សម្រាប់ចាស់ៗខ្មែរយើងតែងហាមម៉ាក់ៗក្រោយសម្រាលកូនរួច មិនឲ្យញ៉ាំម្ហូបអាហារមានរសជាតិជូរៗឡើយ ដោយអះអាងថាញ៉ាំហើយអាចធ្វើឲ្យយើងលេចនោមដោយមិនដឹងខ្លួន ពេលឈានដល់វ័យចំណាស់បន្តិច។ ការលេចទឹកនោមនោះ អ្នកខ្លះសូម្បីតែសើច និងឈឺនោមល្មមៗ ក៏ជ្រាបមកដែរ។

ប៉ុន្តែបើតាមអ្នកស្រី ស លីដា ដែលទៅរស់នៅប្រទេសបារាំង និងសម្រាលកូនទៅនោះបានឲ្យដឹងថា គាត់ក៏ធ្លាប់ឮចាស់ៗនិយាយបែបនោះដែរ។ តែពេលទៅរស់នៅទីនោះ និងសម្រាលកូនបាន ៤ នាក់ទើបស្ត្រីវ័យ ៣៥ ឆ្នាំដឹងថា បញ្ហាលេចនោមមិនមែនមកពីការញ៉ាំជូរឡើយ ពេទ្យនៅប្រទេសអឺរ៉ុបបានប្រាប់មក បញ្ហានេះមកពីយើងសម្រាលកូនដោយធម្មជាតិ និងប្រឹងដើម្បីឲ្យកូនចេញ ទើបប្រដាប់បន្តពូជមានសភាពមិនដូចមុន តាំងពីខាងក្នុងមកដល់ខាងក្រៅ។

ស្ត្រីដែលបានចូលសញ្ជាតិបារាំងរូបនេះបានបន្តទៀតថា នៅប្រទេសជឿនលឿនមួយនេះក៏មានករណីម៉ាក់ៗលេចនោមមិនដឹងខ្លួនដែរ ហើយខ្លួនគាត់ក៏ជួបបញ្ហានេះដែរ គ្រាន់តែពេទ្យនៅទីនោះមានវិធីព្យាបាល៖ “កូនបងកើតដោយធម្មជាតិ ៣ និងដោយវះកាត់១ ហើយពេលសម្រាលកូនហើយ ពេទ្យបានប្រាប់ឲ្យយើងទៅហាត់ប្រាណ ហើយហាត់តែផ្នែកយោនីនេះឯង ដោយឲ្យខ្ជឹបលាៗមួយថ្ងៃប្រហែល ៥ នាទី”។

លីដា បានបញ្ជាក់ទៀតថា មិនមែនតែលំហាត់ប្រាណបែបនោះមួយមុខទេ ពេលយើងឈរ ដេកដើរ អង្គុយត្រូវខ្ជឹបជើង និងប្រឹងត្បៀតទប់ ហើយបើមានជំងឺក្អក ឬកណ្ដាស់រឹតតែត្រូវប្រឹងទប់ឲ្យលើសពីពេលធម្មតា។ អ្នកស្រីបន្តទៀតថា សម្រាប់នៅខ្មែរគាត់មិនដឹងថា ពេទ្យប្រាប់បែបនេះដែរឬទេ តែគាត់តែងតែណែនាំបងប្អូនស្រីៗឲ្យធ្វើតាមខ្លួន ព្រោះវាមិនត្រឹមជួយមិនឲ្យលេចនោមប៉ុណ្ណោះទេ វាថែមទាំងជួយឲ្យប្រដាប់បន្តពូជតឹងណែនល្អដូចកាលនៅក្មេងដែរ។

វេជ្ជបណ្ឌិត ចាន់ ស៊ីណេត - ជំងឺហឺត — វេជ្ជបណ្ឌិត ចាន់ ស៊ីណេត ឯកទេសជំងឺទូទៅ

លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅក៏បានលើកឡើងអំណះអំណាងស្រដៀងគ្នានេះដែរថា ស្រីៗសម្រាលកូនតាមធម្មជាតិជួបករណីនេះច្រើន ដោយសារពេលសម្រាលកូន ម៉ាក់ៗខំប្រឹងកើតកូន នាំឲ្យខ្សោយសាច់ដំុនៅអាងត្រគាក រងរបួសនៅម្តុំអាងត្រគាកពេលសម្រាលកូន មានកូនច្រើនដង រលាកប្លោកនោម និងវ័យចាស់ជាដើម។ ទាំងអស់នេះសុទ្ធតែជាមូលហេតុធ្វើឲ្យស្រីៗលេចនោមមិនដឹងខ្លួន។

អត្ថបទពាក់ព័ន្ធ៖ មូលហេតុទាំងនេះហើយ ទើបស្រីៗសម្រាលកូនរួចមានបញ្ហាផ្លូវចិត្ត

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ពេល​ចាស់ទៅ​ស្រី​ៗ​លេច​នោម មិនមែន​មកពីពេល​កូន​ខ្ចី​ញ៉ាំ​ជូរ​ទេ តែ​មកពី...

ពេលចាស់ទៅស្រីៗលេចនោម មិនមែនមកពីពេលកូនខ្ចីញ៉ាំជូរទេ តែមកពី...