បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ស្រីៗប្រយ័ត្នតិច! មានកត្តាទាំងនេះប្រឈមនឹងកើតជំងឺមហារីកភ្នាសស្បូន

ចំពោះស្រីៗ ស្បូនគឺជាអវយវៈសំខាន់មួយនៃរាងកាយ ប៉ុន្តែវាក៏អាចប្រឈមមុខខ្ពស់ក្នុងការកើតជំងឺកាចៗសាហាវដែរដូចជា ដុំំស្បូន គីសក្នុងស្បូន និងជំងឺមហារីកស្បូន ឬមហារីកភ្នាសស្បូនជាដើម។ ទាក់ទងនឹងជំងឺមហារីកភ្នាសស្បូន លោកវេជ្ជបណ្ឌិត ចាន់ រស្មី ឯកទេសផ្នែកសម្ភព និងរោគស្ត្រី បានបកស្រាយឲ្យដឹងពីជំងឺនេះខ្លះៗ កត្តាប្រឈម និងរោគសញ្ញាផ្សេងៗ។

ស្រីៗប្រយ័ត្នតិច! មានកត្តាទាំងនេះប្រឈមនឹងកើតជំងឺមហារីកភ្នាសស្បូន

អ្វីទៅជាជំងឺមហារីកភ្នាសស្បូន?

លោកវេជ្ជបណ្ឌិតបានឲ្យដឹងថា ជំងឺមហារីកភ្នាសស្បូន ជាជំងឺដែលកោសិកាភ្នាសស្រទាប់ស្បូនលូតលាស់ខុសប្រក្រតី ក្លាយជាកោសិកាមហារីក។

ជំងឺមហារីកស្បូនមានហានិភ័យចំពោះស្ត្រីណាខ្លះ?

កត្តាហានិភ័យចំពោះស្ត្រីកើតជំងឺមហារីកភ្នាសស្បូនមាន៖

– បញ្ហាបញ្ចេញពងញី

– ជំងឺកន្សោមពងញីកន្តាញ់ កើតគីសច្រើន

– ស្ត្រីឆាប់មានរដូវក្មេងពេក

– ស្ត្រីអស់រដូវយឺតពេក

- ប្រើប្រាស់ថ្នាំ ភ្ញោចពងញីឲ្យឆាប់ទុំ

– ការលើសអ័រម៉ូន អឺស្រ្តូហ្សែន រយៈពេលយូរ

– កត្តាតំណពូជ គ្រួសារ

– ស្ត្រីធាត់លើសទម្ងន់ លើសសម្ពាធឈាម មានជំងឺទឹកនោមផ្អែម

– ស្ត្រីចូលចិត្តញ៉ាំ ខ្លាញ់សត្វច្រើន។ល។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

មហារីកភ្នាសក្នុងស្បូន

ជំងឺមហារីកភ្នាសស្បូន មានរោគសញ្ញាបែបណាខ្លះ?

ស្ត្រីគួរយកចិត្តទុកដាក់នឹងរោគសញ្ញាមួយចំនួនរួមមាន៖

– ស្ត្រីអស់រដូវ បែរជាមានធ្លាក់ឈាមតាមទ្វារមាស ខុសធម្មតា

– ស្ត្រីនៅដំណាក់កាលបន្តពូជ មានរដូវមិនទៀងទាត់ ឈាមរដូវធ្លាក់យូរថ្ងៃ ធ្លាក់ឈាមខុសធម្មតា

– ដំណាក់កាលយឺត (កើតយូរខែឆ្នាំ) ឈឺចាប់នៅក្នុងអាងត្រគៀក បទជើងតូចនោមមានលាយឈាម ទឹកដក់ក្នុងពោះ(ពោះប៉ោងធំ)។

អត្ថបទគួរអាន៖

ជំងឺមហារីកភ្នាសស្បូន ព្យាបាលដោយរបៀបណាខ្លះ?

ក្នុងករណីដែលកើតជំងឺមហារីកភ្នាសស្បូន ក្រុមគ្រូពេទ្យអាចធ្វើការព្យាបាលបានតាម៣វិធីសាស្ត្រ៖

១. ព្យាបាលដោយវះកាត់ស្បូនចោលទាំងស្រុង កន្សោមពងញីទាំងសងខាង វះយកកូនកណ្ដុរចេញ

២. ប្រើប្រាស់ថ្នាំគីមី

៣. បាញ់កាំរស្មីសម្លាប់កោសិកាមហារីក។

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នាង សុខុមដាលីញ៉ា · កែ 12/05/2023