៤ ចំណុចគួរចៀសវាង ពេលស្រីៗធ្វើអនាម័យកន្លែងសម្ងាត់

    ៤ ចំណុចគួរចៀសវាង ពេលស្រីៗធ្វើអនាម័យកន្លែងសម្ងាត់

    ស្រីៗ​ធ្វើ​អនាម័យ​កន្លែង​សម្ងាត់​ឲ្យ​បាន​ទៀង​ទាត់ និង​ត្រឹម​ត្រូវ​តាម​ក្បួន​ពេទ្យ អាច​បង្ការ​ពី​ការ​កើត​រោគ​ផ្សិត មិន​ធុំ​ក្លិន​អាក្រក់ កាន់​តែ​មាន​ទំនុក​ចិត្ត​ថែម​ទៀត។ ៤ ចំណុច​ខាងក្រោម​នេះ ជា​ប្រការ​គួរ​ចៀស​​វាង ពេល​ធ្វើ​អនាម័យ​ទ្វារ​មាស។

    ១- ប្រើ​ទឹក​អនាម័យ​មាន​កម្រិត PH ខ្ពស់​

    ជា​ធម្មតា​ប្រដាប់​ភេទ​ស្រីៗ​​មាន​​ច្រើន​​ស្រទាប់ ងាយ​នឹង​ឆ្លង​មេរោគ ឬ​បាក់តេរី ធ្វើ​ឲ្យ​មាន​ក្លិន បើ​យើង​មិន​បាន​ធ្វើ​អនាម័យ​ទៀង​ទាត់​ទេ​នោះ។ យើង​ត្រូវ​លាង​សម្អាត​ទ្វារមាស​ជា​ប្រចាំ ២ដង/ថ្ងៃ ដោយ​ទឹក​ស្អាត ទឹក​ក្តៅ​ឧណ្ហៗ ឬ​ទឹក​អនាម័យ តែ​ត្រូវ​ជ្រើស​រើស​ទឹក​អនាម័យ​ដែល​មាន​កម្រិត PH ទាប ចន្លោះ​ពី ៣,៨-៤,៨។

    ២-ប្រើ​ផលិត​ផល​បំបាត់​ក្លិន

    ដោយ​ហេតុ​ថា ទ្វារមាស​ឆាប់​មាន​ក្លិន ទើប​ស្រីៗ​មួយ​ចំនួន​ប្រើ​ម្សៅ ឬ​ផលិត​ផល​បំបាត់​ក្លិន​យក​មក​លាប ដើម្បី​ឲ្យ​មាន​ក្លិន​ក្រអូប តែ​ការ​ធ្វើ​បែប​នេះ​ត្រឹម​ត្រូវ​ឡើយ ព្រោះ​អាច​ឆ្លង​មេរោគ​ផ្សិត​ទៅ​វិញ​ទេ។ ទ្វារមាស​មាន​ក្លិន​តិច​តួច​ជា​រឿង​ធម្មតា លើក​លើង​តែ​មាន​​ធ្លាក់​ស​ធុំ​ក្លិន​​ឆ្អាប​ខ្លាំង ឬ​ស្អុយ នោះ​​ទើប​​មាន​ការ​បង្ក​រោគ ត្រូវ​ប្រញាប់​ទៅ​ជួប​គ្រូពេទ្យ។

    អត្ថបទពាក់ព័ន្ធ៖

    ៣-ប្រើ​សាប៊ូ​ដើម្បី​លាង​សម្អាត

    សាប៊ូ​មាន​ក្លិន​ក្រអូប និង​ជាតិ​កាត់​ខ្លាំង ធ្វើ​ឲ្យ​បាត់​បង់​បាក់តេរី​ល្អ ដែល​មាន​តួនាទី​ផ្សើម​ទ្វារមាស ការពារ​ការ​ឆ្លង​មេរោគ​ផ្សេងៗ។ អាច​ប្រើ​ម្តង​ម្កាល​ប៉ុណ្ណោះ ចំពោះ​សាប៊ូ​ដែល​មាន​ក្លិន​ស្រាល ឬ​មាន​ជាតិ​កាត់​តិច។

    ៤-ប្រើ​ក្រដាស​អនាម័យ​មាន​ក្លិន​ក្រអូប

    ការ​ប្រើ​ក្រដាស​អនាម័យ​ដើម្បី​ជូត​សម្អាត​ទ្វារមាស ក៏​ត្រូវ​តែ​ប្រយ័ត្ន​ដែរ មិន​ត្រូវ​ប្រើ​ក្រដាស​អនាម័យ​ដែល​មាន​ក្លិន​ក្រអូប​ខ្លាំង​នោះ​ទេ ឯ​ប្រភេទ​ក្រដាស​អនាម័យ​ផុយ​/ហុយ​ខ្លាំង ឬ​រឹង​ខ្លាំង​ពេក​ក៏​គួរ​ចៀស​វាង​ដែរ។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 19/08/2019
    ត្រួតពិនិត្យដោយ វេជ្ជ. ចាន់ ស៊ីណេត