គ្នាយើងដែលទាន់សម័យ ចង់ញញឹមស្អាត បែប Perfect smile គឺនិយមទៅគាបធ្មេញ ដើម្បីឲ្យញញឹមចេញមកមានមន្តស្នេហ៍ តែទម្រាំតែបានធ្មេញស្អាតស្មើគ្នា មិនមែនងាយស្រួលទេណា។ ខាងក្រោមនេះ គឺជាបទពិសោធន៍គ្នាយើងដែលធ្លាប់បានគាបធ្មេញ ចែករំលែកឲ្យដឹង ពីការលំបាកផ្សេងៗ មុននឹងបានធ្មេញស្រស់ស្អាត។
ចំណាយពេលយូរ៖ អ្នកដែលគាបធ្មេញត្រូវប្រើពេលវេលាយូរមែនទែន ទម្រាំតែបានធ្មេញមកត្រង់ជួរ ស្មើគ្នាស្អាត។ កញ្ញា សូនី ជានិស្សិតនៅសាលាឯកជនមួយបានឲ្យដឹងថា ការគាបធ្មេញយូរ ឬឆាប់គឺអាស្រ័យទៅលើស្ថានភាពធ្មេញយើង គ្នាយើងខ្លះត្រូវគាបធ្មេញ ៤-៥ឆ្នាំ ឯខ្លះត្រូវប្រើរយៈពេល១-២ឆ្នាំ ទៅតាមប្រភេទធ្មេញម្នាក់ៗ។
ពិបាកញ៉ាំចំណីអាហារ៖ នេះអាចជាបញ្ហាដែលពិបាកទ្រាំជាងគេ ពេលគាបធ្មេញ។ យុវជន រាជ ជានិស្សិតនៃសកលវិទ្យាល័យជាតិគ្រប់គ្រង ដែលមានបទពិសោធ៍គាបធ្មេញ បានឲ្យដឹងថា ពេលដែលគាបធ្មេញ ត្រូវតមនឹងចំណីដែលយើងញ៉ាំមែនទែន បើមិនអ៊ីចឹងទេច្បាស់ជានាំទុក្ខដាក់ខ្លួនហើយ។ ពេលគាបធ្មេញ អាហារដែលចូលចិត្តញ៉ាំពីមុនៗ អាចត្រូវតមខ្លះដើម្បីកុំឲ្យប៉ះពាល់ដល់ធ្មេញ។
អត្ថបទពាក់ព័ន្ធ៖
- កំពុងគាបធ្មេញ តិចច្រឡំធ្វើរឿងអស់នេះ យ៉ាប់ហើយ!
- ទម្លាប់៩យ៉ាងធ្វើឲ្យធ្មេញខូចដោយមិនដឹងខ្លួន
មុតមាត់៖ ផលពិបាកមួយនេះ គឺត្រូវរំពឹងទុកខ្ពស់ពេលដែលគាបធ្មេញ។ ដែក ឬលួសដែលមាននៅក្នុងមាត់ ធ្វើឲ្យយើងមិនស្រណុក ទើសៗ ហើយពេលខ្លះ អាចម៉ុតមាត់ ឬសាច់ថ្ពាល់ក្នុងមាត់បាន តែវាមិនធ្ងន់ធ្ងរទេ គ្រាន់តែឈឺចាប់ក្នុងមាត់ពិបាកនៅប៉ុណ្ណឹងឯង។
ឈឺធ្មេញ- បញ្ហានេះដូចបញ្ហាខាងលើដែរ ក្នុងពេលគាបធ្មេញ គ្រូពេទ្យជំនាញផ្នែកគាបធ្មេញនៃមន្ទីរព្យាបាល ធ្មេញរៀលធីសបានឲ្យដឹងថា ក្នុង១ខែៗ អ្នកពត់ធ្មេញត្រូវទៅពេទ្យធ្មេញម្តង ដើម្បីរឹតលួស ឲ្យធ្មេញមកស្មើគ្នា ដូចនេះហើយ វានឹងបណ្តាលឲ្យឈឺធ្មេញមួយរយៈពេលខ្លី អាចពីមួយថ្ងៃ ទៅមួយអាទិត្យក៏ថាបាន។
ក្លិនមាត់- ក្នុងពេលដែលគាបធ្មេញ បញ្ហាក្លិនមាត់ អាចកើតឡើងញឹកញាប់ជាងពេលធម្មតា ព្រោះក្រោយពេលដែលយើងញ៉ាំចំណីអាហារហើយ មិនថាបាយ ឬនំអ្វីក៏ដោយ វានឹងនៅជាប់ក្នុងចន្លោះលួសដែលគាបធ្មេញនោះ ជាហេតុបណ្តាលឲ្យបញ្ហាក្លិនមាត់កើតមានច្រើន។ ដូចនេះ រាល់ពេលដែលញ៉ាំអាហារអ្វីមួយត្រូវសម្អាតឲ្យស្អាត ព្រោះអំឡុងពេលគាបធ្មេញទាមទារឲ្យមានអនាម័យមាត់ល្អ។
ពិបាកគេង៖ ផលពិបាកនេះ មិនសូវជាជួបញឹកញាប់ទេ បើតាមបទពិសោធន៍អ្នកធ្លាប់គាបធ្មេញបានឲ្យដឹងថា បញ្ហាពិបាកគេងនឹង គឺអាចកើតមានបន្ទាប់ពី ទៅរឹតបណ្តឹងធ្មេញហើយ ដោយសារឈឺធ្មេញពេក រហូតគេងមិនសូវបានក៏មាន។
អត្ថបទពាក់ព័ន្ធ៖
- តិចនិករើសយកច្រាសដុះធ្មេញ ជួយធ្មេញកាន់តែមានសុខភាពល្អ
- រលាកអញ្ចាញធ្មេញ កើតឡើងដោយសារអ្វី? គួរដោះស្រាយម៉េចវិញ?
- ជួបបញ្ហាក្លិនមាត់មិនល្អ! សាកតិចនិកនេះ អាចជួយដោះស្រាយបាន
- អនុវត្តគន្លឹះពិសេសទាំង ៧ នេះ ជួយមាត់ធ្មេញមានសុខភាពល្អ
- អាថ៌កំបាំងជួយអ្នកធ្មេញលឿងៗ ឲ្យសវិញបាន
- ទម្លាប់៩យ៉ាងធ្វើឲ្យធ្មេញខូចដោយមិនដឹងខ្លួន
- តិចនិកបង្រៀនកូចតូចៗឲ្យចេះដុសសម្អាតធ្មេញ
- ទម្លាប់អាក្រក់ ១៥នេះ បំផ្លាញធ្មេញមិនដឹងខ្លួន
[embed-health-tool-bmi]
