ហើមពោះគឺជាអាការៈទូទៅ ដែលប៉ះពាល់ដល់មនុស្សគ្រប់វ័យទាំងអស់ ប៉ុន្តែ វាកើតមានកាន់តែញឹកញាប់នៅពេលដែលយើងមានវ័យកាន់តែចាស់ ដោយសារតែការប្រែប្រួលផ្នែកសំខាន់ៗនៃរាងកាយ។

មូលហេតុអ្វីបានជាអាការៈហើមពោះ មានទំនាក់ទំនងនឹងវ័យចំណាស់?

១. ធ្វើមេតាប៉ូលីសយឺត

នៅពេលដែលយើងមានវ័យកាន់តែច្រើន ការធ្វើមេតាប៉ូលីសក៏យឺតយ៉ាវដូចគ្នា ដែលកត្តានេះជំរុញឲ្យចលនាក្រពះពោះវៀនមានភាពយឺតយ៉ាវ ។ ប្រសិនបើចលនានេះថយចុះ បរិមាណហ្គាសដែលយើងផលិតនឹងនៅដដែល ប៉ុន្តែអត្រានៃការកម្ចាត់ចោលហ្គាសនឹងថយចុះ ហើយក្នុងករណីដែលយើងមិនបញ្ចេញហ្គាស ឲ្យបានឆាប់រហ័សដូចមុនទេនោះ វាអាចនាំឲ្យកើតអាការៈហើមពោះ។

២. បាត់បង់សាច់ដុំ

យើងបាត់បង់ម៉ាសសាច់ដុំនៅពេលដែលយើងកាន់តែចាស់ ជះឥទ្ធិពលដល់ការធ្វើមេតាប៉ូលីស ក៏ដូចជាប៉ះពាល់ដល់ចលនាពោះវៀន។ ពិតណាស់ ពោះវៀនរបស់យើងក៏មានស្រទាប់សាច់ដុំដែរ ហើយវានឹងមានដំណើរការមិនល្អចំពោះមនុស្សភាគច្រើនទៅតាមពេលវេលា។ កត្តានេះ នាំឲ្យមនុស្សវ័យចំណាស់មានហានិភ័យខ្ពស់នៃការទល់លាមក ដែលជាមូលហេតុចម្បងនៃការហើមពោះ។

៣. ការប្រើប្រាស់ថ្នាំ

នៅពេលយើងមានវ័យកាន់តែចាស់ យើងអាចនឹងមានជំងឺរ៉ាំរ៉ៃមួយចំនួន ដូចជាសម្ពាធឈាមខ្ពស់ ឬជំងឺបេះដូង ដែលចាំបាច់ត្រូវប្រើប្រាស់ថ្នាំ។ យ៉ាងណាមិញ ថ្នាំទាំងនេះអាចធ្វើឲ្យយើងមានបញ្ហារំលាយអាហារ ហើយជាលទ្ធផល គឺការទល់លាមក និងហើមពោះ។

ហើមពោះ២

៤. ការអស់រដូវ

ការអស់រដូវអាចនាំឲ្យមានការធ្វើមេតាប៉ូលីសយឺតយ៉ាវ ក៏ដូចជាបាត់បង់សាច់ដុំ។ នៅពេលអស់រដូវ មុខងារមួយចំនួននៃពោះវៀនក៏មានការប្រែប្រួលដែរ ដែលជាហេតុបណ្ដាលឲ្យយើងមានអាការៈហើមពោះនេះឡើង។

៥. អសកម្ម

ជាមួយគ្នានេះដែរ នៅពេលដែលយើងមានវ័យកាន់តែច្រើន យើងនឹងបញ្ចេញសកម្មភាពរាងកាយកាន់តែតិចទៅៗ ដែលកត្តានេះដើរតួនាទីសំខាន់នៅក្នុងការធ្វើចលនា ដែលអាចបង្កើនហ្គាស និងការហើមពោះ។

៦. ច្រាលអាស៊ីដ

ការបាត់បង់សាច់ដុំនៅក្នុងក្រពះ និងបំពង់អាហារ នៅពេលយើងកាន់តែចាស់ អាចបណ្ដាលឲ្យកើតមានបញ្ហាច្រាលអាស៊ីដ ដែលនាំឲ្យកើតមានអាការៈហើមពោះ។

តិចនិកដោះស្រាយបញ្ហាហើមពោះ

១. បញ្ចេញសកម្មភាពរាងកាយឲ្យបានច្រើន

ការបញ្ចេញសកម្មភាពអាចជួយបង្កើនល្បឿនចលនាពោះវៀន និងកាត់បន្ថយហានិភ័យនៃជំងឺរ៉ាំរ៉ៃ ដែលបណ្ដាលមកពីការប្រើប្រាស់ថ្នាំ។ ដូច្នេះហើយ មនុស្សពេញវ័យគប្បីធ្វើលំហាត់ប្រាណយ៉ាងហោចណាស់ឲ្យបាន១៥០នាទី ក្នុងមួយសប្ដាហ៍ ទើបជាការប្រសើរ។

២. បន្ទោបង់ឲ្យបានទៀងទាត់

ប្រសិនបើយើងបន្ទោបង់តិចជាងធម្មតា ហើយមានលាមករឹងទៀតនោះ នេះបញ្ជាក់ថាយើងកំពុងប្រឈមនឹងបញ្ហាទល់លាមកហើយ។ ក្នុងករណីនេះ គ្នាយើងគប្បីបង្កើនការញ៉ាំអាហារជាតិសរសៃ ដូចជាបន្លែ និងផ្លែឈើ ញ៉ាំទឹកឲ្យបានច្រើន និងធ្វើលំហាត់ប្រាណជាទៀងទាត់។

មូលហេតុ​អ្វី​បាន​ជា​អាការៈ​ហើម​ពោះ​ មាន​ទំនាក់ទំនង​នឹង​វ័យ​ចំណាស់​?

១. ធ្វើ​មេតាប៉ូលីស​យឺត​

២​. បាត់បង់​សាច់ដុំ

៣. ការ​ប្រើប្រាស់​ថ្នាំ​

​​៤. ​ការ​អស់​រដូវ

​៥. អសកម្ម​

៦. ច្រាល​អាស៊ីដ

តិចនិក​ដោះស្រាយ​បញ្ហា​ហើម​ពោះ​

​១. បញ្ចេញ​សកម្មភាព​រាងកាយ​ឲ្យ​បាន​ច្រើន​​

​២. បន្ទោបង់​ឲ្យ​បាន​ទៀងទាត់​​