេះ​ក៏​ដោយ តែ​ការ​សិក្សា នៅ​មាន​កម្រិត​ទាប ​ហើយ​លទ្ធផល ​ក៏​ពុំ​ទាន់​ច្បាស់​លាស់​ ដើម្បី​ធ្វើ​​ការ​សន្និដ្ឋាន​ដែរ។ ការ​សិក្សាខ្លះ​បង្ហាញ​ការ​រីកចម្រើន​តិចតួច ឯ​ខ្លះ​ទៀត​ក៏​គ្មាន​លទ្ធផល។ ជាទូទៅ ​គ្រូពេទ្យ​មិន​ណែនាំ​ថ្នាំ​នេះ​ទេ តែ​ដើម្បី​ភាព​ងាយ​ស្រួល សុវត្ថិភាព តម្លៃ​ធូរ​ថ្លៃ ពេល​ខ្លះ​ពេទ្យ ​ក៏​អាច​ចេញ​វេជ្ជ​បញ្ជាថ្នាំ Clomiphene ឲ្យ​យើង​ប្រើ​។

– ថ្នាំ Gonadotropins៖ Gonadotropins hCG និង hMG បាន​បង្ហាញ​លទ្ធផល​ច្បាស់​ជាង​ថ្នាំ​ផ្សេងៗ ​និង​ទទួល​បាន​ការ​ឆ្លើយ​តប​វិជ្ជមាន​ពី​សំណាក់អ្នក​ជំនាញ​ ពាក់ព័ន្ធ​ប្រសិទ្ធ​ភាពរ​ព្យាបាល​ជំងឺ Secondary hypogonadism តែ​យើង​ត្រូវ​ចំណាយ​ពេល​យូរ​បន្តិច​ ដើម្បី​ទទួល​បាន​លទ្ធផល។ ៩០% ប្រុសៗ​ប្រើថ្នាំ​នេះ​ព្យាបាល ​ឃើញ​មាន​ការ​រីកចម្រើន​ផលិតចំនួន​មេជីវិត​ឈ្មោល។ ការ​សិក្សា ​ក៏​បាន​បង្ហាញ​ដែរថា​ ការ​ប្រើថ្នាំ Gonadotropins hCG និង hMG ក្នុង​រយៈពេល ៧ខែ ប្រុសៗ​មាន​ជំងឺ Secondary hypogonadism និង Azoospermia (ជំងឺមេជីវិត​ឈ្មោលទាល់​តែ​សោះ) ចាប់​ផ្តើម​មាន​ចំនួនមេជីវិត​​ក្នុង​ទឹក​កាម ហើយ​ត្រូវ​ចំណាយ​ពេល​ប្រមាណ ២៨ខែ​ ដើម្បី​អាចយក​កូន​បាន​សម្រេច។

អត្ថបទពាក់​ព័ន្ធ៖

  • តិចនិកជួយទឹកកាមមានសុខភាពល្អ អត្រាមានកូនកាន់តែខ្ពស់
  • ចូលចិត្តប្រើដៃ ឆាប់បាក់កម្លាំង និងអត់មានកូន?

៤- ការ​ព្យាបាល​ដោយ​ប្រើ​ថ្នាំ​បង្ក​កំណើត​លើ​ប្រុសៗ មាន​ផល​រំខាន​អ្វី​ខ្លះ?

សម្រាប់ប្រុសៗ ផលរំខាន​របស់ថ្នាំបង្ក​កំណើត​សម្រាប់​ប្រុសៗ មានដូចជា៖

– ថ្នាំ Clomiphene៖ ថ្នាំនេះ មិន​សូវ​ជា​ធ្ងន់ធ្ងរ​ទេ ដោយ​ផល​រំខាន​មាន​ដូច​ជា៖

  • ចង្អោរ
  • ឈឺ​ក្បាល
  • ប្រែប្រួល​គំហើញ
  • ឡើងទម្ងន់
  • ប្រែ​ប្រួល​ចំណង់​ផ្លូវ​ភេទ
  • វិល​មុខ
  • សុដន់​រីក​ធំ។

– ថ្នាំ Gonadotropins៖ ថ្នាំ​នេះ ក៏​មាន​ផល​រំខាន​​មួយ​ចំនួនដែរ ​ដូច​ជា៖

  • ឈឺ​នៅ​កន្លែង​ចាក់​ថ្នាំ
  • សុដន់​រីក​ធំ
  • ឡើង​មុន
  • ប្រែប្រួល​ចំណង់​ផ្លូវ​ភេទ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូមពិគ្រោះ និងប្រឹក្សាយោបល់​ផ្ទាល់​ជាមួយ​គ្រូពេទ្យ​ជំនាញ។
Hello health Group មិន​ចេញវេជ្ជ​បញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Fertility drugs for men. https://www.babycenter.com/0_fertility-drugs-for-men_4090.bc Accessed May 29, 2017.

រូបថត​របស់​អ្នក​និពន្ធbadge
ដោយ Leng Pechsovatey កែសម្រួល​ចុងក្រោយ 02/12/2019
ត្រួតពិនិត្យដោយ គឹម កាណែល