ស្រីៗកើតបូសនៅទ្វារមាសបណ្ដាលមកពីកត្តាអ្វីខ្លះ? ការពារបែបណា?

បូសជាប្រភេទនៃការបង្ករោគ ដែលកើតឡើងនៅក្នុងគល់រោម។ ជាទូទៅ បូសចាប់ផ្ដើមកើតចេញជាដុំពកក្រហមតូច ប៉ុន្តែនៅពេលដែលរាងកាយរកឃើញការបង្ករោគតូចនោះ វានឹងបញ្ជូនកោសិកាឈាមសទៅវាយប្រហារ ទើបដុំពកអាចចាប់ផ្ដើមវិវត្តទៅជាអាប់សែធំមួយដែលមានខ្ទុះ។ ការបង្ករោគ អាចមានការឈឺចាប់ ជាពិសេសនៅពេលដែលដុំពកកើតនៅបរិវេណប្រដាប់បន្តពូជ។

រោគសញ្ញាសំខាន់ៗនៃបូស

ចំពោះបូសដែលកើតនៅបរិវេណប្រដាប់ភេទ ច្រើនតែមានការយល់ច្រឡំថា ជាការរលាកដោយការកោររោមជាដើម។ យ៉ាងណាមិញ ស្រីៗយើងអាចតាមដានរោគសញ្ញាមួយចំនួននៃការកើតបូសនៅតំបន់ពិសេស ដូចខាងក្រោម៖

ស្នាមក្រហម
ឈឺចាប់
ហើម
មានអារម្មណ៍ក្ដៅឧណ្ហៗនៅពេលប៉ះ
មានក្បាលលឿង ឬស
មានខ្ទុះ
គ្រុនក្ដៅ
ហើមកូនកណ្ដុរ

ជាក់ស្ដែង មិនមានការកំណត់ថាបូសត្រូវការរយៈពេលយូរប៉ុនណាក្នុងការវិវត្តនៅតំបន់ពិសេសនោះទេ។ សម្រាប់អ្នកខ្លះ បូសអាចលេចចេញជាបូសតូចមួយនៅលើទ្វារមាស ឬកន្លែងមានផ្នត់ស្បែកនៃក្រលៀន ហើយវានឹងបាត់ទៅវិញ ដោយមិនចាំបាច់ព្យាបាលនោះទេ។ ឯអ្នកខ្លះទៀត អាចកើតបូសនៅលើទ្វារមាសដែលវិវត្តទៅជាធំទៅៗ និងមានខ្ទុះក្នុងរយៈពេលប៉ុន្មានថ្ងៃក្រោយ។

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

បូសទ្វារមាស

គន្លឹះកម្ចាត់បញ្ហាកើតបូស

យើងអាចកម្ចាត់បូសដោយខ្លួនឯងបាន អាស្រ័យលើទីតាំង។ ក្នុងករណីដែលកើតបូសនៅលើទ្វារមាស កន្លែងផ្នត់ស្បែកនៃក្រលៀន ឬគូទ យើងអាចស្អំកំណាត់ក្ដៅឧណ្ហៗនៅកន្លែងដែលឆ្លងមេរោគ ដើម្បីឲ្យមេរោគរំកិលទៅផ្ទៃខាងលើនៃជាលិកា ធ្វើឲ្យស្បែកទន់ បំបាត់ការឈឺចាប់ ព្រមទាំងជួយឲ្យបូសឆាប់ធ្លាយ។ យើងអាចស្អំបានច្រើនដងក្នុងមួយថ្ងៃ ហើយនៅពេលដែលបូសមានមុខ ចូរលាងសម្អាតបរិវេណនោះ ជាមួយនឹងសាប៊ូ និងទឹកក្ដៅឧណ្ហៗ។ បន្ថែមពីនេះ ចូរបិទបង់រុំរបួសរលុងៗ ជារៀងរាល់ពេលដែលយើងសម្អាតបរិវេណកើតបូស ដើម្បីការពារខ្ទុះធ្លោយ ក៏ដូចជាជៀសវាងប្រឡាក់សំលៀកបំពាក់។ មិនតែប៉ុណ្ណោះ គ្នាយើងចាំបាច់ត្រូវលាងដៃនៅមុន និងក្រោយពេលសម្អាតខ្ទុះ។

ប្រសិនបើបូសមានការវិវត្តដូចខាងក្រោម យើងគប្បីពិគ្រោះជាមួយគ្រូពេទ្យ ទើបជាការប្រសើរ។

បូសដែលវិវត្តធំទៅៗ (ធំជាង៥សង់ទីម៉ែត្រ) ហើយមិនធ្លាយ
ឈឺចាប់ខ្លាំង
ស្នាមក្រហមធំជាងបរិវេណដែលកើតបូស
ក្ដៅខ្លួនខ្លាំង និងគ្រុនរងា
មិនជាសះស្បើយក្នុងរយៈពេលច្រើនសប្ដាហ៍
បូសច្រើននៅក្នុងបរិវេណតែមួយ។

កត្តាហានិភ័យបង្កជាការកើតបូស

ប្រសិនបើយើងកោររោមប្រដាប់ភេទ ចូរកោរនៅពេលងូតទឹក (ជៀសវាងកោរនៅពេលស្បែកស្ងួត) និងកោរនៅក្នុងទិសដៅដែលរោមដុះ។
ពាក់ខោទ្រនាប់ដែលធ្វើពីកប្បាស និងស្លៀកសំលៀកបំពាក់រលុងៗ។
ងូតទឹកជារៀងរាល់ថ្ងៃ និងលាងសម្អាតបរិវេណប្រដាប់ភេទជាមួយនឹងសាប៊ូដែលគ្មានជាតិកាត់។
ផ្លាស់ប្ដូរខោទ្រនាប់ជារៀងរាល់ថ្ងៃ និងក្រោយហាត់ប្រាណរួច។
ប្រើប្រាស់ទឹករម្អិលអំឡុងពេលរួមភេទ ប្រសិនបើស្រីៗយើងប្រឈមនឹងទ្វារមាសស្ងួត។
បោកគក់សម្ភារៈផ្ទាល់ខ្លួន ដូចជាកន្សែង និងស្រោមពូក ឬស្រោមខ្នើយជាប្រចាំ។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 26/11/2024

រោគសញ្ញា​សំខាន់​ៗ​នៃ​បូស​

​​​គន្លឹះ​កម្ចាត់​បញ្ហា​កើត​បូស​

កត្តា​ហានិភ័យ​បង្ក​ជា​ការ​កើត​បូស​

រោគសញ្ញាសំខាន់ៗនៃបូស

គន្លឹះកម្ចាត់បញ្ហាកើតបូស

កត្តាហានិភ័យបង្កជាការកើតបូស