ប្រាកដហើយថា អ្នកចង់ចាកចេញ?
ស្រីៗយើងភាគច្រើនតែងតែមានភាពអៀនខ្មាសក្នុងការនិយាយ ឬចែករំលែកចំណេះដឹងអំពីអនាម័យកន្លែងសម្ងាត់។ ប៉ុន្តែ វាពិតជាមានភាពចាំបាច់ណាស់ក្នុងការថែរក្សាអនាម័យកន្លែងនោះឲ្យបានស្អាត និងមានសុខភាពល្អ។ ទោះបីជាស្រីៗយើងស្ថិតក្នុងវ័យណាក៏ដោយ យើងត្រូវតែយល់ដឹង ក៏ដូចជាអនុវត្តតិចនិកប្រចាំថ្ងៃមួយចំនួនខាងក្រោមនេះ ដើម្បីធានាថាយើងរក្សាអនាម័យកន្លែងសម្ងាត់បានត្រឹមត្រូវ។
ការណ៍ដែលស្រីៗយើងមិនជួតសម្អាតបរិវេណប្រដាប់ភេទឲ្យស្ងួតល្អ បន្ទាប់ពីនោមរួច វាអាចធ្វើឲ្យខោទ្រនាប់សើម ដែលកត្តានេះមិនត្រឹមតែបណ្ដាលឲ្យមានក្លិនមិនល្អប៉ុណ្ណោះទេ វាក៏អាចធ្វើឲ្យយើងមានហានិភ័យនៃការឆ្លងមេរោគទ្វារមាសផងដែរ។ ដូច្នេះហើយ យើងគួរតែជូតសម្អាតកន្លែងសំខាន់មួយនេះដោយប្រើក្រដាសអនាម័យ ឬកំណាត់ទន់ៗ ដើម្បីឲ្យខោទ្រនាប់របស់យើងមានភាពស្ងួតជានិច្ច។
ជាមួយគ្នានេះដែរ ការប្រើប្រាស់ម្សៅហ៊ុយលាបខ្លួន ឬការជូតខ្លាំងៗនៅត្រង់ទ្វារមាស វាអាចធ្វើឲ្យទ្វារមាសស្ងួតខ្លាំង ដែលអាចបណ្ដាលឲ្យមានភាពរមាស់ និងបញ្ហាស្ងួតទ្វារមាសផងដែរ។ លើសពីនេះ វាក៏អាចបង្កឲ្យមានការឈឺចាប់នៅពេលរួមភេទ និងធ្វើឲ្យយើងងាយរងរបួស ព្រមទាំងអាចបណ្ដាលឲ្យកើតមានហានិភ័យនៃជំងឺមហារីកស្រទាប់ស្បូន ថែមទៀតផង ប្រសិនបើយើងប្រើប្រាស់ម្សៅហ៊ុយនៅត្រង់បរិវេណទ្វារធំ និងរន្ធយោនី។
ជាទូទៅ ស្រីៗយើងតែងតែផ្លាស់ប្ដូរសំឡីអនាម័យជារៀងរាល់៤ទៅ៦ម៉ោងម្ដង។ ប៉ុន្តែប្រសិនបើយើងមករដូវច្រើនៗ យើងគប្បីផ្លាស់ប្ដូរសំឡីអនាម័យជារៀងរាល់៣ទៅ៤ម៉ោង។ យ៉ាងណាមិញ មានស្រីៗខ្លះ មិនសូវខ្វល់ខ្វាយអំពីរឿងផ្លាស់ប្ដូរសំឡីឲ្យបានទៀងទាត់ឡើយ នៅពេលដែលខ្លួនមករដូវតិចៗ ដែលកត្តានេះនឹងធ្វើឲ្យស្បែករបស់យើងកើតកន្ទួលរមាស់ ឬមានក្លិនមិនល្អជាដើម។ លើសពីនេះ ក្នុងករណីខ្លះ វាក៏អាចធ្វើឲ្យយើងមានហានិភ័យនៃការឆ្លងមេរោគផងដែរ។ ហេតុដូច្នេះហើយ ស្រីៗយើងគួរតែផ្លាស់ប្ដូរសំឡីអនាម័យឲ្យបានទៀងទាត់ និងលាងសម្អាតកន្លែងសំខាន់នេះជារៀងរាល់ពេលដែលយើងចូលបន្ទប់ទឹក ក្នុងអំឡុងពេលមករដូវ។
ស្រីៗយើងគួរបង្កើតទម្លាប់លាងសម្អាតកន្លែងប្រដាប់ភេទរាល់ពេលរួមភេទរួច ពីព្រោះធាតុរាវក្នុងរាងកាយ និងភាគល្អិតពីស្រោមអនាម័យអាចបណ្ដាលឲ្យមានការរលាក ក៏ដូចជាឆ្លងមេរោគទ្វារមាសបានផងដែរ។ ហេតុនេះហើយ ចូរលាងសម្អាតកន្លែងសំខាន់នេះជាមួយនឹងទឹកស្អាត បន្ទាប់ពីរួមភេទរួច ដើម្បីការពារខ្លួនពីជំងឺកាមរោគនានា។
ស្រីៗយើងមួយចំនួនចូលចិត្តកោររោមប្រដាប់ភេទ ដោយគិតថា រោមត្រង់តំបន់នោះ គឺគួរឲ្យខ្ពើម និងពុំមានអនាម័យឡើយ។ ប៉ុន្តែ ផ្ទុយទៅវិញ រោមប្រដាប់ភេទ គឺជាសំណាញ់សុវត្ថិភាពដែលការពារបបូរទ្វារមាស (Vulva) ពីការឆ្លងបាក់តេរីផ្សេងៗ។ បន្ថែមពីនេះ ការកោររោមដោយមិនបានប្រើប្រាស់ឧបករណ៍កោរអេឡិចត្រូនិកត្រឹមត្រូវ ក៏អាចបណ្ដាលឲ្យទ្វារមាសរបស់យើងរងរបួសផងដែរ។
ប្រសិនបើស្រីៗយើងជួបបញ្ហាផ្សេងៗដូចជា ទឹករម្អិលមានក្លិនមិនល្អ ហូរទឹករម្អិលតាមទ្វារមាសច្រើនជ្រុល ឬមានពណ៌ សូមទៅធ្វើការពិគ្រោះយោបល់ជាមួយនឹងគ្រូពេទ្យភ្លាមៗ។ លើសពីនេះ ចូរកុំព្រងើយកន្តើយជាមួយនឹងអាការៈរមាស់ ឬឈឺចាប់ក្នុងបរិវេណទ្វារមាស ពីព្រោះវាអាចជាសញ្ញានៃជំងឺផ្សេងៗផងដែរ។
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
វដ្ដរដូវ
(ថ្ងៃ)
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
