បើគ្នាយើងជួបប្រទះការប្រែប្រួលទម្ងន់ភ្លាមៗ វាអាចប៉ះពាល់ដល់វដ្ដរដូវរបស់យើងផងដែរ។ លើសពីនេះ ការហាត់ប្រាណច្រើនជ្រុលក៏អាចជះឥទ្ធិពលដល់ការមករដូវ ជាពិសេស នៅពេលដែលយើងដាក់សម្ពាធខ្លាំងលើរាងកាយ។
៣. បញ្ហាស្រ្តេស
ទន្ទឹមនឹងនេះដែរ ស្រ្តេសខាងអារម្មណ៍ ដូចជាបាត់បង់មនុស្សជាទីស្រលាញ់ ឬសម្ពាធការងារ ឬគ្រួសារ សុទ្ធតែអាចប៉ះពាល់ដល់រាងកាយ និងវដ្ដរដូវរបស់យើង។
៤. ការពន្យារកំណើត
ការប្រើប្រាស់ថ្នាំពន្យារកំណើតក៏អាចបណ្ដាលឲ្យមានការផ្លាស់ប្ដូរវដ្ដរដូវរបស់យើងដែរ។ វាជារឿងធម្មតាប៉ុណ្ណោះ ដែលស្រីៗយើងជួបប្រទះការមករដូវតិចតួច និងរយៈពេលខ្លី នៅអំឡុងពេលប្រើប្រាស់ថ្នាំពន្យារកំណើត។
៥. បញ្ហាសុខភាព
មានស្ថានភាពសុខភាពមួយចំនួន ដូចជាជំងឺរឹងឆ្អឹងកងក និងជំងឺAsherman’s syndromeដែលអាចធ្វើឲ្យរដូវរបស់យើងមានតិចជាងធម្មតា ប៉ុន្តែអាការៈចុកពោះអាចនឹងកើតឡើងដដែល។ នៅពេលដែលយើងប្រឈមនឹងជំងឺរឹងឆ្អឹងកងក វាអាចបណ្ដាលឲ្យឈាមរដូវជាប់នៅក្នុងស្បូន។